Pita In Fɔs Lɛta 2:25 - Krio Fɔs Oli Baybul

²⁵ Una bin tan lɛkɛ ship we dɔn lɛf fɔ fala di man we de mɛn dɛn, so dɛn nɔ sabi rod igen, bɔt naw Gɔd dɔn briŋ una kam bak to di pɔsin we de mɛn una ɛn we de gyad una mek natin bad nɔ mit una.

Pita In Fɔs Lɛta 2:25 Referans Kwoze

Ayzaya 53:6

Wi ɔl dɔn go astre lɛk ship; ɔlman dɔn go in yon we; ɛn PAPA GƆD dɔn put wi ɔl sin dɛn pan am.

Izikɛl 34:6

Mi ship dɛn bin skata skata, dɛn bin de drif oba ɔl di mawnten dɛn ɛn pan ɔl di ay il; mi ship dɛn bin skata skata oba ɔl say pan di wɔl ɛn nɔbɔdi nɔ bin sach ɔ luk fɔ dɛm.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Di Sam Dɛm 119:176

A fiba ship we dɔn rɔnawe, ɛn dɔn lɔ pan in masta; Briŋ mi bak bikɔs a nɔ go fɔgɛt wetin yu lɔ se.

Matyu 9:36

Wɛn Jizɔs si di krawd, i sɔri fɔ dɛn, bikɔs dɛn bin kɔnfyus ɛn dɛn nɔ bin ebul fɔ ɛp dɛnsɛf, jɛs lɛkɛ dɛn ship we nɔ gɛt shɛpad fɔ mɛn dɛn.

Matyu 18:12

“Una tɛl mi, if wan man gɛt wan ɔndrɛd ship, ɛn wan pan di ship dɛn lɔs, di man nɔ go lɛf di naynti-nayn ship na di il, ɛn tɔn bak go luk fɔ di wan ship we lɔs?

Pita In Fɔs Lɛta 5:4

If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

Jɛrimaya 23:2

Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.

Di Ibru Pipul Dɛn 3:1

Mi Kristiɛn brɔda dɛn, Gɔd kɔl unasɛf fɔ bi in yon pipul. Na dat mek una fɔ mɛmba Jizɔs we Gɔd dɔn sɛn fɔ bi di edman we de mek sakrifays fɔ pipul sin, fɔseka wetin wi biliv.

Izikɛl 37:24

“Mi savant Devid go bi kiŋ oba dɛm; ɛn dɛn ɔl go gɛt wangren shɛpad. Dɛn go fala mi ɔda dɛn ɛn kiaful fɔ du mi lɔ dɛm.

Di Sam Dɛm 80:1

Yu we dɔn de mɛn Izrɛl, lɛk aw yu de mɛn ship, yɛri wi, na yu dɔn de lid wi we na Josɛf in jɛnareshɔn lɛkɛ ship; yu na di wan we sidɔm midul di chɛryubim dɛn de rul as Kiŋ,

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Ayzaya 13:14

Lɛk dia we dɛn de ɔntin, ɔ lɛk ship we nɔ gɛt udat fɔ gɛda dɛn, na so ɔlman go tɔn go bak to in yon pipul dɛn, ɛn ɔlman go rɔnawe go nain yon kɔntri.

Ayzaya 53:5

Bɔt na fɔ wi sin mek dɛn wund am, ɛn na fɔ wi sin mek dɛn brus brus am; na pan am dɛn put ɔl di pɔnishmɛnt we sev wi, ɛn na di flag we dɛn flag am, mek wi wɛl.

Di Ibru Pipul Dɛn 5:2

Bikɔs insɛf na mɔtalman ɛn i kin du tin we nɔ rayt, i kin sɔri fɔ dɛn wan we nɔ du di rayt tin bikɔs dɛn nɔ no wetin rayt.

Pita In Fɔs Lɛta 3:20

Dɛn spirit ya na dɛn pipul we nɔ bin de yɛri Gɔd in wɔd di tɛm we Gɔd bin de bia, we Noa bin de bil in bot. Di pipul dɛn we bin go insay di bot nɔ bin plɛnti; na bin et pipul nɔmɔ. Gɔd bin mek di bot flot pan di wata ɛn na so i sev dɛn et pipul ya.