Pita In Fɔs Lɛta 3:22 - Krio Fɔs Oli Baybul

²² Naw Jizɔs Krays dɔn go na ɛvin ɛn i sidɔm na Gɔd in raytan; na de i de rul oba ɔl dɛn enjɛl ɛn ɔl dɛn wan we gɛt pawa na ɛvin.

Pita In Fɔs Lɛta 3:22 Referans Kwoze

Di Ibru Pipul Dɛn 9:24

Krays dɔn go insay di ples we Gɔd de na ɛvin. Na dat mek i tinap bifo Gɔd fɔ wi. I nɔ go insay di Bafa we mɔtalman bil, we jɛs de sho aw di ples we Gɔd de na ɛvin, tan.

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Di Ibru Pipul Dɛn 10:12

Bɔt di sakrifays we Krays mek wan tɛm nɔmɔ, gɛt pawa fɔ pul di pipul dɛn sin kɔmɔt na dɛn layf, wan tɛm fɔ ɔl, ɛn wɛn i dɔn mek di sakrifays dɔn, i go sidɔm na Gɔd in raytan.

Mak 16:19

Wɛn Masta Jizɔs dɔn tɔk to in lanin bɔy dɛn, Gɔd tek am go ɔp na ɛvin, i go sidɔm na Gɔd in raytan.

Di Ibru Pipul Dɛn 8:1

Di tin we wi de kam tɛl una so, impɔtant pas ɔl: Di edman we de mek sakrifays fɔ pipul sin, we wi gɛt, na Jizɔs we sidɔm na Gɔd we de rul wit pawa na ɛvin, in raytan.

Di Ibru Pipul Dɛn 6:20

Na Jizɔs insɛf fɔs go insay da ples de bifo wi, fɔseka wi; bikɔs in na di edman we de mek sakrifays fɔ pipul sin, sote go, ɛn i de du di sem kayn wok we Mɛlkizidɛk bin du.

Lɛta Fɔ Kɔlɔse 3:1

We Gɔd dɔn gi Krays in layf bak, i dɔn mek unasɛf gɛt nyu layf, so una fɔ put ɔl una at pan dɛn tin we Gɔd gɛt fɔ una na ɛvin, di ples we Krays sidɔm de rul na Gɔd in raytan.

Lɛta Fɔ Rom 8:38

A shɔ se natin nɔ ebul tap wi fɔ fil di lɛk we i lɛk wi: day ɔ layf, enjɛl ɔ dɛn bad spirit we de rul ɔ dɛn pawa na di klawd, dis tɛm ya ɔ di tɛm we de kam;

Lɛta Fɔ Rom 8:34

So ɛnibɔdi de we go se Gɔd in pipul dɛn du bad? Jizɔs Krays na di wan we dɔn day fɔ wi, ɔ a fɔ se, nain Gɔd mek rayz frɔm di grev ɛn i sidɔm na Gɔd in raytan. I de beg Gɔd fɔ wi.

Matyu 22:44

‘Gɔd tɛl mi Masta se: Sidɔm na mi raytan sote a mek yu mas dɛn pipul we nɔ lɛk yu.’

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

1 Kɔrint 15:24

Da tɛm de ɔltin go dɔn; Krays go pwɛl ɔl dɛn wan we de rul ɛn dɛn wan we gɛt pawa, ɔltogɛda; dɛn i go mek in Papa bi Kiŋ oba dɛn ɔl.

Apɔsul Dɛn Wok 3:21

Jizɔs fɔ de na ɛvin sote Gɔd dɔn du ɔltin lɛkɛ aw in prɔfɛt dɛn bin dɔn tɔk lɔntɛm.

Apɔsul Dɛn Wok 1:11

Di tu man dɛn tɛl dɛn se, “Una we kɔmɔt Galili, wetindu una de luk na di klawd? Dis sem Jizɔs ya we Gɔd tek go ɔp na ɛvin go kam bak na wɔl lɛkɛ aw una si am de go ɔp na ɛvin.”

Mak 12:36

Gɔd in Spirit mek Devid insɛf tɔk se, ‘Gɔd tɛl mi Masta se: Sidɔm na mi raytan, sote a mek yu mas dɛn pipul we nɔ lɛk yu.’

Di Sam Dɛm 110:1

PAPA GƆD tɔk to di Kiŋ. I se, “Kam sidɔm na mi raytan say, usay pɔsin we gɛt ɔna fɔ de, te a put yu ɛnimi dɛn ɔnda yu fut.”

Di Ibru Pipul Dɛn 1:13

Gɔd nɔ tɛl ɛni wan pan in enjɛl dɛn se, “Sidɔm na mi raytan sote a mek yu mas dɛn wan we nɔ lɛk yu lɛkɛ na grɔn yu de mas.”

Lyuk 20:42

Devid insɛf rayt na di Sambuk se, ‘Gɔd tɛl mi Masta se: Sidɔm na mi raytan

Matyu 28:18

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Di Ibru Pipul Dɛn 1:6

Ɛn igen, wɛn Gɔd bin want sɛn in fɔs Pikin kam na wɔl, Gɔd se, “Una ɔl we na mi enjɛl dɛn fɔ nil dɔŋ bifo mi Pikin.”

Di Ibru Pipul Dɛn 4:14

Wi fɔ stil biliv di Gud Nyuz we wi bin dɔn biliv, bikɔs pɔsin de we na di edman we de mek sakrifays fɔ pipul sin, nain dɔn go na di ples we Gɔd de. Na Jizɔs, we na Gɔd in Pikin, na di edman.

Jɔn 13:32

Ɛn if i mek pipul si aw i wɔndaful, Gɔd insɛf go sho pipul aw Mɔtalman Pikin wɔndaful, ɛn Gɔd de kam du dat naw.