Pita In Fɔs Lɛta 4:17 - Krio Fɔs Oli Baybul

¹⁷ Di tɛm we Gɔd go jɔj di wɔl nɔ fa igen, ɛn nain yon pipul dɛn fɔs i go jɔj. If Gɔd bigin wit wi we nain yon, aw tin go tan fɔ dɛn wan we nɔ biliv di Gud Nyuz we Gɔd sɛn to mɔtalman?

Pita In Fɔs Lɛta 4:17 Referans Kwoze

Jɛrimaya 25:29

Bikɔs, a bigin fɔ du bad na di siti we gɛt mi nem, so na una fɔ go fri? Una nɔ go go fri, bikɔs a de sɛn kɔl wan sɔd agens ɔl di wan dɛm we tap na di wɔl. Na so PAPA GƆD Ɔlmayti se.

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Izikɛl 9:6

kil ol man, yɔŋ man, yɔŋ gyal we nɔ no man yet, lili pikin ɛn uman dɛn, bɔt nɔ tɔch ɛni wan we get di mak. Una bigin na mi os.” So dɛn bin bigin wit di bigman dɛn we bin de bifo PAPA GƆD in os.

Pita In Fɔs Lɛta 2:8

Dɛn rayt ɔda say na Gɔd in Buk se, “Na di ston dis we go mek pipul bɔk dɛn fut ɛn fɔdɔm.” Dɛn pipul ya bin bɔk dɛn fut bikɔs dɛn nɔ bin biliv se Gɔd in wɔd na tru; na so Gɔd bin dɔn plan fɔ dɛn.

Lɛta Fɔ Rom 2:9

Gɔd go mek ɔlman we de du bad, sɔfa ɔl kayn sɔfa, di Ju pipul ɛn dɛn pipul we nɔto Ju, dɛn ɔl go sɔfa if dɛn du bad.

Lyuk 23:31

If dɛn du dis to di rɔ tik, dat na mi; wetin dɛn go du to di dray wan, dat na una?”

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Emɔs 3:2

“Na una a pik pan ɔl dɛn pipul na di wɔl, so a go pɔnish una gud fashin fɔ wetin una du.”

Ayzaya 10:12

We PAPA GƆD go dɔn dɔn ɔl in wok pan Mawnt Zayɔn ɛn pan Jerusɛlɛm, I go pɔnish di kiŋ na Asiria fɔ di blɔf tɔk dɛn we i de tɔk, ɛn fɔ di fulish prayd we i de mek.

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Di Ibru Pipul Dɛn 2:4

Gɔd insɛf pruv se in mɛsej bɔt di wɔndaful we we i go sev pipul, na tru, bay di wɔndaful tin we i du we sho wetin gɛt fɔ bi bambay; we i du ɔl kayn big wok we mek pipul wɔnda; ɛn we i mek in Spirit gi pipul dɛn pawa fɔ du difrɛn difrɛn tin lɛkɛ aw in want.

Di Ibru Pipul Dɛn 2:2

Wi no se, di mɛsej we di enjɛl dɛn bin briŋ fɔ wi na tru. Ɛnibɔdi we bin jomp dɛn wɔd, ɛn we bin du wetin di enjɛl dɛn nɔ tɛl am fɔ du, Gɔd pɔnish da pɔsin de di rayt we.

Lɛta Fɔ Galeshya 5:7

Una bin de du wɛl we una bin de biliv pan Krays mɔ ɛn mɔ; udat mek una lɛf fɔ du dɛn tru tin we Gɔd tɛl una fɔ du? Wetin di pɔsin du fɔ chenj una at?

Di Ibru Pipul Dɛn 11:8

Na bikɔs Ebraam bin biliv Gɔd mek i du wetin Gɔd tɛl am fɔ du wɛn Gɔd kɔl am ɛn sɛn am fɔ go na di ples we i prɔmis fɔ gi am. I grap ɛn go, pan ɔl we i nɔ bin no di ples we i de go.

Lɛta Fɔ Galeshya 3:1

Una dɛn pipul we kɔmɔt Galeshya, una nɔ gɛt sɛns! Udat de wich una mek una nɔ ebul no wetin una de du? A bin dɔn tɛl una plen wan aw pipul bin kil Jizɔs Krays na di krɔs.

Jɛrimaya 49:12

Bikɔs na dis PAPA GƆD se: “If dɛn wan dɛm we nɔ sɔpoz fɔ drink pan di kɔp, fɔ drink pan am paopa, yu tink se yusɛf nɔ fɔ gɛt pɔnishmɛnt? Yu nɔ go go fri, yusɛf fɔ drink de.

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

Lɛta Fɔ Galeshya 6:10

Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi.

Fɔs Lɛta To Timoti 3:15

if sɔntin sɛf mek a te fɔ kam, dis lɛta ya go mek yu no aw wi fɔ de du wɛn wi de wit Gɔd in pipul dɛn, dat na Gɔd we gɛt layf sote go, in chɔch, ɛn Gɔd in chɔch na di bakbon fɔ di tru tin we wi de tɛl pipul.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.