Pita In Fɔs Lɛta 3:7 - Krio Fɔs Oli Baybul

⁷ Semwe so, una dɛn maredman fɔ no se una wɛf nɔ gɛt trɛnk lɛkɛ man, so una fɔ de wit dɛn wit da ɔndastandin de, we rayt. Una fɔ rɛspɛkt dɛn bikɔs Gɔd go gi una ɛn dɛnsɛf layf we go de sote go. Una fɔ du ɔl dɛn tin ya, so dat natin nɔ go ambɔg di pre we una de pre.

Pita In Fɔs Lɛta 3:7 Referans Kwoze

Lɛta Fɔ Kɔlɔse 3:19

Una dɛn maredman, una fɔ lɛk una wɛf, una nɔ fɔ dil traŋa wan wit dɛn.

Lɛta Fɔ Ɛfisɔs 5:33

Na di sem tin fɔ bi to una: ɛvri man we mared fɔ lɛk in wɛf lɛkɛ aw i lɛk insɛf, ɛn ɔl mared uman fɔ rɛspɛkt in man.

1 Kɔrint 7:3

Man we mared fɔ du ɔl wetin maredman fɔ du to in wɛf, ɛn uman we mared fɔ du ɔl wetin mare du man fɔ du to in man.

Matyu 18:19

“A de tɛl una igen se, if tu pan una gri fɔ aks Gɔd fɔ du sɔntin na dis wɔl, mi Papa we de na ɛvin go du di tin fɔ una.

Fɔs Lɛta Fɔ Tɛsalonayka 4:4

Maredman fɔ no aw fɔ liv wit in wɛf di we we rayt na Gɔd ɛn mɔtalman yay;

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

Lɛta Fɔ Ɛfisɔs 3:6

Di sikrit we a de tɔk bɔt nain dis: Wɛn dɛn pipul we nɔto Ju biliv di Gud Nyuz lɛkɛ aw di Ju pipul dɛn biliv, Gɔd gi dɛn di sem blɛsin. Jizɔs Krays dɔn mek dɛn pipul we nɔto Ju ɛn di Ju pipul dɛn bi wan, ɛn i dɔn mek dɛn gɛt ɔl wetin Gɔd bin dɔn prɔmis dɛn.

Job 42:8

PAPA GƆD se dɛn fɔ kɛr sɛvin man kaw ɛn sɛvin man ship go to Job we nain wokman, ɛn go ɔfa sakrifays we dɛn de bɔn na faya, fɔ pul dɛn ed. I se Job go pre fɔ dɛn ɛn in go ansa di pre we Job go pre, lɛ in nɔ pɔnish dɛn fɔ di fulish tin we dɛn du; i se dat na we dɛn nɔ se di rayt tin bɔt am, bɔt Job in bin se di rayt tin.

Taytɔs 3:7

so dat di gud we Jizɔs du fɔ wi, go mek ɔltin rayt bitwin wi ɛn Gɔd ɛn wi go gɛt da layf we go de sote go we wi de abop fɔ gɛt.

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Di Ibru Pipul Dɛn 1:14

Udat na di enjɛl dɛn? Dɛn na spirit ɛn dɛn na Gɔd in mɛsenja dɛn; na dɛn Gɔd de sɛn fɔ ɛp dɛn pipul we Gɔd go sev.

Pita In Fɔs Lɛta 3:1

Semwe so, una dɛn mare du man fɔ de du ɔl wetin una man dɛn tɛl una fɔ du, so dat if ɛni wan pan dɛn de we nɔ biliv Gɔd in wɔd, una go mek dɛnsɛf kam biliv pan Gɔd bay aw una de du. Una nɔ go gɛt fɔ tɔk to dɛn bɔt Gɔd igen sɛf,