Pita In Fɔs Lɛta 3:12 - Krio Fɔs Oli Baybul

¹² Gɔd, we na wi Masta, in yay de pan dɛn pipul we de du rayt ɛn i de yɛri dɛn wɛn dɛn de pre; bɔt i nɔ go mek bɛtɛ fala dɛn wikɛd pipul.”

Pita In Fɔs Lɛta 3:12 Referans Kwoze

Jɔn 9:31

Wi no se Gɔd nɔ de ansa wɛn pɔsin we gɛt sin nain layf pre to am. Gɔd de ansa ɔl dɛn pipul we rɛspɛkt am ɛn we de du ɔl wetin i tɛl dɛn fɔ du.

Prɔvabs 15:29

PAPA GƆD nɔ de nia bad man, bɔt de ansa udat de waka tret wan in prea.

Prɔvabs 15:3

PAPA GƆD de si ɔlsay, i de wach udat de du bad, ɛn udat de du gud.

2 Kronikuls 7:15

Datɛnde, mi yay ɛn mi yes go opin to di prea we dɛn de pre na dis ples.

Prɔvabs 15:8

PAPA GƆD et di sakrifays we bad pɔsin de mek to am, bɔt i de gladi fɔ yɛri gud pɔsin in prea.

2 Kronikuls 16:9

Bikɔs PAPA GƆD in yay de de ɔlsay na di wanol wɔl, fɔ sho in pawa fɔseka di wan dɛn we dɛn dɛn at klin fɔ am. Na fulish we yu biev so; bikɔs as frɔm tide, na so so wa yu go de fɛt.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Di Sam Dɛm 65:2

Yu we de ansa wi prea, ɔlman na wɔl go kam fɔ wɔship yu.

Izikɛl 15:7

Ɛn a go dil wit dɛn; i lɛk dɛn rɔnawe kɔmɔt na di faya, di faya go stil bɔn dɛn; ɛn una go no se na mi na PAPA GƆD we a go dɔn dil wit dɛn dɔn.

Ditarɔnɔmi 11:12

bikɔs PAPA GƆD we na dɛn PAPA GƆD bisin bɔt di land ɛn de wach am ɔltɛm.

Di Sam Dɛm 80:16

Dɛn dɔn ruin wi lɛk aw pɔsin de bɔn sɔntin na faya; sho dɛn se yu vɛks ɛn jɔj dɛn fɔ wetin dɛn du.

Lɛvitikɔs 26:17

I go dison dɛn ɛn mek dɛn ɛnimi dɛn win dɛn; di wan dɛn we et dɛn, go rul dɛn ɛn dɛn go de rɔn ivin we nɔbɔdi nɔ de rɔnata dɛn.

Lɛvitikɔs 20:3

I se insɛf go dison di pɔsin ɛn i nɔ go miks wit in pipul igen bikɔs nain tɛnt usay dɛn kin mit am i go de mek nɔ klin nain yay, ɛn i go de disgres in nem.

Jɛrimaya 21:10

PAPA GƆD se, bikɔs a dɔn tɔn mi fes to dis siti fɔ bad, ɛn nɔto fɔ gud; a go mek di kiŋ na Babilɔn kapchɔ am, ɛn i go bɔn am wit faya?

Di Sam Dɛm 11:4

PAPA GƆD de nain os we oli; PAPA GƆD sidɔm na ɛvin de rul. Natin nɔ de we i nɔ no; i no ɛn de si ɔl wetin mɔtalman de du.

Lɛvitikɔs 20:6

I tɔk bak se if pɔsin biev lɛk rare gyal ɛn go to dɛn wan we kin wek dayman ɔ we kin tɔk bɔt wetin go apin bambay, i go dison da pɔsin de ɛn i nɔ go mek i miks wit in pipul igen

Lɛvitikɔs 17:10

I se if ɛni Izrɛlayt ɔ fɔrina we tap wit dɛn it ɛnitin we gɛt blɔd, PAPA GƆD go dison da pɔsin de ɛn i nɔ go mek i miks wit in di Izrɛlayt dɛn igen

Zɛkaraya 4:10

Nain di enjɛl se di sɛvin lamp dɛn na di sɛvin yay we PAPA GƆD de yuz fɔ luk ɔl wetin de bi na wɔl.

Di Sam Dɛm 33:18

Bɔt PAPA GƆD yay de pan ɔl udat abop pan am; ɛn i de wach dɛn wan we abop pan in lɔ we nɔ de chenj;

Jɛrimaya 39:12

“Tek am go, tek gud kia ɔf am ɛn nɔ du am bad, ɛn du wetin i tɛl yu.”