Pita In Fɔs Lɛta 4:10 - Krio Fɔs Oli Baybul

¹⁰ Ɛni tin we Gɔd mek una sabi du, una fɔ du am gud, so dat ɔda pipul go bɛnifit, lɛkɛ aw ɛnibɔdi we Gɔd gi sɔntin kin ol am fayn.

Pita In Fɔs Lɛta 4:10 Referans Kwoze

Mak 10:45

Mɔtalman Pikin insɛf nɔ kam fɔ mek pipul bi in savant, i kam fɔ bi dɛn savant, ɛn fɔ gi in layf fɔ sev plɛnti plɛnti pipul.”

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

1 Kɔrint 15:10

Bɔt we Gɔd gud nɔmɔ, tide mi na apɔsul, ɛn di gud we i du fɔ mi mek a du plɛnti tin fɔ am na mi layf. A dɔn wok pas ɔl dɛn ɔda apɔsul dɛn, bɔt nɔto bay misɛf a bin de wok; we Gɔd gud, in pawa bin de ɛp mi.

1 Kɔrint 3:10

Gɔd gi mi wok fɔ du, dat na fɔ bi masta man fɔ bil. We na so i bi, a dɔn le di fawndeshɔn na una at, ɔda pɔsin de bil pantap am. Bɔt lɛ ɔlman tek tɛm wetin i de tek bil pantap.

Lɛta Fɔ Ɛfisɔs 4:11

Nain bin mek wi sabi fɔ du difrɛn difrɛn wok. Sɔm pan di wok dɛn we i gi wi fɔ du na dɛn dɛn wan ya: I mek sɔm pan wi bi apɔsul; sɔm bi prɔfɛt; sɔm bi ivanjɛlist, dat na dɛn pipul we de tɛl ɔda pipul di Gud Nyuz bɔt Jizɔs Krays; sɔm bi pastɔ; ɛn sɔm bi ticha.

Lɛta Fɔ Rom 15:27

Na di mɛmba dɛnsɛf mekɔp fɔ du dat. Ɛn, fɔ tru, dɛn fɔ ɛp dɛn Kristiɛn pipul we nɔ gɛt natin na Jerusɛlɛm. Di Ju dɛn bin dɔn gi dɛn pipul we nɔto Ju pan Gɔd in blɛsin we dɛn mek dɛn yɛri di Gud Nyuz bɔt Krays, so dɛn Kristiɛn we nɔto Ju, dɛnsɛf fɔ ɛp dɛn Ju Kristiɛn wit dɛn tin lɛkɛ mɔni so.

Taytɔs 1:7

Na ovasia in an Gɔd in wok de, so i nɔ fɔ du ɛnitin we go mek pɔsin pɔynt fiŋa pan am. I nɔ fɔ prawd, i nɔ fɔ de vɛks kwik kwik, i nɔ fɔ de drɔnk, i nɔ fɔ de fɛt, i nɔ fɔ want plɛnti tin fɔ insɛf.

Lɛta Fɔ Ɛfisɔs 3:8

A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.

Lyuk 12:42

Jizɔs ansa se, “Udat na di bɔy we tru to in masta ɛn we gɛt sɛns? Na di bɔy dat we di masta go mek edman oba di ɔda bɔy dɛn fɔ de gi dɛn it ɛn fɔ de sho dɛn ɔl wetin dɛn fɔ du.

1 Kɔrint 4:7

Udat mek una bɛtɛ pas ɔda pipul? Nɔto Gɔd gi una ɔl wetin una gɛt? If na so, wetin fɔ mek una bost, lɛkɛ se nɔto gi Gɔd gi una ɔl wetin una gɛt?

Lyuk 19:13

Di man kɔl in tɛn wokman dɛn ɛn gi dɛn ɔl wan, wan gold kɔpɔ. I se, ‘Una tek dis kɔpɔ ɛn du biznɛs wit am sote a kam bak.’

Lyuk 8:3

Joana, we in man we nem Chuza, bin de wok fɔ Ɛrɔd; wit Suzana ɛn plɛnti ɔda uman dɛn we bin de pul pan wetin dɛn gɛt gi Jizɔs ɛn in lanin bɔy dɛn.

2 Kɔrint 6:1

So, wi we de wok wit Gɔd de beg una mek una nɔ mek di gud we Gɔd gud to una go fɔ natin.

Lɛta Fɔ Rom 15:25

Bɔt naw a de kɛr sɔm mɔni go Jerusɛlɛm fɔ ɛp Gɔd in pipul dɛn de.

Matyu 25:44

“Dɛn go ansa am se, ‘Masta, ustɛm wi bin no se yu aŋri ɔ tɔsti ɔ yu na trenja ɔ yu nɔ gɛt natin fɔ wɛr ɔ yu sik ɔ yu de na jel, ɛn wi nɔ bin ɛp yu?’

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Sɛkɛn Lɛta To Timoti 1:18

Lɛ Masta Jizɔs Krays mek Gɔd di Masta sɔri fɔ am di de we Jizɔs go kam bak! Yusɛf no di wok we i du na Ɛfisɔs.

Matyu 24:45

“Udat na di bɔy we tru to in masta ɛn we gɛt sɛns? Na di bɔy dat we in masta go mek edman fɔ ɔl di ɔda bɔy dɛn na di os, wɛn i de go patrol, ɛn di masta go tɛl am fɔ gi di ɔda bɔy dɛn, dɛn it wɛn di rayt tɛm rich.

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

2 Kɔrint 9:1

A nɔ gɛt fɔ rayt tɛl una bɔt wetin di Kristiɛn dɛn fɔ sɛn go Judia fɔ ɛp dɛn kɔmpin Kristiɛn.

Matyu 24:21

Di trɔbul we go bi da tɛm de go pas ɔl di wan dɛn we dɔn bi, frɔm di tɛm we Gɔd mek di wɔl sote naw, ɛn da kayn trɔbul de nɔ go bi igen.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Pita In Fɔs Lɛta 5:12

Na Saylas, we a luk se na Kristiɛn brɔda we a kin trɔs, ɛp mi fɔ rayt dis shɔt lɛta to una. A want kɔrej una ɛn a want tɛl una se ɔl wetin Gɔd dɔn du fɔ una sho se i lɛk una, fɔ tru; una nɔ fɔ mek ɛnitin mek una dawt dat.

Matyu 25:17

Semwe so, di wan we gɛt di tu tawzin gold kɔpɔ go tredin wit in kɔpɔ, i gen tu tawzin gold kɔpɔ mɔ.