Pita In Fɔs Lɛta 2:8 - Krio Fɔs Oli Baybul

⁸ Dɛn rayt ɔda say na Gɔd in Buk se, “Na di ston dis we go mek pipul bɔk dɛn fut ɛn fɔdɔm.” Dɛn pipul ya bin bɔk dɛn fut bikɔs dɛn nɔ bin biliv se Gɔd in wɔd na tru; na so Gɔd bin dɔn plan fɔ dɛn.

Pita In Fɔs Lɛta 2:8 Referans Kwoze

Ayzaya 8:14

Ɛn i go tɔn oli ples, ɛn di ston we go ɔfɛnd pipul dɛn, ɛn di big ston we go mek di tu os dɛn na Izrɛl bɔk dɛn fut ɛn fɔdɔm, ɛn go bi trap fɔ di pipul dɛn na Jerusɛlɛm.

1 Kɔrint 1:23

Bɔt wi de tɛl pipul se Krays day na di krɔs, dat de mek di Ju pipul dɛn vɛks ɛn di pipul dɛn we nɔto Ju dɛn se na nɔnsɛns.

Pita In Fɔs Lɛta 2:7

Dis ston ya de ɛp una we biliv am gud gud wan, bɔt fɔ dɛn wan we nɔ biliv am, dɛn rayt na Gɔd in Buk se, “Di ston we dɛn pipul we de bil nɔ tek mek natin, nain dɔn kam bi di wan we impɔtant pas ɔl di ɔda wan dɛn.”

Lɛta Fɔ Rom 9:22

Na so Gɔd in wok tan. Gɔd bin want sho pipul aw i vɛks ɛn di pawa we i gɛt. Bɔt i bia wit dɛn pipul we bin fit fɔ go na ɛl, we i bin fɔ jɔj bikɔs i bin vɛks pan dɛn.

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Fɔs Lɛta Fɔ Tɛsalonayka 5:9

Gɔd nɔ pik wi fɔ mek wi sɔfa di de we i go jɔj wi, i pik wi so dat i go sev wi; na wi Masta Jizɔs Krays du dat.

Lyuk 2:34

Simiɔn blɛs dɛn tri, dɔn i tɔk to Meri, i se, “Gɔd dɔn pik dis pikin ya ɛn sɛn am kam, ɛn di kam we i kam go mek plɛnti Izrɛl pipul lɛf fɔ biliv Gɔd ɛn mek plɛnti biliv am. Gɔd sɛn Jizɔs fɔ sho wi wetin Gɔd want, bɔt plɛnti pipul go tɔk se dɛn nɔ de fɔ am,

2 Kɔrint 2:16

Fɔ dɛn wan dɛn we de go ɛl, di sɛnt na sɛnt we de kil; bɔt fɔ dɛn wan we go sev, da sɛnt de na sɛnt we de gi layf. Udat ebul du wok lɛkɛ dis?

Ɛksodɔs 9:16

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

Ayzaya 57:14

Ɛn dɛn go se, “Bil am, yɛs, bil am, rɛdi di rod, pul ɔltin we de blɔk dɛm kɔmɔt usay mi pipul dɛn fɔ pas.”

Ayzaya 37:26

Yu nɔ bin dɔn yɛri yet se na lɔntɛm a dɔn plan dat? A dɔn plan am lɔlɔntɛm se na so i fɔ bi, fɔ lɛ yu nyakanyaka di kɔntri to grabul ɛn na so i bi.

Lɛta Fɔ Galeshya 5:11

Mi Kristiɛn pipul dɛn, una luk mi yon trɔbul, if a de tɛl pipul fɔ sakɔmsayz, wetindu dɛn stil de mek a sɔfa? If na so a de du, pipul nɔ fɔ vɛks wɛn a tɛl dɛn bɔt di day we Krays day na di krɔs.

Pita In Fɔs Lɛta 2:6

Dɛn rayt na Gɔd in Buk se, Gɔd se, “A dɔn pik wan gud gud ston we go bi di ston we impɔtant pas ɔl ɛn a go put am na da tɔŋ we dɛn kɔl Zayɔn; da ston de na di Masta; ɛnibɔdi we biliv pan am nɔ go disapɔynt.”

Job 23:14

I go du ɔl wetin i plan fɔ du na mi layf, ɛn ɔl di ɔda tin dɛn we i plan fɔ du.