Pita In Fɔs Lɛta 2:24 - Krio Fɔs Oli Baybul

²⁴ Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Pita In Fɔs Lɛta 2:24 Referans Kwoze

Matyu 8:17

Ɔl dɛn tin ya we i du, na fɔ mek wetin di prɔfɛt we nem Ayzaya bin tɔk, kam bi tru. Prɔfɛt Ayzaya bin rayt se, “Nainsɛf tek ɔl wi sik dɛn ɛn mek wi fri.”

Lɛta Fɔ Rom 6:11

Semwe so, una fɔ tink se unasɛf dɔn day so dat sin nɔ go gɛt pawa fɔ rul una igen, ɛn una fɔ liv naw fɔ pliz Gɔd bikɔs una gɛt wanwɔd wit Krays Jizɔs.

Rɛvɛleshɔn 22:2

Di riva bin de rɔn midul di trit na di tɔŋ. Di tik we de gi layf bin de gro klos di riva, wan pat na wansay, di ɔda pat na di ɔda say. Na twɛlv tɛm fɔ ia da tik de, de bia; nain lif dɛn de mɛn ɔl dɛn pipul ɔlɔbɔt na wɔl.

Jɔn In Fɔs Lɛta 2:29

Una no se Krays de du wetin rayt ɔltɛm, so una fɔ no se ɛni bɔdi we de du wetin rayt na Gɔd pikin.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

Lɛta Fɔ Galeshya 3:13

Jizɔs Krays dɔn mek di Lɔ tap fɔ kɔndɛm wi lɛkɛ aw i bin de kɔndɛm wi bifo, bikɔs i gri mek dɛn kɔndɛm am fɔ day na di krɔs fɔseka wi; lɛkɛ aw dɛn rayt na Gɔd in Buk we dɛn se, “Gɔd go kɔndɛm ɛnibɔdi we dɛn ɛŋ pan tik.”

Lɛta Fɔ Rom 6:2

Dat nɔ fɔ bi so! Wɛn i kam pan sin, i tan lɛkɛ se wi na dedebɔdi, sin nɔ gɛt pawa fɔ rul wi igen so aw wi go stil de sin igen?

Ayzaya 53:11

I go si di bɛnifit fɔ di pen we in sol sɔfa, ɛn i go satisfay; na bay in sɛns di pɔsin we de waka tret na PAPA GƆD in yay, we na mi wokman, mek PAPA GƆD kɔnt bɔku pipul dɛn se, dɛn de waka tret nain yay; ɛn i go tot dɛn sin dɛm.

Lɛta Fɔ Kɔlɔse 3:3

Wɛn i kam pan dis wɔl yon biznɛs, una dɔn day, ɛn di tru layf we Gɔd dɔn gi una ayd insay Krays bikɔs una de waka klos Gɔd.

Lɛta Fɔ Rom 6:13

Una nɔ fɔ sin wit ɛni pat pan una bɔdi, bɔt una fɔ gi Gɔd ɔl pat na una layf, na so pipul we bin day bɔt we Gɔd dɔn gi nyu layf, fɔ du; una fɔ gi Gɔd ɔl una layf so dat i go mek una du dɛn tin we gud fɔ mɔtalman.

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Lɛta Fɔ Rom 7:6

Bɔt naw di Lɔ nɔ gɛt pawa fɔ rul wi igen bikɔs to di Lɔ yon pat, we na bin wi masta, wi dɔn day. Wi nɔ de fala di Lɔ we dɛn rayt igen fɔ sav Gɔd lɛkɛ aw wi bin de du fɔstɛm, bɔt naw wi de sav Gɔd lɛkɛ aw in Spirit de mek wi du.

Jɔn In Fɔs Lɛta 3:7

Mi pikin dɛn, mek nɔbɔdi nɔ mek una ful. Pɔsin we de waka tret, na pɔsin we de du di rayt tin, jɛs lɛkɛ aw Krays de du di rayt tin, i nɔ gɛt sin nain layf.

Di Sam Dɛm 147:3

I de mɛn ɔl dɛn wan dɛn we dɛn at sik ɛn lɛ dɛn no se ɔltin nɔ dɔn fɔ dɛn.

Lɛta Fɔ Rom 6:7

Pɔsin we dɔn day, dɔn kɔmɔt ɔnda sin in pawa.

Lɛta Fɔ Rom 6:16

Una no gud wan se, if una givɔp unasɛf fɔ bi slev fɔ pɔsin ɛn una du ɛnitin we di pɔsin tɛl una fɔ du, dat min se una na da pɔsin de in slev fɔ tru. Semwe so, if na sin na una masta, i go mek una day; bɔt if Gɔd na una masta, i go mek ɔltin rayt bitwin una ɛn insɛf.

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

Apɔsul Dɛn Wok 5:30

Wɛn una bin nel Jizɔs na di krɔs ɛn kil am, da Gɔd we wi grampapa papa dɛn bin de pre to, bin mek Jizɔs rayz frɔm di grev.

Lyuk 4:18

“Gɔd in Spirit de wit mi, bikɔs Gɔd dɔn pik mi fɔ mek a tɛl dɛn po pipul di Gud Nyuz. I sɛn mi fɔ mek a tɛl dɛn slev se dɛn go fri ɛn dɛn blɛnyay pipul se dɛn go si. I sɛn mi fɔ fri dɛn wan we de lɛkɛ slev,

Matyu 5:20

A de tɛl una se, una nɔ go de pan di pipul dɛn we Gɔd de rul, if una nɔ du di rayt tin we Gɔd want una fɔ du, pas aw di Ju Lɔ ticha dɛn ɛn di Faresi dɛn de du.

