Pita In Fɔs Lɛta 4:18 - Krio Fɔs Oli Baybul

¹⁸ Dɛn rayt na Gɔd in Buk se, “If i traŋa fɔ pipul, we de du wetin Gɔd want, fɔ sev; wetin go bi to dɛn pipul we nɔ bisin bɔt Gɔd, we de pan sin?”

Pita In Fɔs Lɛta 4:18 Referans Kwoze

Prɔvabs 11:31

If udat raychɔs de gɛt in pe na ya; mɔs no uskayn pe bad pɔsin go gɛt.

Izikɛl 18:24

Bɔt we pɔsin we bin de waka tret wit PAPA GƆD, chenj, ɛn bigin kɔmit sin, de du dɛn sem bad bad tin dɛn we PAPA GƆD nɔ lɛk, we wikɛd pipul dɛn kin du, i go liv? Fɔseka we i kɔmɔt biɛn PAPA GƆD ɛn fɔseka di sin we i dɔn kɔmit, i go day.

Lyuk 23:31

If dɛn du dis to di rɔ tik, dat na mi; wetin dɛn go du to di dray wan, dat na una?”

Jud In Lɛta 1:15

fɔ jɔj ɔlman, ɛn kɔndɛm ɔl dɛn pipul we nɔ gri du wetin Gɔd want, fɔ ɔl di bad bad tin dɛn we dɛn de du we Gɔd nɔ lɛk, ɛn fɔ ɔl dɛn bad bad tin we dɛn dɔn tɔk bɔt Gɔd!”

1 Kɔrint 10:12

Ɛnibɔdi we tink se in tinap, fɔ tek tɛm, mek i nɔ fɔdɔm.

Lɛta Fɔ Rom 1:18

Di vɛks we Gɔd vɛks dɔn sho aw i go jɔj ɔlman fɔ di sin we de na dɛn at ɛn fɔ di bad we dɛn du, we de mek pipul nɔ no wetin tru bɔt Gɔd.

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Pita In Sɛkɛn Lɛta 3:7

Bɔt Gɔd in wɔd we bin mek ɔl di wɔl we de naw, kip am fɔ mek i bɔn na faya di de we Gɔd go jɔj dɛn pipul we kin de du dɛn tin we i nɔ lɛk ɛn mek dɛn go na ɛl.

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Lɛta Fɔ Rom 5:8

Bɔt Gɔd dɔn sho wi aw i lɛk wi bikɔs pan ɔl we sin bin plɛnti na wi layf, Krays day fɔ wi.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Jɛrimaya 25:29

Bikɔs, a bigin fɔ du bad na di siti we gɛt mi nem, so na una fɔ go fri? Una nɔ go go fri, bikɔs a de sɛn kɔl wan sɔd agens ɔl di wan dɛm we tap na di wɔl. Na so PAPA GƆD Ɔlmayti se.

Di Ibru Pipul Dɛn 4:1

Gɔd bin dɔn prɔmis wi se, wi go go na di ples we i de, ɛn wi go sidɔm blo. Na dat mek wi fɔ tek tɛm, so dat dɛn nɔ go tɛl ɛni wan pan wi se, i nɔ go go de.

Lɛta Fɔ Rom 5:6

Di tɛm we sin bin plɛnti na wi layf, wi nɔ bin ebul ɛp wisɛf; Krays day fɔ wi we nɔ bin de du wetin Gɔd want, di rayt tɛm we Gɔd pik.

Jɛnɛsis 13:13

Di pipul dɛn we bin tap na Sɔdɔm bin wikɛd, ɛn bin de du bad bad tin we PAPA GƆD nɔ lɛk.

Apɔsul Dɛn Wok 27:24

Di enjɛl se, ‘Pɔl, nɔ fred! Yu go tinap bifo di kiŋ na Rom; ɛn Gɔd dɔn se una ɔl go rich Rom ɛn nɔbɔdi nɔ go day.’

Lyuk 15:1

Dɛn pipul we de gɛda taks ɛn dɛn ɔda pipul we di Ju pipul dɛn nɔba miks wit bikɔs dɛn tink se dɛn nɔ de kip di Ju Lɔ aw dɛn fɔ kip am, bin de kam fɔ yɛri wetin Jizɔs de tɔk.

1 Samiɛl 15:18

ɛn dat na di sem PAPA GƆD sɛn am fɔ go dɔnawe wit dɛn bad bad Amalɛkayt dɛn. I tɛl am se PAPA GƆD sɛn am fɔ dɔnawe wit dɛn kpatakpata,

Apɔsul Dɛn Wok 27:31

Pɔl tɛl di soja man dɛn bigman ɛn di ɔda soja man dɛn se, “If dɛn pipul ya kɔmɔt insay di big bot, una go day!”

Fɔs Lɛta To Timoti 1:9

Pɔsin fɔ no se nɔto fɔ pipul we gud lɔ de, bɔt na fɔ dɛn wan we de brok di Lɔ, dɛn wan we de tif ɛn du ɔl kayn bad tin, dɛn wan we nɔ no Gɔd; dɛn wan we nɔ de fɔ Gɔd, we nɔ tek Gɔd biznɛs mek natin, dɛn wan we de kil dɛn yon mami ɛn dadi, ɛn dɛn wan we de kil dɛn kɔmpin mɔtalman,

Jems 5:6

Una dɔn kɔndɛm dɛn pipul we nɔ du una natin; dɛn nɔ se fiŋ, ɛn una dɔn kil dɛn.