Pita In Fɔs Lɛta 4:11 - Krio Fɔs Oli Baybul

¹¹ Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Pita In Fɔs Lɛta 4:11 Referans Kwoze

1 Kɔrint 10:31

Wɛl, ɛnitin we una de du, if una de it ɔ una de drink, una fɔ mek Gɔd gɛt di prez fɔ ɔl.

Lɛta Fɔ Ɛfisɔs 6:10

Mek a tɛl una dis las wɔd bifo a dɔn wetin a de tɔk: Di wanwɔd we una gɛt wit Krays fɔ mek una abop pan di Masta in trɛnk ɛn di pawa we i gɛt.

Pita In Fɔs Lɛta 4:10

Ɛni tin we Gɔd mek una sabi du, una fɔ du am gud, so dat ɔda pipul go bɛnifit, lɛkɛ aw ɛnibɔdi we Gɔd gi sɔntin kin ol am fayn.

Apɔsul Dɛn Wok 7:38

Na Mozis bin de wit di Izrɛl pipul dɛn we bin de gɛda na di dɛzat; ɛn nain bin de wit di enjɛl we tɔk to am pantap da ay il we nem Mawnt Saynay, ɛn nain bin de wit wi grampapa papa dɛn. Nain Gɔd gi in mɛsej, we go de sote go, fɔ gi wi.

Lɛta Fɔ Ɛfisɔs 4:29

Una fɔ lɛf fɔ tɔk bad wɔd, una fɔ de tɔk dɛn wɔd we go ɛp ɔda pipul, so dat wetin una de tɔk go du gud fɔ di pipul dɛn we de yɛri una.

Lɛta Fɔ Rom 3:2

A go ansa se dat gɛt plɛnti bɛnifit fɔ dɛn. Fɔst ɔf ɔl, na to di Ju dɛn Gɔd sɛn in mɛsej fɔ mek dɛn biliv pan am ɛn tɛl ɔda pipul.

Jems 1:19

Mi Kristiɛn pipul dɛn we a lɛk, una fɔ shap una yes fɔ yɛri wetin pipul de tɔk, bɔt una fɔ tek tɛm tɔk ɛn una at nɔ fɔ de wam kwik.

Lɛta Fɔ Kɔlɔse 4:6

Wɛn una de tɔk wit pipul, una fɔ tɛl dɛn tin we go mek dɛn gladi fɔ yɛri wetin una de tɔk ɛn we go mek dɛn want fɔ yɛri mɔ, ɛn una fɔ no aw fɔ ansa ɔlman.

1 Kɔrint 12:4

Na plɛnti difrɛn kayn tin Gɔd in Spirit de mek di Kristiɛn dɛn ebul du, bɔt na di sem Spirit de mek dɛn ebul du dɛn ɔl.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Di Ibru Pipul Dɛn 5:12

I dɔn rich tɛm we unasɛf fɔ bigin lan ɔda pipul bikɔs i dɔn te we una de lan, bɔt pɔsin stil gɛt fɔ lan una di fɔs tin dɛn we una bin dɔn lan bɔt Gɔd in mɛsej. Una fɔ stil drink milk lɛkɛ pikin we de sɔk bɔbi, bikɔs una nɔ du yet fɔ it tin we fɔ cham lɛkɛ big pɔsin.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Fɔs Lɛta To Timoti 1:17

Frɔm naw sote go mek wi ɔna ɛn prez di Kiŋ we bin de, we de naw ɛn we go de sote go, we nɔ de day, ɛn we pɔsin nɔ de si; nain wangren na Gɔd. Emɛn.

1 Kɔrint 3:10

Gɔd gi mi wok fɔ du, dat na fɔ bi masta man fɔ bil. We na so i bi, a dɔn le di fawndeshɔn na una at, ɔda pɔsin de bil pantap am. Bɔt lɛ ɔlman tek tɛm wetin i de tek bil pantap.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Daniɛl 7:14

Ɛn dɛn bin gi di mɔtalman pawa ɛn gud nem ɛn kindɔm, so dat ɔl kayn pipul, neshɔn ɛn dɛn wan we de tɔk difrɛn difrɛn laŋwej fɔ wok fɔ am; in pawa na pawa we go de sote go, i nɔ go ɛva dɔn, ɛn in kindɔm na wan kindɔm we nɔ go fɔdɔm.

Ayzaya 8:20

Fɔ di wan dɛn we dɔn yɛri mi tichin ɛn mi mɛsej fɔ no wetin fɔ du! Fɔ tru, di wan dɛn we de tink fɔ tɔk to dayman, nɔ go si do klin.

Di Sam Dɛm 145:13

Yu de rul go de sote go ɛn yu go rul ɔl jɛnareshɔn we gɛt fɔ bɔn. PAPA GƆD de kip in wɔd ɛn di lɔv we i gɛt nɔ de chenj.

Pita In Fɔs Lɛta 5:11

Mek i rul oba di wɔl sote go! Emɛn.

Jems 1:26

If ɛnibɔdi tink se in de fala Gɔd ɛn i nɔ de tek tɛm wɛn i de tɔk, i de mek insɛf ful. Na fɔ natin di pɔsin de fala Gɔd.

Lɛta Fɔ Filipay 2:11

ɛn tɔk se Jizɔs na di Masta, ɛn ɔlman go prez Gɔd we na wi Papa.

