Pita In Fɔs Lɛta 2:4 - Krio Fɔs Oli Baybul

⁴ Una kam to di Masta, nain na di ston we de gi layf; mɔtalman bin tink se i nɔ gud, bɔt Gɔd pik am bikɔs i no se i gud.

Pita In Fɔs Lɛta 2:4 Referans Kwoze

Pita In Fɔs Lɛta 2:7

Dis ston ya de ɛp una we biliv am gud gud wan, bɔt fɔ dɛn wan we nɔ biliv am, dɛn rayt na Gɔd in Buk se, “Di ston we dɛn pipul we de bil nɔ tek mek natin, nain dɔn kam bi di wan we impɔtant pas ɔl di ɔda wan dɛn.”

Ayzaya 28:16

So, na dis Papa Gɔd we na Gɔd se, “a de le wan ston fɔ fawndeshɔn na Zayɔn, ston we dɛn dɔn tɛst, wit wan ston, ston we dɛn dɔn tɛst, wan valyuebul kɔnaston, we na traŋa fawndeshɔn: ‘Udat biliv nɔ go de ɔri ɔri.’

Lɛta Fɔ Kɔlɔse 3:4

Krays na una tru layf. Wɛn i kam bak na wɔl, una go de wit am ɛn jɛs lɛkɛ aw dɛn ɔna am, na so dɛn go ɔna unasɛf.

Zɛkaraya 3:9

I se na pan di ston we i go put bifo Jɔshwa nain i go gi sɛvin fes we i go tek luk am; PAPA GƆD se in go mek mak pan am dɔn i go pul ɔl di sin kɔmɔt na di land insay wande.

Daniɛl 2:34

As yu bin de luk, wan ston bin kɔt kɔmɔt we nɔto mɔtalman an kɔt am, ɛn nak di imej nain af ayɛn af kle fut dɛn, ɛn nyakanyaka dɛm.

Ayzaya 42:1

Dis na mi wokman we a de sɔpɔt, di wan we a dɔn pik, we mi sol de gladi fɔ; A dɔn put mi Spirit pan am, i go mek ɔl mɔtalman na wɔl trit in kɔmpin di sem.

Pita In Sɛkɛn Lɛta 1:4

Na dat mek Gɔd dɔn gi wi dɛn wɔndaful blɛsin we mɔni nɔ kin bay, we i bin dɔn prɔmis, so dat we una gɛt dɛn tin ya, una nɔ go de fala una at fɔ du dɛn bad tin we dɔn pwɛl di wɔl, bɔt una go du dɛn tin we Gɔd insɛf kin du.

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Lɛta Fɔ Rom 5:10

Wi na pipul we nɔ bin lɛk Gɔd, bɔt Gɔd briŋ wi kam bak to insɛf bay di day we in Pikin day; naw we wi dɔn kam bak to Gɔd, wi fɔ no fɔ tru se Gɔd go sev wi bikɔs in Pikin dɔn rayz frɔm di grev.

Jɔn 14:19

I nɔ go te igen, di pipul dɛn na wɔl nɔ go si mi igen, bɔt una go si mi; ɛn bikɔs a gɛt layf, unasɛf go gɛt di tru layf.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Jɔn 6:57

Na mi Papa we de gi layf sɛn mi kam na wɔl, ɛn nain mek misɛf gɛt layf. Semwe so, a go mek ɛnibɔdi we it mi bɔdi, gɛt layf.

Jɔn 6:37

Ɔl dɛn wan we mi Papa dɔn gi mi go kam to mi. A nɔ go drɛb ɛnibɔdi we kam to mi,

Jɔn 5:40

Pan ɔl dat, una nɔ gri fɔ kam to mi, so dat una go gɛt di tru layf we go de sote go.

Jɔn 5:26

Jɛs lɛkɛ aw di Papa gɛt pawa fɔ gi layf, semwe so, i gi in Pikin insɛf pawa fɔ gi layf.

Matyu 21:42

Jizɔs aks dɛn se, “Una nɔ rid yet wetin rayt na Gɔd in Buk we se, ‘Da ston we dɛn pipul we de bil nɔ tek mek natin, nain dɔn bi di wan we impɔtant pas ɔl di ɔda wan dɛn. Na di Masta mek dat bi, ɛn di tin we di Masta du, so wɔndaful!’

Matyu 12:18

“Dis na di man we a dɔn pik fɔ du mi wok. A lɛk am ɛn a satisfay wit am bad. A go put mi Spirit insay am; ɛn i go tɛl ɔlman se wetin a tɔk, rayt.

Matyu 11:28

“Una kam to mi, una ɔl we dɔn taya fɔ tot ebi lod, a go pul di lod kɔmɔt pan una ed, mek una go blo.

Zɛkaraya 4:7

So i lɛk aw da mawnten ay, we i de bifo Zɛrubabɛl, i go fiba flat grɔn; ɛn dɛn go ebul put di las ston pantap di siti bak ɛn ɔlman go ala se tɛl PAPA GƆD tɛnki, tɛl PAPA GƆD tɛnki.

Daniɛl 2:45

Jɛs lɛk we yu bin si wan ston kɔt kɔmɔt pan wan mawnten, we nɔto mɔtalman an bin kɔt am, we bin brok di ayɛn, di bras, di kle, di silva ɛn di gold pyɛt pyɛt. Na di pawaful PAPA GƆD dɔn mek di kiŋ no bɔt ɔl dis tin ya we go bi bambay. Di drim na tru ɛn di minin go mɔs bi.

Ayzaya 55:3

Opin una yes lisin, ɛn kam to mi; una yɛri, mek una go gɛt layf; ɛn a go mek Kɔvinant wit yu we go de sote go, mi tru tru lɛk we nɔ de chenj, we a lɛk Devid.

Jɛrimaya 3:22

“Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

1 Kɔrint 3:11

Gɔd dɔn le wangren fawndeshɔn we na Jizɔs Krays; nɔbɔdi nɔ fɔ le ɔda wan.