Pita In Fɔs Lɛta 3:2 - Krio Fɔs Oli Baybul

² bikɔs dɛn go si se una de waka tret ɛn una de fred Gɔd.

Pita In Fɔs Lɛta 3:2 Referans Kwoze

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Pita In Fɔs Lɛta 1:15

Bɔt una fɔ du ɔl wetin una de du lɛkɛ aw Gɔd yon pipul de du dɛn, jɛs lɛkɛ aw Gɔd, we kɔl una fɔ du in wok, nɔ de du ɛnitin bad.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Pita In Sɛkɛn Lɛta 3:11

We ɔltin gɛt fɔ dɔn so, uskayn pipul una fɔ bi? Una fɔ de waka wit Gɔd ɛn du dɛn tin we go mek pipul no se una na Gɔd yon pipul;

Lɛta Fɔ Ɛfisɔs 5:33

Na di sem tin fɔ bi to una: ɛvri man we mared fɔ lɛk in wɛf lɛkɛ aw i lɛk insɛf, ɛn ɔl mared uman fɔ rɛspɛkt in man.

Lɛta Fɔ Kɔlɔse 3:22

Una we de wok fɔ ɔda pipul, una fɔ de du ɔl wetin di pipul dɛn we una de wok fɔ tɛl una fɔ du, una nɔ fɔ wok nɔmɔ wɛn una masta de, bikɔs una want mek i prez una, bɔt una fɔ wok wit ɔl una at bikɔs una rɛspɛkt Jizɔs Krays we na wi Masta.

Lɛta Fɔ Filipay 3:20

Bɔt ɛvin blant wi. Wi de wet fɔ di pɔsin we go kɔmɔt na ɛvin kam fɔ sev wi, da pɔsin de na wi Masta Jizɔs Krays.

Lɛta Fɔ Ɛfisɔs 6:5

Una we de wok, una fɔ de du wetin una masta tɛl una fɔ du, ɛn una fɔ rɛspɛkt dɛn. Una fɔ du di wok wit ɔl una at lɛkɛ se na Krays una de du am fɔ.

Fɔs Lɛta To Timoti 4:12

Nɔ mek nɔbɔdi se bikɔs yu smɔl yu nɔ go ebul du dis wok. Na yu fɔ sho dɛn pipul we biliv Gɔd aw dɛn fɔ de du bay aw yu de tɔk, aw yu de du, aw yu lɛk pipul, aw yu biliv Gɔd, ɛn di kayn layf we yu liv.

Pita In Fɔs Lɛta 3:1

Semwe so, una dɛn mare du man fɔ de du ɔl wetin una man dɛn tɛl una fɔ du, so dat if ɛni wan pan dɛn de we nɔ biliv Gɔd in wɔd, una go mek dɛnsɛf kam biliv pan Gɔd bay aw una de du. Una nɔ go gɛt fɔ tɔk to dɛn bɔt Gɔd igen sɛf,

Pita In Fɔs Lɛta 3:3

Nɔto dɛn tin we pɔsin de si una fɔ de tek mek unasɛf fayn, lɛkɛ di stayl dɛn we una de mek pan una ia, dɛn chen we una de ɛŋ, ɔ dɛn klos we una de wɛr.