Pita In Fɔs Lɛta 4:5 - Krio Fɔs Oli Baybul

⁵ Bɔt dɛn go gɛt fɔ ansa to Gɔd, we go jɔj dɛn wan we nɔ day yet ɛn dɛn wan we dɔn day, i nɔ go te igen.

Pita In Fɔs Lɛta 4:5 Referans Kwoze

Jems 5:9

Mi kɔmpin Kristiɛn dɛn, una nɔ fɔ kɔmplen bɔt una kɔmpin, so dat wɛn Gɔd jɔj una, i nɔ go kɔndɛm una. Di Jɔj we go jɔj wi dɔn kam klos, i tinap na domɔt.

Apɔsul Dɛn Wok 10:42

I tɛl wi fɔ tɛl ɔlman di Gud Nyuz. I tɛl wi igen fɔ tɛl ɔlman se Gɔd dɔn pik am fɔ jɔj ɔl dɛn pipul we dɔn day ɛn ɔl dɛn wan we nɔ day yet.

Sɛkɛn Lɛta To Timoti 4:1

A de wɔn yu siriɔs wan bifo Gɔd ɛn bifo Krays Jizɔs we go jɔj dɛn wan we nɔ day yet ɛn dɛn wan we dɔn day: bikɔs Krays gɛt fɔ kam bak na wɔl ɛn rul lɛkɛ Kiŋ, a de tɛl yu,

Apɔsul Dɛn Wok 17:31

Gɔd dɔn put tɛm we i go jɔj ɔlman ɛn nɔbɔdi nɔ go kɔmplen se Gɔd nɔ jɔj am tret. Gɔd dɔn pik di wan we go jɔj ɔlman. Gɔd dɔn mek wi shɔ bɔt dis tin, we i mek di wan we i pik, rayz frɔm di grev, fɔ mek nɔbɔdi nɔ go dawt.”

Matyu 12:36

“A de tɛl una se, di de we Gɔd go jɔj di wɔl, ɔlman go tɛl Gɔd di kyalɛs wɔd dɛn we i bin dɔn tɔk.

Lyuk 16:2

Di man sɛn kɔl di klak ɛn i aks am se, ‘Wetin a de yɛri bɔt yu so? Gi mi di buk we yu de rayt ɔl wetin yu dɔn yus ɛn wetin lɛf na yu an, bikɔs yu nɔ go du dis wok ya igen.’

Izikɛl 18:30

Papa Gɔd we na Gɔd se, “Fɔseka dat, a go jɔj una, una Izrɛl. A go jɔj una ɔl bay una we. So una ripɛnt ɛn lɛf ɔl una bad bad tin dɛn we una de du, if nɔto so, una sin dɛn go ruin una na wɔl.

Ɛkliziastis 12:14

PAPA GƆD go jɔj ɔltin we pipul du, we insay de yu gɛt di sikrit tin dɛn we pipul ayd du; di gud wan dɛn ɛn di bad wan dɛn.

Di Sam Dɛm 1:6

PAPA GƆD nɔ de tek jok fɔ udat de waka tret bɔt di bad man go sɔfa fɔ ɔl wetin i dɔn du.

Lɛta Fɔ Rom 14:9

Na di rizin dat we mek Krays day ɛn rayz frɔm di grev fɔ mek i bi di Masta fɔ dɛn pipul we dɔn day ɛn dɛn wan we nɔ day yet.