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

Di Ibru Pipul Dɛn 12:13

Una waka na di tret rod, so dat di wan we in fut nɔ traŋa nɔ go fɔdɔm ɛn ambɔg in fut, bɔt in fut go wɛl ɛn insɛf go ebul waka na di tret rod.

Apɔsul Dɛn Wok 13:29

Wɛn di pipul dɛn dɔn du ɔl wetin dɛn prɔfɛt bin rayt bɔt am, dɛn pul am pan di krɔs, bɛr am insay wan ston grev.

Apɔsul Dɛn Wok 10:35

Gɔd go mek ɛnibɔdi we rɛspɛkt am ɛn du wetin i want, bi in yon.

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Lɛta Fɔ Kɔlɔse 2:20

I jɛs tan lɛkɛ se wɛn Krays day, unasɛf day, so dɛn spirit we de rul di wɔl nɔ de rul una igen. So wetin mek una de du lɛkɛ di pipul dɛn na wɔl? Wetin mek una de fala dɛn lɔ ya we se, “Nɔ tɔch dis it ya,” “Nɔ tes da wande,” “Nɔ tek da wande fɔ it am?”

Lɛta Fɔ Rom 6:22

Bɔt naw Gɔd dɔn fri una, mek sin nɔ gɛt pawa fɔ rul una igen; una de lɛkɛ slev to Gɔd naw, so una dɔn gi Gɔd ɔl una layf ɛn una dɔn gɛt layf we go de sote go.

Apɔsul Dɛn Wok 10:39

Na wi si ɔl wetin Jizɔs du na Judia ɛn Jerusɛlɛm. Una no se dɛn nel Jizɔs na di krɔs fɔ mek i day.

Matyu 27:26

So Paylet fri Bara bas bikɔs na dat di pipul dɛn bin want. Wɛn i dɔn mek di soja man dɛn bit Jizɔs, i an am ova gi dɛn fɔ mek dɛn nel am pan di krɔs.

Di Sam Dɛm 38:4

Mi sin dɛn so bɔku, dɛn tu ebi fɔ mi.

Lɛvitikɔs 16:22

Di got go tot ɔl di Izrɛlayt dɛn sin go na ples we pipul nɔ de ɛn di man go lɛf am na di ples we pɔsin nɔ go ebul tap.

Ɛksodɔs 28:38

Erɔn fɔ de wɛr am ɔltɛm nain ed, dat go mek i tot di Izrɛlayt dɛn waala if dɛn mek ɛni mistek we dɛn de ɔfa oli sakrifays to mi. I fɔ wɛr dis tɔban ɔltɛm nain ed fɔ mek PAPA GƆD go aksɛpt di gift we dɛn de ɔfa to am.

Lɛta Fɔ Ɛfisɔs 5:9

If una de na di layt, una go du wetin gud, ɛn wetin rayt ɛn tɔk wetin tru.

Jɔn 19:1

Paylet tɛl di soja man dɛn fɔ kɛr Jizɔs go bit am.

Di Nɔmba Dɛm 18:22

Frɔm naw te go di Izrɛlayt dɛn nɔ fɔ go nia di Tɛnt usay wi kin mit ɔ nɔ so dɛn go pe fɔ dɛn sin ɛn dɛn go day.

Lɛvitikɔs 22:9

I se ɔl di man dɛn we de mek sakrifays fɔ pipul sin fɔ du ɔl wetin i tɛl dɛn fɔ du ɔ nɔ so dɛn go bia wetin go bi wit dɛn we dɛn put shem pan PAPA GƆD in nem: I se nain na PAPA GƆD we de mek dɛn oli.

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Mak 15:15

So fɔ mek di pipul dɛn gladi, Paylet fri Barabas. I mek di soja man dɛn bit Jizɔs, dɔn i lɛf am gi dɛn fɔ mek dɛn nel am pan di krɔs.

Prɔvabs 20:30

Na gud dɔti bit de pul bad trik pan pɔsin, ɛn wɛn yu fol blo di bad pɔsin go tek shep.

1 Kɔrint 15:3

Di wɔd we misɛf yɛri, we bɛtɛ fawe pas ɛni ɔda wɔd nain a tɛl una we a se: Krays day fɔseka wi sin dɛn, lɛkɛ aw dɛn rayt na Gɔd in Buk;

Lɛta Fɔ Kɔlɔse 2:14

Gɔd dɔn ires dɛn dɛt we wi bin gɛt fɔ pe, ɛn dɛn lɔ we bin mek wi tan lɛkɛ slev fɔseka di dɛt dɛn. Gɔd pwɛl dɛn we i nel dɛn pan Krays in krɔs.

Di Ibru Pipul Dɛn 10:5

Na dat mek lɔntɛm wɛn Krays bin de kam na wɔl, wɛn i de tɔk to Gɔd, i se, “Yu nɔ want bif sakrifays, bɔt yu gi mi bɔdi we a fɔ sakrifays to yu.

Di Ibru Pipul Dɛn 10:10

Na bikɔs Jizɔs Krays want du wetin Gɔd want am fɔ du, mek i sakrifays in bɔdi. Na wan tɛm nɔmɔ i mek da sakrifays de ɛn di sakrifays gɛt pawa ɔltɛm. Na da sakrifays de mek wi at klin. I dɔn mek wi bi Gɔd yon pipul.

Jɛnɛsis 22:6

Ebraam gi Ayzak di wud fɔ tot. Ebraam insɛf ol di nɛf ɛn ɔltin we i fɔ tek mek di faya. As dɛn tu de go,

Di Nɔmba Dɛm 7:15

wan yɔŋ man kaw, wan manship ɛn wan yɔŋ manship we ol wan ia fɔ bɔn as sakrifays;