Pita In Fɔs Lɛta 4:16 - Krio Fɔs Oli Baybul

¹⁶ Bɔt if na fɔseka Krays mek waala mit una, dat nɔ fɔ mek una shem, bɔt una fɔ tɛl Gɔd tɛnki we una na Kristiɛn.

Pita In Fɔs Lɛta 4:16 Referans Kwoze

Lɛta Fɔ Filipay 1:29

Na Gɔd insɛf gi una dis wɔndaful chans fɔ biliv pan Krays ɛn fɔ sɔfa fɔseka am.

Pita In Fɔs Lɛta 4:19

A tɛl una ɔl dis fɔ mek dɛn pipul we de sɔfa bikɔs dɛn no se na dat Gɔd want, lɛf dɛnsɛf na Gɔd an, ɛn du gud mɔ ɛn mɔ, bikɔs na Gɔd mek dɛn, ɛn i de du ɛnitin we i dɔn prɔmis se in go du.

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

Lɛta Fɔ Filipay 1:20

A abop wit ɔl mi at se a nɔ go shem fɔ ɛnitin we a de du, ɛn a go gɛt di kɔrej fɔ tinap fɔ Krays, so dat if a day ɔ if a nɔ day, wetin a de du go mek ɔda pipul prez Krays.

Ayzaya 50:7

Bikɔs Papa Gɔd we na Gɔd de ɛp mi; Na dat mek dɛn nɔ ebul mi; fɔseka dat, a dɔn mek mi fes lɛk ayɛn ston; ɛn a no se dɛn nɔ go ebul mek a shem.

Apɔsul Dɛn Wok 26:28

Agripa tɛl Pɔl se, “Pɔl, yu min se yu go mek a bi Kristiɛn kwik kwik wan so?”

Ayzaya 54:4

“Nɔ fred, bikɔs yu nɔ go shem; nɔ kɔnfyus yusɛf, bikɔs nɔbɔdi nɔ go mek yu shem; bikɔs yu go fɔgɛt di shem we mit yu we yu bin yɔŋ, ɛn yu nɔ go mɛmba di tɔk we dɛn tɔk bɔt yu we yu man bin day, igen

Ayzaya 24:15

So, una we de na di ist fɔ glorifay PAPA GƆD; una we de na dɛn kɔntri dɛn we de nia di si, una glorifay PAPA GƆD we na Izrɛl dɛn Gɔd.

Apɔsul Dɛn Wok 11:26

Wɛn i si Sɔl, i briŋ am kam na Antiɔk. Banabas ɛn Sɔl te na Antiɔk. Dɛn bin de mit wit di chɔch pipul dɛn fɔ lan dɛn, di pipul dɛn kin plɛnti. Antiɔk na di fɔs ples we dɛn bigin kɔl dɛn pipul we biliv pan Jizɔs, Kristiɛn.

Apɔsul Dɛn Wok 28:22

Bɔt wi go lɛk fɔ yɛri wetin yu biliv, bikɔs wi no se pipul de ɔlsay we de tɔk bad bɔt dis grup we yu dɔn go jɔyn.”

Jems 2:7

Na dɛn jɛntri pipul nɔ gɛt rɛspɛkt fɔ Jizɔs Krays in nem. Ɛn na di nem dat we Gɔd dɔn tek fɔ mek una bi in yon pipul.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Pita In Fɔs Lɛta 4:14

Una gɛt blɛsin wɛn pipul tɛl una tin we go at una bikɔs una biliv pan Krays, dat sho se Gɔd in Spirit, we gɛt pawa, de insay una.