Pita In Fɔs Lɛta 3:14 - Krio Fɔs Oli Baybul

¹⁴ Bɔt if una gɛt fɔ sɔfa sɛf bikɔs una de du wetin rayt, una gɛt blɛsin! Una nɔ fɔ fred wetin pɔsin de du ɛn una nɔ fɔ wɔri fɔ natin.

Pita In Fɔs Lɛta 3:14 Referans Kwoze

Matyu 10:28

Una nɔ fred di wan dɛn we ebul kil pɔsin, bɔt dɛn nɔ ebul kil in sol; bɔt una fred Gɔd we kin pwɛl bɔdi ɛn sol na ɛl.

2 Kɔrint 12:10

Fɔseka Krays, a satisfay wit di sik we de pan mi, dɛn kɔs we pipul kɔs mi, waala, di fɛt we pipul fɛt mi, ɛn traŋa layf, bikɔs di tɛm we a nɔ ebul fɔ ɛp misɛf, na da tɛm de a gɛt Gɔd in pawa.

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

Jɔn 14:1

Jizɔs tɛl in lanin bɔy dɛn se, “Una put una at dɔŋ, una nɔ wɔri. Una biliv pan Gɔd, ɛn una biliv pan misɛf.

Mak 10:29

Jizɔs se, “A de tɛl una fɔ tru se, ɛnibɔdi we dɔn lɛf os, ɔ brɔda, ɔ sista, ɔ mama, ɔ papa, ɔ pikin dɛn, ɔ fam fɔseka mi ɛn di Gud Nyuz,

Mak 8:35

Ɛnibɔdi we de tray fɔ sev in layf, go lɔs am; bɔt ɛnibɔdi we lɔs in layf fɔseka mi ɛn di Gud Nyuz, go gɛt di tru layf.

Matyu 19:29

Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go.

Matyu 16:25

Ɛnibɔdi we de tray fɔ sev in layf go lɔs am; bɔt ɛnibɔdi we lɔs in layf fɔseka mi, go gɛt di tru layf.

Pita In Fɔs Lɛta 3:6

Sera na bin wan pan dɛn uman we bin de waka klos Gɔd; i kin du ɔl wetin Ebraam tɛl am fɔ du ɛn wɛn i de tɔk to am, i kin kɔl am in masta. Unasɛf go bi lɛkɛ Sera if una de ɛp ɔda pipul ɛn una nɔ gri mek ɛnitin mek una fred.

Matyu 10:39

Ɛnibɔdi we de tray fɔ sev in layf, go lɔs am; bɔt ɛnibɔdi we lɔs in layf fɔseka mi, go gɛt di tru layf.

Jɛrimaya 15:15

E PAPA GƆD, yu no; mɛmba mi ɛn ɛn ɛp mi, ɛn rivɛnj fɔ mi pan di wan dɛm we de du mi bad. Nɔ peshɛnt wit dɛn te dɛn kil mi; no se fɔseka yu a de bia shem.

Jɛrimaya 1:8

Nɔ fred dɛm, bikɔs a de wit yu fɔ sev yu,” na so PAPA GƆD se.

Ayzaya 51:12

“Mi, na Mi na di wan we de kɔnfɔt yu; udat na yu, we yu de fred mɔtalman we gɛt fɔ day, we de fred mɔtalman we dɛn mek lɛk gras,

Lɛta Fɔ Filipay 1:29

Na Gɔd insɛf gi una dis wɔndaful chans fɔ biliv pan Krays ɛn fɔ sɔfa fɔseka am.

Matyu 10:31

so una nɔ fred; una layf bɛtɛ pas dɛn smɔl bɔd dɛn layf na Gɔd yay.

Apɔsul Dɛn Wok 9:16

Misɛf go sho Sɔl plɛnti tin we i go sɔfa fɔ mek ɔda pipul sabi mi.”

Izikɛl 3:9

A dɔn mek yu at traŋa lɛk ayɛn ston; nɔ fred dɛn ɛn nɔ pwɛl at we yu si dɛn bikɔs dɛn na pipul dɛn we de ribɛl.”

Prɔvabs 3:25

Yu nɔ go fred sɛf wɛn yu yɛri “Lɔd a masi o, faya!” Lɛkɛ aw trɔbul kin mit bad mɔtalman.

Jems 5:11

Wi se Gɔd blɛs dɛn bikɔs dɛn bia. Una no aw Job bin bia lɔŋ wɛn i bin de sɔfa, ɛn una si aw Gɔd kam blɛs am. Ɔl dat fɔ mek una no se fɔ tru, Gɔd de sɔri fɔ wi wɛn wi de sɔfa, ɛn i de sɔri fɔ wi pan ɔl we wi du tin we fɔ mek i vɛks.