Pita In Fɔs Lɛta 2:5 - Krio Fɔs Oli Baybul

⁵ Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Pita In Fɔs Lɛta 2:5 Referans Kwoze

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

1 Kɔrint 3:9

Wi ɔl dɔn jɔyn an fɔ du Gɔd in wok; na una na di fil we Gɔd de wok pan. Una na di os we Gɔd de bil.

Rɛvɛleshɔn 5:10

Yu dɔn mek dɛn kam ɔnda Gɔd in rul ɛn bi pipul we de mek sakrifays to wi Gɔd, ɛn na dɛn go kam rul na dis wɔl.”

1 Kɔrint 3:16

Una nɔ no se una na Gɔd in Os ɛn Gɔd in Spirit tap insay una?

Ayzaya 61:6

Bɔt dɛn go kɔl una PAPA GƆD in man we de mek sakrifays fɔ pipul sin dɛm, pipul dɛn go tɔk bɔt una se una na wi GƆD in minista dɛm; una go it di neshɔn dɛn jɛntri, ɛn una go ɛnjɔy insay dɛn jɛntri.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Rɛvɛleshɔn 20:6

Ɔl dɛn pipul we fɔs kam gɛt layf bak afta dɛn bin dɔn day na pipul we gɛt blɛsin, dɛn gɛt wɔndaful blɛsin. Di sɛkɛn day nɔ go du dɛn natin; dɛn go bi pipul we de mek sakrifays to Gɔd ɛn Krays, ɛn dɛn go rul wit am fɔ wan tawzin ia.

1 Kɔrint 6:19

Una nɔ no se una bɔdi na di os we Gɔd in Spirit tap? Una no se na Gɔd gi unain Spirit. Una nɔto una yon prɔpati, una na Gɔd yon prɔpati.

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Rɛvɛleshɔn 3:12

Ɛnibɔdi we go stil tinap traŋa afta Setan dɔn tray am, a go mek i bi lɛkɛ post we go mek Gɔd in Os tinap, i go tinap de sote go. A go rayt mi Gɔd in nem pan am, ɛn di tɔŋ we i bil, in sɛf yon nem pan am, dat na ‘di Nyu Jerusɛlɛm’, we go kɔmɔt to Gɔd na ɛvin kam dɔŋ. Ɛn a go rayt mi yon nyu nem pan am.

Fɔs Lɛta To Timoti 3:15

if sɔntin sɛf mek a te fɔ kam, dis lɛta ya go mek yu no aw wi fɔ de du wɛn wi de wit Gɔd in pipul dɛn, dat na Gɔd we gɛt layf sote go, in chɔch, ɛn Gɔd in chɔch na di bakbon fɔ di tru tin we wi de tɛl pipul.

Ayzaya 66:21

PAPA GƆD se, “na sɔm pan dɛm bak a go tek mek di man we de mek sakrifays fɔ pipul sin, ɛn livayt dɛm”.

Di Sam Dɛm 50:23

Di pɔsin we lɛk fɔ tɛl mi tɛnki as in sakrifays to mi, na pɔsin we de du wetin a want, i de mek we fɔ mek a ɛp am pan wetin i de du ɛn sev am we trɔbul kam.”

Lɛta Fɔ Kɔlɔse 3:17

Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.

Lɛta Fɔ Filipay 2:17

If dɛn gɛt fɔ kil mi sɛf ɛn di day we a day go tan lɛk sakrifays ɛn wit unasɛf yon sakrifays we una de mek to Gɔd dat na di biliv we una biliv pan Krays, a gladi ɛn a de mek una no se a gladi; so dat unasɛf go gladi wit mi.

Di Sam Dɛm 141:2

Lɛ mi prea tan lɛkɛ insɛns we a de bɔn fɔ yu, ɛn lɛ mi an dɛn we a es ɔp fɔ pre tan lɛkɛ sakrifays we pɔsin kin mek ivintɛm to yu.

Di Sam Dɛm 50:14

Una fɔ de tɛl mi tɛnki, na dat fɔ bi una sakrifays to mi, we na PAPA GƆD we gɛt pawa pas ɔl,

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Ozie 14:2

Una pre to am ɛn kam bak to PAPA GƆD. Una tɛl am ɔl wetin una dɔn du ɛn beg am fɔ sɔri fɔ una ɛn ansa una prea dɔn una go prez am.

Ɛksodɔs 19:6

fɔ de sav mi ɛn bi midulman fɔ dɛn ɔda neshɔn dɛn. Na ɔl wetin a dɔn tɛl yu so yu fɔ tɛl di Izrɛlayt dɛn.”

Prɔvabs 9:1

Sɛns tan lɛkɛ pɔsin we bil in os, dɔn i put sɛvin pila fɔ sɔpɔt am.

Lɛta Fɔ Galeshya 6:10

Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi.

Pita In Fɔs Lɛta 4:17

Di tɛm we Gɔd go jɔj di wɔl nɔ fa igen, ɛn nain yon pipul dɛn fɔs i go jɔj. If Gɔd bigin wit wi we nain yon, aw tin go tan fɔ dɛn wan we nɔ biliv di Gud Nyuz we Gɔd sɛn to mɔtalman?

Ditarɔnɔmi 18:2

Dɛm nɔ go gɛt nɔn pat pan di prɔpati lɛkɛ we di ɔda fambul dɛn gɛt, bikɔs PAPA GƆD dɔn mek dɛn in wokman, ɛn i bin dɔn prɔmis dɛn se in go kia fɔ dɛn.

1 Kiŋ 7:11

Dɛn le ɔda ay kwaliti blɔk dɛn pantap dɛn wan ya ɛn put sida bod midul dɛn.