Pita In Fɔs Lɛta 3:9 - Krio Fɔs Oli Baybul

⁹ If pɔsin du una bad, una nɔ fɔ tɔn am gi am bak; if pɔsin kɔs una, una nɔ fɔ kɔs am bak, una fɔ aks Gɔd fɔ blɛs am. Gɔd kɔl una fɔ mek una blɛs ɔda pipul; if una du dat, Gɔd go blɛs unasɛf lɛkɛ aw i bin prɔmis fɔ du wɛn i kɔl una.

Pita In Fɔs Lɛta 3:9 Referans Kwoze

Lɛta Fɔ Rom 12:17

If pɔsin du una bad, una nɔ fɔ tɔn di bad gi am bak. Una fɔ de tray fɔ du dɛn tin we gud na ɔlman yay.

Prɔvabs 20:22

Nɔ se yu de tɔn dɛt gi pɔsin, lɛf lɛ PAPA GƆD fɛt fɔ yu.

Lɛta Fɔ Rom 12:14

Una fɔ aks Gɔd fɔ blɛs dɛn pipul we de mek una sɔfa; una nɔ fɔ aks Gɔd fɔ kɔs dɛn, una fɔ aks Gɔd fɔ blɛs dɛn.

Fɔs Lɛta Fɔ Tɛsalonayka 5:15

Una nɔ fɔ gri mek ɛnibɔdi tɔn bad gi pɔsin we bin dɔn du am bad, bɔt una fɔ de tray ɔltɛm fɔ du gud to una kɔmpin Kristiɛn dɛn ɛn to ɔlman.

Matyu 5:44

Bɔt mi de tɛl una se: una fɔ lɛk dɛn pipul we nɔ lɛk una, ɛn una fɔ pre fɔ dɛn pipul we de mek una sɔfa,

Lɛta Fɔ Ɛfisɔs 4:32

Bɔt una fɔ de du gud ɛn gɛt sɔri at fɔ una kɔmpin. Una fɔ de padin una kɔmpin lɛkɛ aw Gɔd dɔn padin una bikɔs una na Krays yon pipul.

Matyu 5:39

Bɔt mi de tɛl una se: una nɔ tɔn bad gi pɔsin we du una bad. If ɛnibɔdi slap yu rayt jɔ, yu fɔ tɔn di lɛf wan gi am mek i slap insɛf.

Prɔvabs 17:13

If yu du ɛnibɔdi bad we dɔn du yu gud, trɔbul nɔ go ɛva kɔmɔt biɛn yu.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Di Ibru Pipul Dɛn 6:14

Da tɛm de, Gɔd tɛl Ebraam se, “Fɔ tru, a go blɛs yu ɛn a go mek yu gɛt plɛnti plɛnti pikin, grampikin, ɛn grampikin pikin dɛm.”

Lyuk 18:18

Wan bigman kam aks Jizɔs se, “Ticha, yu we gud, wetin a fɔ du fɔ mek a gɛt layf we go de sote go?”

Lyuk 10:25

Wan Ju Lɔ ticha aks Jizɔs wan kwɛshɔn fɔ tɛst am; i se, “Ticha, aw a go manej fɔ gɛt layf we go de sote go?”

Matyu 19:29

Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go.

Lɛta Fɔ Rom 8:30

So Gɔd kɔl dɛn pipul we i bin dɔn pik; dɛn pipul we i kɔl, i mek ɔltin rayt bitwin dɛn ɛn insɛf; wɛn i dɔn mek ɔltin rayt bitwin dɛn ɛn insɛf, i mek sɔm pan di wɔndaful layf we Krays gɛt bi dɛn yon.

Mak 10:17

As Jizɔs de go, wan man rɔn go mit am ɛn nil dɔŋ bifo am ɛn se, “Ticha, yu we gud, wetin a fɔ du fɔ mek a gɛt layf we go de sote go?”

Jɛnɛsis 42:25

Josɛf gi ɔda fɔ mek dɛn ful-ɔp in brɔda dɛn bag wit it, ɛn dɛn fɔ put ɔl dɛn mɔni insay dɛn bag bak. I tɛl dɛn fɔ gi dɛn tin fɔ it na rod.

1 Samiɛl 26:11

Bɔt mek PAPA GƆD nɔ mek i ambɔg ɛnibɔdi we PAPA GƆD insɛf dɔn pik. I tɛl Abishay fɔ tek di spia ɛn wata jɔg we de oba Sɔl in ed ɛn mek dɛn kɔmɔt de.

Prɔvabs 28:10

Udat put ɔnɛs pɔsin insay fɔ lɛ i du bad go fɔdɔm nain yon trap, bɔt udat waka tret go gɛt blɛsin.

Lɛta Fɔ Galeshya 3:14

Krays du dat so dat wetin i dɔn du go mek Gɔd gi dɛn pipul we nɔto Ju di sem blɛsin we i bin prɔmis Ebraam ɛn dat go mek Gɔd gi dɛn pipul we biliv pan am, in Spirit we i bin dɔn prɔmis.

Di Ibru Pipul Dɛn 12:17

Una no se wɛn Isɔ bin want mek in papa blɛs am, in papa nɔ blɛs am. Chans nɔ bin de igen fɔ mek di papa chenj wetin i bin dɔn du, pan ɔl we Isɔ kray fɔ gɛt di blɛsin.