Lɛta Fɔ Ɛfisɔs 5:20

Una fɔ tek wi Masta Jizɔs Krays in nem tɛl Papa Gɔd tɛnki ɔltɛm fɔ ɔltin.

1 Kɔrint 6:20

Gɔd pe dia fɔ una we Krays day na di krɔs. So una fɔ mek Gɔd gɛt di prez bay aw una de yus una bɔdi.

Lɛta Fɔ Rom 11:36

Na Gɔd mek ɔltin, nain de mek ɔltin wok lɛkɛ aw dɛn fɔ wok, ɛn na fɔ am ɔltin de. Mek ɔlman prez Gɔd sote go! Emɛn.

Daniɛl 4:34

Wɛn dɛn tɛm dɛn de ɔl dɔn pas, mi Nɛbyukadnɛza es mi yay ɔp to ɛvin, ɛn mi sɛns bin kam bak ɛn a bin blɛs PAPA GƆD we ay pas ɔl, ɛn prez am ɛn gi am ɔna we di de sote go; bikɔs in pawa na pawa we de sote go ɛn in kindɔm de de frɔm jɛnareshɔn to jɛnareshɔn.

Daniɛl 4:3

PAPA GƆD in sayn dɛn wɔndaful, i kin du pawaful tin dɛn! In kindɔm go de sote go ɛn di rul we i de rul na frɔm jɛnareshɔn to jɛnareshɔn.

Jɛrimaya 23:22

Bɔt if dɛn bin dɔn de na mi kansul datɛnde na wetin a se dɛm bin fɔ tɛl mi pipul dɛm, ɛn dɛn bin fɔ dɔn chenj kɔmɔt pan dɛn ivul we, ɛn kɔmɔt pan di ivul tin dɛn we dɛn de du.

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

2 Kɔrint 9:13

Dis wok we una de du, de sho se una biliv Gɔd fɔ tru. Dat go mek di pipul dɛn we wi de gi dɛn tin ya, prez Gɔd, bikɔs una de fala di Gud Nyuz we una de tɛl pipul bɔt, ɛn bikɔs una de gi dɛn ɛn ɔda pipul dɛn plɛnti tin.

Lɛta Fɔ Rom 16:27

Na Gɔd nɔmɔ gɛt sɛns pan ɔltin; mek wi prez am sote go fɔseka wetin Jizɔs Krays dɔn du. Emɛn.

Jɔn 13:31

Afta Judas dɔn go, Jizɔs tɛl di ɔda lanin bɔy dɛn se, “Naw na di tɛm we pipul go si aw Mɔtalman Pikin wɔndaful; ɛn naw na di tɛm we Mɔtalman Pikin go mek pipul si aw Gɔd wɔndaful.

Lɛta Fɔ Rom 12:3

Ɛn fɔseka wetin Gɔd dɔn gi mi bikɔs i gud, a de tɛl una ɔl se: Una nɔ tink se una bɛtɛ pas aw una tan, bɔt una fɔ tink lɛkɛ aw soba pipul de tink bɔt dɛnsɛf, ɛn una ɔl fɔ jɔj unasɛf bay aw Gɔd mek una ebul biliv am.

2 Kɔrint 2:17

Wi nɔ tan lɛkɛ plɛnti pipul we de tɛl ɔda pipul Gɔd in mɛsej fɔ mek mɔni, bɔt bikɔs na Gɔd sɛn wi, wi de tɔk tret wɔd bifo am wit Krays in pawa.

Lɛta Fɔ Ɛfisɔs 1:19

ɛn aw in big big pawa de wok pan wi we biliv pan am.

Fɔs Lɛta Fɔ Tɛsalonayka 2:4

Bɔt wi de tɛl pipul wetin Gɔd want wi fɔ tɛl dɛn, bikɔs i gi wi dis wok we i si se in kin abop pan wi fɔ du am lɛkɛ aw i want wi fɔ du am. Wi nɔ de tray fɔ pliz mɔtalman, bɔt wi want fɔ pliz Gɔd we no wetin de na wi at.

Taytɔs 2:1

Bɔt yu fɔ de lan pipul dɛn tin we wi bin de lan dɛn bɔt aw Gɔd want mɔtalman fɔ liv ɛn ɔl wetin i want dɛn fɔ du.

Taytɔs 2:15

Yu fɔ de tɛl pipul dɛn tin ya ɛn tek di pawa we Gɔd gi yu kɔrej dɛn, ɛn tɛl dɛn wan we nɔ de du rayt fɔ tap fɔ du wetin dɛn de du. Nɔ gri mek ɛnibɔdi luk se wetin yu de tɔk na tin we pɔsin nɔ fit fɔ yɛri.

Di Ibru Pipul Dɛn 13:7

Una fɔ mɛmba dɛn fɔstɛm pipul we na bin una lida we tɛl una Gɔd in mɛsej. Una fɔ tink bɔt wetin bi na dɛn layf, ɛn unasɛf fɔ biliv Gɔd lɛkɛ aw dɛn bin biliv am.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Pita In Fɔs Lɛta 4:16

Bɔt if na fɔseka Krays mek waala mit una, dat nɔ fɔ mek una shem, bɔt una fɔ tɛl Gɔd tɛnki we una na Kristiɛn.