Pita In Fɔs Lɛta 2:23 - Krio Fɔs Oli Baybul

²³ Wɛn pɔsin tɛl am wɔd we go at am, i nɔba tɛl dɛn wɔd we go at dɛn bak; wɛn pipul mek i sɔfa, i nɔba se in go mek dɛnsɛf sɔfa, bɔt i kin lɛf in kes na Gɔd an, bikɔs na Gɔd de jɔj tret wan.

Pita In Fɔs Lɛta 2:23 Referans Kwoze

Ayzaya 53:7

Dɛn bin dɛn trit am bad ɛn i bin sɔfa, pan ɔl dat I nɔ se wan wɔd; lɛ ship pikin we dɛn de kɛr go fɔ go kil, ɛn lɛk we ship kin tɔn mumu bifo di wan dɛn we de kɔt in ia nain bɔdi, na so i nɔ se wan wɔd.

Pita In Fɔs Lɛta 4:19

A tɛl una ɔl dis fɔ mek dɛn pipul we de sɔfa bikɔs dɛn no se na dat Gɔd want, lɛf dɛnsɛf na Gɔd an, ɛn du gud mɔ ɛn mɔ, bikɔs na Gɔd mek dɛn, ɛn i de du ɛnitin we i dɔn prɔmis se in go du.

Di Ibru Pipul Dɛn 12:3

Una fɔ mɛmba Jizɔs we bin bia wɛn dɛn bad pipul we nɔ bin lɛk am, mek i sɔfa, so dat una nɔ go taya fɔ biliv pan am ɛn una at nɔ go pwɛl.

Di Sam Dɛm 37:5

Lɛf yusɛf gi PAPA GƆD ɛn trɔs am; ɛn i go mɔs ɛp yu.

Apɔsul Dɛn Wok 4:29

So, Masta, yu dɔn yɛri ɔl wetin dɛn bigman na di Ju gran kot tɛl wi, bɔt wi de beg yu fɔ ɛp wi we na yu savant dɛn lɛ wi nɔ fred fɔ tɔk yu mɛsej.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

Lyuk 23:46

Jizɔs ala se, “Papa, na day a de day so, tek mi spirit!” As i tɔk dɔn so, nain i day.

Di Sam Dɛm 31:5

PAPA GƆD, a de lɛf misɛf to yu sev mi, yu na PAPA GƆD we fɔ trɔs.

Di Sam Dɛm 10:14

Bɔt yu, PAPA GƆD, de si ɛn no ɔltin; yu de si di sɔfa we pipul de sɔfa ɛn yu rɛdi fɔ fɛt dɛn kes. Na yu nɔmɔ dɛn de luk ɔp to. Yu na lɛk papa to udat nɔ gɛt nɔbɔdi.

Rɛvɛleshɔn 19:11

Wɛn dat dɔn, na de a si wan domɔt na ɛvin opin, a si wan wayt ɔs tinap de, di pɔsin we bin de rayd am bin nem “Di wan we fit fɔ trɔs ɛn di wan we de tɔk tru”. I de jɔj tret ɔltɛm, ɛn wɛn i de fɛt sɛf na wa, i tret.

Pita In Fɔs Lɛta 3:9

If pɔsin du una bad, una nɔ fɔ tɔn am gi am bak; if pɔsin kɔs una, una nɔ fɔ kɔs am bak, una fɔ aks Gɔd fɔ blɛs am. Gɔd kɔl una fɔ mek una blɛs ɔda pipul; if una du dat, Gɔd go blɛs unasɛf lɛkɛ aw i bin prɔmis fɔ du wɛn i kɔl una.

Sɛkɛn Lɛta Fɔ Tɛsalonayka 1:5

Ɔl wetin una de sɔfa sho se Gɔd go jɔj ɔlman lɛkɛ aw i fɔ jɔj dɛn, ɛn bikɔs una de sɔfa, Gɔd go mek una fit fɔ mek i rul una.

Lɛta Fɔ Ɛfisɔs 6:9

Una we na masta, na so unasɛf fɔ de du to dɛn pipul we de wok to una. Una nɔ fɔ tɛl dɛn ɛnitin we go mek dɛn at ɛŋ. Una fɔ no se una Masta we de na ɛvin na di Masta fɔ ɔlman ɛn i nɔ fil se wan pɔsin bɛtɛ pas in kɔmpin.

Lɛta Fɔ Rom 2:5

Bɔt una traŋayes ɛn una at traŋa, na dat mek Gɔd go pɔnish una mɔ di de we i go sho aw i vɛks pan mɔtalman ɛn we i go jɔj dɛn lɛkɛ aw i fɔ jɔj dɛn.

Apɔsul Dɛn Wok 17:31

Gɔd dɔn put tɛm we i go jɔj ɔlman ɛn nɔbɔdi nɔ go kɔmplen se Gɔd nɔ jɔj am tret. Gɔd dɔn pik di wan we go jɔj ɔlman. Gɔd dɔn mek wi shɔ bɔt dis tin, we i mek di wan we i pik, rayz frɔm di grev, fɔ mek nɔbɔdi nɔ go dawt.”

Apɔsul Dɛn Wok 9:1

Da sem tɛm de, Sɔl bin stil de mek Jizɔs in apɔsul dɛn sɔfa, ɛn i bin want kil dɛn. I go to di bigman we de mek sakrifays fɔ pipul sin

Lyuk 23:9

Ɛrɔd aks Jizɔs plɛnti kwɛshɔn, bɔt Jizɔs nɔ ansa am.

Di Sam Dɛm 96:13

Dɛn ɔl di pipul go gladi bikɔs PAPA GƆD de kam fɔ jɔj di wɔl. We i de jɔj di wɔl, i go jɔj tret wan dɔn ɔl wetin na tru go kɔmɔt na do.

Di Sam Dɛm 7:11

PAPA GƆD we de du tin tret wan. Na PAPA GƆD we nɔ de tɔlaret bad atɔl.

Jɛnɛsis 18:25

A no se yu nɔ go du dat. Yu nɔ tan so! Yu nɔ go mek udat du rɔŋ ɛn udat du rayt gɛt di sem pɔnishmɛnt. Yu we na jɔj fɔ di wanol wɔl go jɔj tret wan.”

Apɔsul Dɛn Wok 7:59

Wɛn dɛn bin de ston am, Stivin pre se, “Masta Jizɔs, tek mi layf!”

Lyuk 23:41

Dɛn kɔndɛm mi ɛn yu na ya fɔ wetin wi du ɛn wi de gɛt wi pe fɔ ɔl dɛn bad tin we wi du, bɔt dis man ya nɔ du ɛni bad tin.”