Pita In Fɔs Lɛta 3:4 - Krio Fɔs Oli Baybul

⁴ Bifo dat, ɔl una yon fayn fɔ de insay; una fɔ de tɔk ɛn du tin saful saful, una ed nɔ fɔ de wam, na dɛn kayn tin ya Gɔd luk se fayn, ɛn na dɛn kayn fayn de go de sote go.

Pita In Fɔs Lɛta 3:4 Referans Kwoze

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

1 Samiɛl 16:7

Bɔt PAPA GƆD tɛl Samiɛl se mek i nɔ luk in fayn ɔ in ayt bikɔs i nɔ pik am sins nɔto so PAPA GƆD in de wok. I se mɔtalman de luk wetin in de si bɔt PAPA GƆD in de luk insay pɔsin in at.

Lɛta Fɔ Rom 2:29

Di tru Ju na pɔsin we dɔn gi Gɔd in at, dat na pɔsin we in at sakɔmsayz, dat min se Gɔd dɔn put in mak pan am. Na Gɔd in Spirit de mek dat bi, nɔto di Lɔ we dɛn rayt. Na Gɔd de prez pɔsin lɛkɛ dat, nɔto mɔtalman.

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Taytɔs 3:2

Tɛl dɛn mek dɛn nɔ tɔk bad bɔt ɛnibɔdi, mek dɛn nɔ lɛk fɔ mek plaba, mek dɛn de bia wit pipul ɛn mek dɛn nɔ ala pan ɛnibɔdi.

Matyu 23:26

Una dɛn Faresi, una na blɛnyay pipul! Una fɔ klin insay di kɔp ɛn plet dɛn fɔs, so dat dɛn bak sɛf go klin.

Lɛta Fɔ Rom 7:22

Insay mi at, a lɛk fɔ du wetin Gɔd in lɔ se mɔtalman fɔ du.

2 Kɔrint 4:16

Na di rizin dis we mek wi nɔ de gri mek wi at pwɛl ɛn tap fɔ wok. Pan ɔl we wi bɔdi de wes, nyu layf de kam insay wi ɛvri de.

Fɔs Lɛta Fɔ Tɛsalonayka 4:11

Una fɔ mekɔp fɔ liv kwayɛt layf, una nɔ fɔ put mɔt pan ɔda pipul biznɛs, ɛn una fɔ wok fɔ unasɛf fɔ gɛt wetin una want, jɛs lɛkɛ aw wi bin dɔn tɛl una wɛn wi bin de wit una.

Lɛta Fɔ Ɛfisɔs 4:2

Una nɔ fɔ lif unasɛf ɔp ɛn una fɔ de bia wit una kɔmpin fɔ sho se una lɛk dɛn.

Pita In Fɔs Lɛta 3:15

Una fɔ rɛspɛkt Krays ɛn tɔk insay una at se in na di Masta. Una fɔ rɛdi ɔltɛm fɔ ansa dɛn pipul we de aks una wetin una abop pan,

Fɔs Lɛta To Timoti 2:2

fɔ dɛn wan we de rul ɛn ɔl dɛn bigman, so dat waala nɔ go de na wi layf, wi go gɛt kol at, wi go de waka klos Gɔd ɛn wi nɔ go du ɛnitin we go mek wi shem.

Lyuk 11:40

Una nɔ gɛt sɛns! Nɔto di sem Gɔd we mek una bɔdi mek una at?

Ayzaya 61:1

Papa Gɔd we na Gɔd in Spirit de pan mi, bikɔs PAPA GƆD dɔn anɔynt mi fɔ briŋ gud yus to di wan dɛn we de sɔfa; I dɔn sɛn mi fɔ mɛn dɛn wan we gɛt brok at, fɔ anawns to dɛn wan we dɛn bin dɔn kapchɔ, se, dɛn dɔn fri, fɔ opin di jel yad fɔ di wan dɛn we dɛn tay;

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Di Sam Dɛm 25:9

Udat nɔ fil tu gud bɔt insɛf, i rɛdi fɔ tich am. I de gayd am aw fɔ du wetin rayt.

Jems 1:21

Na dat mek a de tɛl una se, mek una pul ɔltin we bad kɔmɔt na una layf. Una put unasɛf ɔnda Gɔd ɛn mek di wɔd we i dɔn put na una at sidɔm, bikɔs in wɔd gɛt pawa fɔ sev una.

Sɛkɛn Lɛta To Timoti 2:25

we nɔ de tek pawa tɔk to dɛn wan we nɔ si wit am. I de go kɛlɛkɛlɛ wit dɛn bikɔs i no se sɔntɛm Gɔd go gi dɛn di chans fɔ sɔri fɔ dɛn bad trik ɛn kam no di tru tin we dɛn fɔ biliv.

