Pita In Fɔs Lɛta 4:2 - Krio Fɔs Oli Baybul

² So, frɔm naw sote una day, nɔto una at una fɔ de fala, bɔt na wetin Gɔd want una fɔ du.

Pita In Fɔs Lɛta 4:2 Referans Kwoze

Pita In Fɔs Lɛta 1:14

Una fɔ du ɔl wetin Gɔd tɛl una fɔ du, una nɔ fɔ fala una at fɔ du dɛn bad tin we una bin lɛk fɔ du di tɛm we una nɔ bin no di Gud Nyuz bɔt Jizɔs Krays yet.

Lɛta Fɔ Ɛfisɔs 6:6

Nɔto wɛn una masta de luk una nɔmɔ una fɔ du una wok gud, so dat dɛn go prez una; bɔt una fɔ de du una wok lɛkɛ se na Krays una de du am fɔ, ɛn una fɔ du wetin Gɔd want wit ɔl una at.

Lɛta Fɔ Rom 6:11

Semwe so, una fɔ tink se unasɛf dɔn day so dat sin nɔ go gɛt pawa fɔ rul una igen, ɛn una fɔ liv naw fɔ pliz Gɔd bikɔs una gɛt wanwɔd wit Krays Jizɔs.

2 Kɔrint 5:15

I day fɔ ɔlman so dat dɛn wan we gɛt layf nɔ go liv fɔ dɛnsɛf nɔmɔ, bɔt dɛn go jɛs liv nɔmɔ fɔ di wan we dɔn day, we Gɔd mek rayz frɔm di grev fɔseka dɛn.

Lɛta Fɔ Ɛfisɔs 2:3

Wisɛf bin tan lɛkɛ dɛn, wi bin jɛs de du wetin wi fil fɔ du ɛn wetin wi at gi wi fɔ du; Gɔd bin fɔ vɛks pan wi lɛkɛ aw i vɛks pan dɛn ɔda pipul.

Lɛta Fɔ Rom 6:2

Dat nɔ fɔ bi so! Wɛn i kam pan sin, i tan lɛkɛ se wi na dedebɔdi, sin nɔ gɛt pawa fɔ rul wi igen so aw wi go stil de sin igen?

Lɛta Fɔ Ɛfisɔs 4:17

A de tek di Masta in nem fɔ tɔk to una ɛn wɔn una se, una nɔ fɔ liv di layf igen we dɛn pipul we nɔ no Gɔd de liv.

Lɛta Fɔ Rom 14:7

Nɔn pan wi nɔ fɔ liv fɔ insɛf nɔmɔ; ɛn nɔn nɔ go jɛs day fɔ insɛf nɔmɔ.

Pita In Fɔs Lɛta 2:1

So una fɔ lɛf ɔl dɛn bad tin we de na una layf: una fɔ lɛf fɔ lay, una fɔ lɛf fɔ mek ipokrit, una fɔ lɛf fɔ jɛlɔs una kɔmpin ɛn una fɔ lɛf fɔ tɔk bad bɔt dɛn.

Di Sam Dɛm 143:10

Tich mi aw fɔ du wetin yu want mi fɔ du bikɔs yu na mi PAPA GƆD; lid mi wit yu pawa go usay a nɔ go gɛt prɔblɛm.

Jɔn 7:17

Ɛnibɔdi we gri fɔ du wetin Gɔd want, go no if na Gɔd tɛl mi wetin a de lan pipul ɔ if na bay misɛf a de tɔk.

Mak 7:21

Na di at de mek pɔsin mekɔp fɔ du bad, fɔ liv fri layf, fɔ tif, fɔ kil,

Mak 3:35

Ɛnibɔdi we du wetin Gɔd want, na da pɔsin de na mi brɔda, mi sista ɛn mi mama.”

Ozie 6:7

I se dɛn de biev lɛk Adam we nɔ du wetin i se bikɔs i nɔ bin gɛt feth pan wetin i se.

