Pita In Fɔs Lɛta 2:7 - Krio Fɔs Oli Baybul

⁷ Dis ston ya de ɛp una we biliv am gud gud wan, bɔt fɔ dɛn wan we nɔ biliv am, dɛn rayt na Gɔd in Buk se, “Di ston we dɛn pipul we de bil nɔ tek mek natin, nain dɔn kam bi di wan we impɔtant pas ɔl di ɔda wan dɛn.”

Pita In Fɔs Lɛta 2:7 Referans Kwoze

Matyu 21:42

Jizɔs aks dɛn se, “Una nɔ rid yet wetin rayt na Gɔd in Buk we se, ‘Da ston we dɛn pipul we de bil nɔ tek mek natin, nain dɔn bi di wan we impɔtant pas ɔl di ɔda wan dɛn. Na di Masta mek dat bi, ɛn di tin we di Masta du, so wɔndaful!’

Pita In Fɔs Lɛta 2:8

Dɛn rayt ɔda say na Gɔd in Buk se, “Na di ston dis we go mek pipul bɔk dɛn fut ɛn fɔdɔm.” Dɛn pipul ya bin bɔk dɛn fut bikɔs dɛn nɔ bin biliv se Gɔd in wɔd na tru; na so Gɔd bin dɔn plan fɔ dɛn.

Pita In Fɔs Lɛta 1:8

Pan ɔl we una nɔ si Jizɔs yet, una lɛk am. Pan ɔl we una nɔ de si am naw, una biliv pan am; so una gladi bad ɛn una nɔ ebul tɔk sɛf bɔt di gladi we una gladi, bikɔs

Di Ibru Pipul Dɛn 11:31

Na bikɔs da trit uman we nem Reab bin biliv Gɔd mek i nɔ day di tɛm we dɛn pipul we nɔ du wetin Gɔd tɛl dɛn fɔ du, day, bikɔs i bin gladi fɔ ayd dɛn trenja we dɛn sɛn kɔmɔt Izrɛl fɔ kam wach di tɔŋ, nain os.

Di Ibru Pipul Dɛn 4:11

Na dat mek, wi fɔ tray gud gud wan fɔ go na di ples we Gɔd de ɛn sidɔm blo. Mek wi ɔl na ya go na di ples we Gɔd de rul ɛn sidɔm blo, mek nɔn nɔ lɛf we nɔ go go de bikɔs i nɔ du wetin Gɔd want lɛkɛ aw wi grampapa papa dɛn bin du we mek dɛn nɔ go de.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Lɛta Fɔ Kɔlɔse 2:10

ɛn una dɔn gɛt di tru layf we una dɔn gɛt wanwɔd wit Krays. Krays de rul oba ɔl dɛn spirit we de rul ɛn we gɛt pawa.

2 Kɔrint 2:16

Fɔ dɛn wan dɛn we de go ɛl, di sɛnt na sɛnt we de kil; bɔt fɔ dɛn wan we go sev, da sɛnt de na sɛnt we de gi layf. Udat ebul du wok lɛkɛ dis?

Lɛta Fɔ Rom 15:31

Una pre mek dɛn pipul na Judia we nɔ biliv pan Jizɔs Krays nɔ du mi bad, ɛn mek Gɔd in pipul dɛn na Jerusɛlɛm gladi fɔ wetin a de go du fɔ dɛn.

Lɛta Fɔ Rom 10:21

Bɔt Ayzaya tɛl wi se Gɔd tɔk bɔt di Ju pipul dɛn se, “A de tret mi an ɔltɛm to dɛn wan we nɔ want fɔ du wetin a tɛl dɛn ɛn we nɔ de du wetin a tɛl dɛn, fɔ mek dɛn kam to mi.”

Apɔsul Dɛn Wok 26:19

“Kiŋ Agripa, a du dɛn tin we di vɔys we kɔmɔt ɛvin tɛl mi fɔ du.

Jɔn 4:42

Dɛn tɔn to di uman ɛn se, “Nɔto wetin yu tɔk mek wi biliv dis tɛm ya; wi biliv bikɔs wisɛf sɛf dɔn yɛri wetin i tɔk, ɛn wi no se nain de sev di pipul dɛn na di wɔl, fɔ tru.”

Lyuk 20:17

Bɔt Jizɔs luk dɛn ɛn aks dɛn se, “Aw una go ɛksplen wetin rayt na Gɔd in Buk we se, ‘Da ston we dɛn pipul we de bil nɔ tek mek natin, nain dɔn kam bi di wan we impɔtant pas ɔl di ɔda wan dɛn.’

Lyuk 2:32

Nain na di layt we go mek dɛn wan we nɔ no yu na dis wɔl, no yu; i go mek yu pipul dɛn na Izrɛl gɛt plɛnti ɔna.”

Zɛkaraya 4:7

So i lɛk aw da mawnten ay, we i de bifo Zɛrubabɛl, i go fiba flat grɔn; ɛn dɛn go ebul put di las ston pantap di siti bak ɛn ɔlman go ala se tɛl PAPA GƆD tɛnki, tɛl PAPA GƆD tɛnki.

Egay 2:7

ɛn i go mek dɛn pawaful neshɔn dɛn lɔs dɛn pawa, so dat ɔl wetin dɛn dɔn gɛda go kam bi Jerusɛlɛm yon, dɔn PAPA GƆD in os go de fayn fayn wan. Na so PAPA GƆD Ɔlmayti se.

Ayzaya 28:5

Da tɛm de, na PAPA GƆD Ɔlmayti go bi di krawn we pipul go de blɔf wit, ɛn fayn fayn kɔrɔnɛt, to di balans pipul dɛm;

Lyuk 2:34

Simiɔn blɛs dɛn tri, dɔn i tɔk to Meri, i se, “Gɔd dɔn pik dis pikin ya ɛn sɛn am kam, ɛn di kam we i kam go mek plɛnti Izrɛl pipul lɛf fɔ biliv Gɔd ɛn mek plɛnti biliv am. Gɔd sɛn Jizɔs fɔ sho wi wetin Gɔd want, bɔt plɛnti pipul go tɔk se dɛn nɔ de fɔ am,

Pita In Fɔs Lɛta 2:4

Una kam to di Masta, nain na di ston we de gi layf; mɔtalman bin tink se i nɔ gud, bɔt Gɔd pik am bikɔs i no se i gud.