Pita In Fɔs Lɛta 4:13 - Krio Fɔs Oli Baybul

¹³ bɔt una fɔ gladi bikɔs unasɛf de sɔfa lɛkɛ aw Krays bin sɔfa, so dat wɛn Krays kam bak wit ɔl in pawa, una go gladi fawe pas aw una gladi naw.

Pita In Fɔs Lɛta 4:13 Referans Kwoze

Lɛta Fɔ Rom 8:17

We wi na Gɔd in pikin dɛn, wi go gɛt dɛn blɛsin we Gɔd dɔn prɔmis in pipul dɛn, semwe so, wi gɛt pan wetin Gɔd bin kip fɔ Krays. If wi sɔfa lɛkɛ aw Krays sɔfa, Gɔd go mek di wɔndaful layf we Krays gɛt bi wi yon.

Lɛta Fɔ Rom 5:3

Nɔto dat nɔmɔ, bɔt wi gladi sɛf fɔ sɔfa lɛkɛ aw wi de sɔfa, bikɔs wi no se di sɔfa we wi de sɔfa de mek wi gɛt maynd fɔ bia,

Lɛta Fɔ Filipay 3:10

Naw ɔl wetin a want na fɔ no Krays ɛn fɔ mek in pawa kam na mi layf, da pawa we mek i rayz frɔm di grev, a want sɔfa lɛkɛ aw i bin sɔfa ɛn a want day lɛkɛ aw i day,

2 Kɔrint 1:7

Wi nɔ de wɔri bɔt una atɔl, bikɔs wi shɔ se we unasɛf de sɔfa lɛkɛ aw wi de sɔfa, Gɔd go kɔrej unasɛf lɛkɛ aw i de kɔrej wi.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

2 Kɔrint 4:10

Di day we Jizɔs day de na wi bɔdi ɔltɛm, so dat pipul go si in layf na wi bɔdi ɔltɛm.

Sɛkɛn Lɛta To Timoti 2:12

If wi nɔ lɛf fɔ bia, wi go rul wit am. If wi se wi nɔ no am, insɛf go se in nɔ no wi.

2 Kɔrint 4:17

Di lili sɔfa we wi de sɔfa fɔ dis shɔt tɛm go mek wi gɛt blɛsin ɛn ɔna sote go, ɛn di blɛsin ɛn ɔna go pas di sɔfa we wi de sɔfa naw, fawe.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Pita In Fɔs Lɛta 5:1

Mi, Pita, na wan pan dɛn bigman na chɔch we de sho pipul di wok we dɛn fɔ du. A si we Krays de sɔfa wit mi yon yay, ɛn a no se misɛf go de wit am di tɛm we i go kam bak, wɛn Gɔd go mek ɔlman si in pawa ɛn misɛf go gɛt pan da big blɛsin de. A de beg una dɛn bigman na chɔch.

Lɛta Fɔ Kɔlɔse 1:24

A gladi naw we a de sɔfa fɔ una, bikɔs di pen we a de sɔfa naw na pat pan di sɔfa we Krays bin sɔfa fɔseka in bɔdi we na di chɔch, ɛn we pipul stil gɛt fɔ sɔfa.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Matyu 5:12

Una fɔ gladi bad, bikɔs Gɔd kip gud tin fɔ una na ɛvin. Na so pipul bin mek dɛn prɔfɛt we bin de bifo una, sɔfa.

Ayzaya 35:10

Ɛn di wan dɛn we PAPA GƆD dɔn pe fɔ, go kam bak, ɛn dɛn go kam Zayɔn de siŋ; ɛn jɔy we go de sote go, go de na dɛn layf; dɛn go gɛt jɔy ɛn gladi gladi, ɛn sɔri ɛn pini, go rɔnawe.

Pita In Fɔs Lɛta 1:13

Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Apɔsul Dɛn Wok 16:25

Pɔl ɛn Saylas bin de pre ɛn siŋ to Gɔd; na bin midul nɛt. Di pipul dɛn we bin de na dɛn ɔda sɛl bin de yɛri we Pɔl ɛn Saylas de pre ɛn siŋ to Gɔd.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Matyu 25:31

“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.

Matyu 25:23

Di masta se, ‘Yu du wɛl, yu na gud bɔy we tru to in masta; yu dɔn du wɛl pan smɔl wok we a gi yu fɔ du, naw a go gi yu plɛnti big wok fɔ du. Kam ɛnjɔy wit yu masta!’

Matyu 25:21

In masta se, ‘Yu du wɛl, yu na gud bɔy we tru to in masta; yu dɔn du wɛl pan smɔl wok we a gi yu fɔ du, naw a go gi yu plɛnti big wok fɔ du. Kam ɛnjɔy wit yu masta!’

Ayzaya 51:11

Ɛn PAPA GƆD in pipul we i dɔn fri go tɔn bak kam, ɛn kam na Zayɔn de siŋ; ɛn gladi we de sote go, go de na dɛn ed; dɛn go gɛt jɔy ɛn gladi gladi, ɛn sɔri ɛn pini go rɔnawe go.

Ayzaya 25:9

Dɛn go tɔk da de de se, “Yɛs, na wi Gɔd dis; wi dɔn wet am lɛ i go sev wi. Dis na PAPA GƆD; wi dɔn wet am; lɛ wi gladi ɛn gladi fɔ di sev we i sev wi.”

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Lyuk 17:30

Na so i go bi di de we Mɔtalman Pikin go kam bak na wɔl.

Mak 8:38

If ɛnibɔdi de shem fɔ tɔk bɔt mi ɛn wetin a dɔn lan am, tɛm lɛkɛ dis we pipul nɔ biliv Gɔd ɛn dɛn wikɛd, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am wit di enjɛl dɛn; di sem layt we de shayn pan in Papa Gɔd.”

Lɛta Fɔ Rom 8:18

A shɔ se di sɔfa we wi de sɔfa naw, nɔ go kam klos ɔl di wɔndaful tin dɛn we Gɔd go mek bi to wi.

2 Kɔrint 1:5

We wi de sɔfa lɛkɛ aw Krays bin sɔfa, Krays de kɔrej wi plɛnti tɛm.

Pita In Fɔs Lɛta 2:21

Na fɔ mek una sɔfa lɛkɛ dis mek Gɔd kɔl una, bikɔs Krays insɛf sɔfa fɔ una ɛn mek una si se unasɛf gɛt fɔ sɔfa lɛkɛ aw insɛf bin sɔfa.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.