Jɔn In Fɔs Lɛta 2:17

Di wɔl ɛn ɔltin we lib de we pipul want bad bad go dɔn wande, bɔt di pɔsin we du wetin Gɔd want go de sote go.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Di Ibru Pipul Dɛn 13:21

A de pre mek Gɔd gi una ɔl dɛn gud tin we una nɔ gɛt, so dat una go yus dɛn gud tin de fɔ du wetin i want una fɔ du. A de pre mek Gɔd mek Jizɔs Krays in pawa wok na wi ɔl at, so dat wi go bi aw i want wi fɔ bi. A de pre mek pipul prez ɛn rɛspɛkt Jizɔs Krays sote go! Emɛn.

Fɔs Lɛta Fɔ Tɛsalonayka 5:18

ɛn una fɔ tɛl Gɔd tɛnki ɔltɛm fɔ ɔltin. Na so Gɔd want mek una we gɛt wanwɔd wit Jizɔs Krays, liv.

Lɛta Fɔ Kɔlɔse 1:9

Na dat mek frɔm di de we wi yɛri bɔt una, wi de pre fɔ una ɔltɛm. Wi de aks Gɔd mek in Spirit gi una sɛns ɛn mek una sabi bɔt am, so dat una go no wetin Gɔd want una fɔ du, ɛn una nɔ go dawt.

Lɛta Fɔ Ɛfisɔs 5:17

Una nɔ gri mek ɛnibɔdi mek una ful, una tray fɔ no wetin di Masta want una fɔ du.

Lɛta Fɔ Rom 12:2

Una nɔ fɔ de du lɛkɛ aw di pipul dɛn na dis wɔl de du, bɔt una fɔ lɛ Gɔd chenj una at so dat ɔl wetin una de tink ɛn du go chenj. Dat go mek una ebul no wetin Gɔd want; dat na: wetin gud, wetin Gɔd lɛk, ɛn wetin nɔbɔdi nɔ go ebul fɛn fɔlt pan.

Lɛta Fɔ Rom 7:4

Mi kɔmpin Kristiɛn dɛn, na semwe so fɔ una bikɔs di day we Krays day dɔn mek wi kɔmɔt ɔnda di Lɔ in pawa. Naw una na Krays yon pipul, Krays we Gɔd mek rayz frɔm di grev, na dat mek wi ɔl fɔ du gud wok we wi de sav Gɔd.

Jɔn 1:13

Dɛn nɔ bi Gɔd in pikin dɛn lɛkɛ aw dɛn pikin de bɔn na wɔl, dɛn nɔ bi Gɔd in pikin dɛn bikɔs na dat dɛn want ɔ bikɔs na dat ɔda pipul want, bɔt na Gɔd insɛf mek dɛn bi in pikin dɛn bikɔs na dat i want.

Matyu 21:31

Uswan pan dɛn tu pikin ya du wetin in papa want?” Dɛn se, “Na di big brɔda, sa.” Jizɔs se, “Dɛn pipul we de gɛda gɔvmɛnt taks ɛn dɛn uman we de pan fri layf, go kam ɔnda Gɔd in rul bifo una.

Matyu 12:50

Ɛnibɔdi we du wetin mi Papa we de na ɛvin want am fɔ du, nain na mi tru sista ɛn brɔda ɛn mama!”

Matyu 7:21

“Nɔto ɔlman we de kɔl mi, ‘Masta, Masta’ go go usay Gɔd de rul na ɛvin. Na dɛn wan nɔmɔ we du wetin mi Papa, we de na ɛvin, want, go go de.

Lɛta Fɔ Kɔlɔse 4:12

Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.

Lɛta Fɔ Kɔlɔse 3:3

Wɛn i kam pan dis wɔl yon biznɛs, una dɔn day, ɛn di tru layf we Gɔd dɔn gi una ayd insay Krays bikɔs una de waka klos Gɔd.

Matyu 20:4

So i kɔl dɛn, i se, ‘Unasɛf kam go wok na mi fam, a go pe una wetin una fɔ gɛt.’