Pita In Fɔs Lɛta 4:6 - Krio Fɔs Oli Baybul

⁶ Na dat mek dɛn wan we bin dɔn day sɛf bin dɔn yɛri di Gud Nyuz we Krays tɛl dɛn, so dat, pan ɔl we Gɔd bin dɔn jɔj dɛn fɔ wetin dɛn bin du wɛn dɛn de na dis layf, i bin want gi dɛn chans fɔ de wit am na ɛvin.

Pita In Fɔs Lɛta 4:6 Referans Kwoze

Lɛta Fɔ Rom 8:2

Gɔd in Spirit we de gi layf ɛn we de rul wi dɔn mek wi gɛt wanwɔd wit Jizɔs Krays, ɛn i dɔn pul wi ɔnda di pawa we sin ɛn day bin gɛt oba wi.

Pita In Fɔs Lɛta 3:19

Wɛn i bi Spirit, i go to dɛn spirit we dɛn bin de gyad te di tɛm rich fɔ jɔj dɛn, i go tɛl dɛn di Gud Nyuz.

Lɛta Fɔ Galeshya 5:25

Gɔd in Spirit dɔn gi wi layf ɛn i fɔ rul wi layf.

Matyu 24:9

“Da tɛm de, dɛn go ol sɔm pan una, ɛn gi una to pipul we go mek una sɔfa, dɔn dɛn go kil una. Pipul nɔ go lɛk una bikɔs una biliv pan mi.

Lɛta Fɔ Galeshya 2:19

Fɔ mi yon say, a jɛs tan lɛkɛ pɔsin we dɔn day bikɔs a dɔn day to di Ju Lɔ; a nɔ de ɔnda di Ju Lɔ igen, so dat a go liv fɔ Gɔd. I tan lɛkɛ a dɔn day wit Krays na di krɔs.

Rɛvɛleshɔn 14:18

Dɛn wan ɔda enjɛl we bin de gyad di faya, kɔmɔt klos di tebul we dɛn bin de mek sakrifays to Gɔd, kam. I ala lawd wan tɛl di enjɛl we ol di nɛf se, “Tek yu nɛf, kɔt dɛn greps we dɛn go tek mek wayn, dɛn dɔn rɛp!”

Pita In Fɔs Lɛta 1:12

Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.

Pita In Fɔs Lɛta 3:18

Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔtalman, bɔt naw we Krays na Spirit, Gɔd dɔn mek i rayz frɔm di grev.