Pita In Fɔs Lɛta 3:15 - Krio Fɔs Oli Baybul

¹⁵ Una fɔ rɛspɛkt Krays ɛn tɔk insay una at se in na di Masta. Una fɔ rɛdi ɔltɛm fɔ ansa dɛn pipul we de aks una wetin una abop pan,

Pita In Fɔs Lɛta 3:15 Referans Kwoze

Lɛta Fɔ Kɔlɔse 4:6

Wɛn una de tɔk wit pipul, una fɔ tɛl dɛn tin we go mek dɛn gladi fɔ yɛri wetin una de tɔk ɛn we go mek dɛn want fɔ yɛri mɔ, ɛn una fɔ no aw fɔ ansa ɔlman.

Pita In Fɔs Lɛta 3:2

bikɔs dɛn go si se una de waka tret ɛn una de fred Gɔd.

1 Samiɛl 12:7

I se mek dɛn rɛdi bikɔs i de kam tɛl dɛn ɔl wetin PAPA GƆD du fɔ dɛn ɛn dɛn fɔstɛm pipul dɛn.

Taytɔs 1:2

we go mek dɛn abop fɔ gɛt layf we go de sote go. Gɔd, we nɔ de lay, bin dɔn prɔmis fɔ gi wi da layf de bifo i mek di wɔl,

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Di Ibru Pipul Dɛn 6:1

So, mek wi lɛf fɔ de tɔk bɔt dɛn tin we wi bin de tɛl una bɔt Krays, fɔstɛm; lɛ wi go bifo ɛn lan dɛn tin we bigman fɔ lan bɔt Krays. Wi tap fɔ lan una dɛn tin we wi bin dɔn lan una fɔstɛm we wi se pipul fɔ chenj ɛn lɛf fɔ du dɛn bad tin we go mek dɛn day, ɛn dɛn fɔ biliv pan Gɔd.

Di Sam Dɛm 119:46

A nɔ go gɛt shem ɛn disgres we a tɔk bɔt yu lɔ dɛn frɔnt bigman dɛn,

Lɛta Fɔ Kɔlɔse 1:5

Di fɔs tɛm we dɛn tɛl una di Gud Nyuz we na tru, una no se Gɔd kip gud tin fɔ una na ɛvin; ɛn we una de wet fɔ da gud tin de we una no fɔ shɔ se una go gɛt, dat mek una biliv pan Krays mɔ ɛn lɛk Gɔd in pipul dɛn.

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Pita In Fɔs Lɛta 3:4

Bifo dat, ɔl una yon fayn fɔ de insay; una fɔ de tɔk ɛn du tin saful saful, una ed nɔ fɔ de wam, na dɛn kayn tin ya Gɔd luk se fayn, ɛn na dɛn kayn fayn de go de sote go.

Ayzaya 41:21

PAPA GƆD se, una mek una kes, Jekɔb in kiŋ se, briŋ yu ɛvidɛns.

Ayzaya 1:18

PAPA Gɔd se, “Kam naw naw lɛ we ɛŋed togɛda, i lɛk una sin dɛn rɛd lɛk blɔd, dɛn go wayt lɛk shatin; i lɛk dɛn rɛd lɛk krimsin, dɛn go tan lɛk kɔtinwul.

Ayzaya 29:23

Bikɔs wɛn i go si in pikin dɛm, we na mi mek, dɛn de wit am, dɛn go mek mi nem oli; dɛn go mek Jekɔb in Oli Wan oli, dɛn go fred Izrɛl dɛn Gɔd.

Pita In Fɔs Lɛta 1:17

Wɛn una de pre ɛn una se, “Papa,” una de kɔl Gɔd, we de jɔj ɔlman di sem we, bay di wok we ɔlman de du, so ɔl di tɛm we lɛf fɔ una na dis wɔl, una fɔ ɔna am, pan ɔl wetin una de du.

Ayzaya 5:16

Bɔt dɛn de es PAPA GƆD Ɔlmayti ɔp bikɔs i de trit ɔlman di sem, ɛn di oli Gɔd de sho insɛf se i oli bay we i de waka tret.

Apɔsul Dɛn Wok 24:25

Wɛn Pɔl tɔk bɔt wetin dɛn min wɛn dɛn se pɔsin gud, aw pɔsin fɔ kɔntrol insɛf, ɛn di de we Gɔd go jɔj ɔlman fɔ di gud ɛn bad we dɛn du, Filiks fred; i se, “Pɔl, go fɔs. A go sɛn kɔl yu ɔda tɛm.”

Apɔsul Dɛn Wok 21:39

Pɔl ansa am se, “Mi na Ju man ɛn a kɔmɔt Tasɔs we de na Silishia. Di tɔŋ we a bɔn nɔto lili tɔŋ. Duya, gi mi chans lɛ a tɔk to dɛn pipul ya.”

Di Nɔmba Dɛm 20:12

Bɔt PAPA GƆD tɛl Mozis ɛn Erɔn se, “Bikɔs una nɔ trɔs mi gud, una nɔ mek a fil gud ɛn sho di Izrɛlayt dɛn se a oli, nɔn pan una nɔ go kɛr di pipul dɛn go na di land we a de gi dɛn.

Di Nɔmba Dɛm 27:14

bikɔs wɛn di Izrɛlayt kɔmyuniti barɔf pan mi na di wata dɛn na di di ɛmti land we pɔsin nɔ go ebul tap na Zin, una ɔltu nɔ du wetin a se, we bin fɔ lɛ una sho dɛn se mi na Oli GƆD. Dis bin apin na di wata dɛn na Mɛriba we de na Kedɛsh insay di ɛmti land we pɔsin nɔ go ebul tap na Zin.

Prɔvabs 15:28

Pɔsin we de waka tret na PAPA GƆD in yay de tink gud bifo i ansa kwɛshɔn, bɔt na tɔk de kɔmɔt na bad pɔsin in mɔt.

Prɔvabs 22:21

we go mek yu no wetin rayt ɛn kɔrɛkt, so dat ɛni kwɛshɔn we dɛn aks yu, yu go ebul fɔ gi kɔrɛkt ansa.

Ayzaya 8:12

“Nɔ kɔl ɔl wetin dɛn pipul ya kɔl, ‘sikrit plan fɔ du bad’ se na sikrit plan fɔ du bad, ɛn nɔ fred wetin dɛn de fred, ɛn lɛ natin nɔ shek una at.