Pita In Fɔs Lɛta 3:11 - Krio Fɔs Oli Baybul

¹¹ I fɔ lɛf fɔ de du bad ɛn i fɔ de du gud; i fɔ tray sote natin nɔ mek in ɛn in kɔmpin dɛn mek plaba.

Pita In Fɔs Lɛta 3:11 Referans Kwoze

Matyu 5:9

“Dɛn wan we de mek pis fɔ pipul, gɛt blɛsin, bikɔs Gɔd go mek dɛn bi in pikin dɛn!

Di Sam Dɛm 34:14

I fɔ lɛf fɔ du bad ɔltogɛda ɛn bigin du gud; Du ɔl wetin yu ebul fɔ mek ɔlman gɛt kolat

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Lɛta Fɔ Rom 14:19

So, wi fɔ tray ɔltɛm fɔ de du dɛn tin we go briŋ kol at, ɛn dɛn tin we go mek ɔda pipul ɛn wisɛf biliv Gɔd mɔ ɛn mɔ.

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Lɛta Fɔ Rom 14:17

Wɛn pɔsin de tɔk bɔt di rul we Gɔd de rul, i nɔ de tɔk bɔt tin fɔ it ɛn tin fɔ drink, bɔt i de tɔk bɔt aw Gɔd de mek ɔltin rayt bitwin in ɛn mɔtalman, di kol at we Gɔd de gi, ɛn di gladi we Gɔd in Spirit de put na pɔsin in at.

Lɛta Fɔ Rom 12:18

Una fɔ du ɔl wetin una ebul fɔ du so dat una kin de kwayɛt wan wit ɔlman.

Jɔn In Tɔd Lɛta 1:11

Mi padi we a lɛk, nɔ fala di bad we i de du, yu jɛs de du gud nɔmɔ. Ɛnibɔdi we de du wetin rayt na Gɔd pikin, bɔt ɛnibɔdi we de du bad nɔ no Gɔd yet.

Jems 4:17

So, ɛnibɔdi we no wetin i fɔ du ɛn i nɔ du am, da pɔsin de dɔn sin.

Di Ibru Pipul Dɛn 13:16

Una nɔ fɔgɛt se una fɔ de du ɔda pipul gud, ɛn una fɔ de gi dɛn pan wetin una gɛt, bikɔs na dɛn kayn sakrifays de, de mek Gɔd gladi.

Fɔs Lɛta To Timoti 6:18

Dɛn yon jɛntri fɔ bi di plɛnti plɛnti gud wok we dɛn de du, dɛn fɔ fri an ɛn dɛn fɔ lɛk fɔ sheb wetin dɛn gɛt.

Lɛta Fɔ Galeshya 6:10

Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Rom 8:6

If una jɛs de mɛmba wetin una at want nɔmɔ, dat go mek una day; bɔt if una jɛs de mɛmba wetin Gɔd in Spirit want nɔmɔ, una go gɛt di tru layf ɛn kol at.

Lɛta Fɔ Rom 7:21

Na di tin dis we a si se de bi na mi layf: Wɛn a want du gud, na bad nɔmɔ a kin ebul du.

Lɛta Fɔ Rom 5:1

We Gɔd dɔn mek ɔltin rayt bitwin wi ɛn insɛf, bikɔs wi biliv pan am, wi gladi we wi de waka klos am; na wi Masta Jizɔs Krays du dat fɔ wi.

Jɔn 17:15

A nɔ de aks yu fɔ pul dɛn kɔmɔt to di ɔda pipul dɛn na wɔl, a de aks yu fɔ kip dɛn mek Setan nɔ du dɛn natin.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.

Di Sam Dɛm 37:27

Lɛf fɔ du bad ɛn du gud; dɔn yusɛf go de na di land we PAPA GƆD prɔmis.

Lɛta Fɔ Rom 7:19

A nɔ de du di gud we a want du, na di bad we a nɔ want du, a de du.

Lyuk 6:35

Una fɔ lɛk dɛn wan we nɔ lɛk una ɛn du dɛn gud. Wɛn una de lɛn pɔsin sɔntin, una nɔ fɔ abop se i go gi una bak; da tɛm de una go gɛt big blɛsin fɔ dat ɛn una go bi Gɔd we pas ɔl, in pikin dɛn. Gɔd gud to pɔsin we nɔ de tɛl tɛnki ɛn to pɔsin we wikɛd.

Lyuk 6:9

Jizɔs se, “Mek a aks una sɔntin. Wetin wi Lɔ want wi fɔ du di de fɔ pre ɛn blo? Fɔ du gud ɔ fɔ du bad? Fɔ sev layf ɔ fɔ kil?”

Lyuk 1:79

Da san de go shayn pan dɛn pipul we de na dak ɛn we want day, ɛn i go mek wi gɛt kol at.”

Mak 14:7

Dɛn pipul we nɔ gɛt natin de wit una ɔltɛm, ɛn una kin du gud fɔ dɛn ɛnitɛm we una want. Bɔt mi nɔ go de wit una ɔltɛm.

Prɔvabs 16:17

Dɛn wan we tret nɔ de waka na denja rod, udat kiaful na layf de sev in layf.

Prɔvabs 16:6

If yu fethful ɛn de kip to yu wɔd, PAPA GƆD go fɔgiv yu sin, if yu fred PAPA GƆD, yu nɔ go de pan bad tin.

Prɔvabs 3:7

Nɔ fil to se yu sabi ɔltin; jɛs fred PAPA GƆD nɔmɔ ɛn nɔ du bad.

Di Sam Dɛm 125:4

PAPA GƆD, blɛs di wan dɛn we de du gud di wan dɛn we de du wetin rayt.

Job 28:28

Nain i tɛl mɔtalman se, una no tide se, fɔ fred PAPA GƆD nain na bɔku bɔku sɛns, ɛn fɔ kɔmɔt biɛn setan biznɛs, na bɔku bɔku lanin.”

Job 2:3

PAPA GƆD aks am if i dɔn tink bɔt Job we nain wokman. PAPA GƆD tɛl Setan se, nɔbɔdi nɔ de na wɔl lɛk Job, bikɔs na gud man ɛn i de waka tret wit in PAPA GƆD. I fred ɛn rɛspɛkt in PAPA GƆD ɛn in layf nɔ gɛt wan bɔt. PAPA GƆD se pan ɔl we Setan mek in gri mek i atak Job fɔ natin, Job stil de waka tret wit in PAPA GƆD.

Job 1:1

Wan man bin de we nem Job, ɛn i bin tap na Ɔz. Job na bin gud man ɛn i bin de waka tret wit PAPA GƆD. In fred ɛn rɛspɛkt fɔ PAPA GƆD, ɛn in layf nɔ bin gɛt wan bɔt.

Pita In Fɔs Lɛta 3:12

Gɔd, we na wi Masta, in yay de pan dɛn pipul we de du rayt ɛn i de yɛri dɛn wɛn dɛn de pre; bɔt i nɔ go mek bɛtɛ fala dɛn wikɛd pipul.”

Di Jɔj Dɛm 11:14

Nain Jɛftha sɛn pipul dɛn bak go tɛl di Amonayt Kiŋ