Sɛkɛn Lɛta Fɔ Tɛsalonayka 3:12

Wi de tek Masta Jizɔs Krays in nem tɛl dɛn pipul de se: dɛn nɔ fɔ de ambɔg, bɔt dɛn fɔ liv di rayt we, ɛn dɛn fɔ lebɔ fɔ gɛt wetin dɛn go it. Wi de beg dɛn fɔ du ɔl dɛn tin ya.

Matyu 5:5

“Dɛn wan we put dɛn yay dɔŋ, gɛt blɛsin, bikɔs dɛn go gɛt wetin Gɔd prɔmis!

Ayzaya 29:19

Dɛn wan we put dɛn yay dɔŋ go gɛt frɛsh gladi gladi insay PAPA GƆD ɛn di po wan dɛn pan mɔtalman, go gladi insay di Oli Wan na Izrɛl.

Di Sam Dɛm 149:4

Bikɔs PAPA GƆD kin lɛk we in pipul gladi; so i de sev dɛn mek dɛn gladi mɔ.

Di Sam Dɛm 147:6

Na PAPA GƆD de ɛp udat de dɔŋ fɔ grap bɔt i go mek di bad man lɛf na grɔn.

Lɛta Fɔ Rom 6:6

Ɛn wi no fɔ tru se, di layf we wi bin liv fɔs tɛm dɔn di sem tɛm we dɛn kil Jizɔs Krays na di krɔs, so Gɔd dɔn pul di sin we bin de rul wi layf ɛn mek sin nɔ gɛt pawa na wi layf igen.

Lyuk 16:15

Bɔt Jizɔs tɛl dɛn se, “Una de mek pipul fil se una nɔ de du bad, bɔt Gɔd no wetin de na una at. Di tin we mɔtalman luk se impɔtant, nain Gɔd nɔ lɛk at ɔl.

Di Sam Dɛm 51:6

Yu lɛk pɔsin we nɔ de mek ipokrit, ɛn yu go ebul fɔ tich am mɔ we go mek i gɛt mɔ sɛns.

Di Sam Dɛm 45:13

Di yawo de mach go insay di kiŋ in os na so i fayn; dɛn mek in gawn wit soso gold

Pita In Fɔs Lɛta 1:23

Gɔd in wɔd we de gi layf ɛn we de sote go dɔn mek una gɛt nyu layf; i tan lɛkɛ se, una dɔn bɔn bak, ɛn di wan we mek una bɔn bak go de sote go; i nɔ tan lɛkɛ di wan we bɔn una di fɔs tɛm, we mɔs day.

Lɛta Fɔ Kɔlɔse 3:3

Wɛn i kam pan dis wɔl yon biznɛs, una dɔn day, ɛn di tru layf we Gɔd dɔn gi una ayd insay Krays bikɔs una de waka klos Gɔd.

Lɛta Fɔ Galeshya 5:23

i go mek pipul put dɛn yay dɔŋ ɛn i go mek dɛn nɔ jɛs de du wetin dɛn at gi dɛn fɔ du. Nɔ lɔ nɔ de we tɔk bɔt dɛn tin ya.

Di Sam Dɛm 131:2

A nɔ de wɔri wan lɛkɛ aw smɔl pikin we dɛn dɔn win na bɔbi kin kwayɛt we i de nia in mama.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

Matyu 21:5

“Tɛl di pipul dɛn na Zayɔn se, Luk, una kiŋ de kam to una! I put in yay dɔŋ, i de rayd wan dɔnki, ɛn di dɔnki in pikin.”

Ayzaya 11:4

Bɔt na bay wetin rayt na PAPA GƆD in yay, i go jɔj di po man, ɛn go disayd di sem we fɔ kwayɛt pipul na wɔl, ɛn i go pɔnish di wɔl wit traŋa wɔd dɛn we i de tɔk, ɛn na di briz we de kɔmɔt nain mɔt i go tek kil wikɛd pipul.

Jɛrimaya 51:59

Di wɔd we Jɛrimaya we na prɔfɛt bin tɛl Sɛraya we na Nɛraya in bɔypikin, ɛn Maasɛya in grampikin traŋa wan se fɔ du, wɛn i bin fala Zɛdikaya we na kiŋ na Juda, go Babilɔn insay di ia we mek Zɛdikaya fo ia na pawa. Na Sɛraya na bin di man we de inchaj ɔf provishɔn fɔ di kiŋ.

Lɛta Fɔ Rom 1:23

Bifo dɛn pre to Gɔd, dɛn de pre to dɛn tin we dɛnsɛf mek we fiba mɔtalman, bɔd, bif na bush, ɔ snek. Gɔd gɛt layf, bɔt dɛn tin ya nɔ gɛt layf.