Pita In Fɔs Lɛta 2:2 - Krio Fɔs Oli Baybul

² Una fɔ tan lɛkɛ bebi we jɛs bɔn, we want milk ɔltɛm; na so unasɛf fɔ want fɔ yɛri Gɔd in wɔd, ɔltɛm; i go mek una gro if una drink am ɔltɛm, dat min se una go no mɔ ɛn mɔ bɔt Gɔd ɛn una go gɛt layf ya we go de sote go na ɛvin.

Pita In Fɔs Lɛta 2:2 Referans Kwoze

Lɛta Fɔ Ɛfisɔs 4:15

If wi lɛk pipul ɛn wi de tek tɛm fɔ tɛl dɛn wetin tru, ɔl wetin wi de du go bi wetin Krays want. Krays na wi edman.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.

Mak 10:15

A de tɛl una fɔ tru se, ɛnibɔdi we nɔ gri fɔ mek Gɔd rul am lɛkɛ lili pikin, da pɔsin de nɔ go kam ɔnda Gɔd in rul.”

1 Kɔrint 14:20

Mi kɔmpin Kristiɛn dɛn, una nɔ fɔ de tink lɛkɛ pikin, una fɔ tan lɛkɛ pikin wɛn i kam pan bad, bɔt una fɔ tink lɛkɛ bigman.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Job 17:9

Di wan dɛn we de waka tret wit PAPA GƆD, stil de du dat, ɛn di wan dɛn we nɔ de du bad, de gud mɔ ɛvride.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Matyu 18:3

dɛn Jizɔs se, “A de tɛl una se, pas una chenj una we ɛn tan lɛkɛ lili pikin, Gɔd nɔ go rul una.

Lɛta Fɔ Ɛfisɔs 2:21

Krays na di pɔsin we ol ɔl di os togɛda, ɛn i de tɔn di os smɔl smɔl to Gɔd we na di Masta, in yon.

Lɛta Fɔ Rom 6:4

So wɛn wi baptayz, wi day wit Jizɔs ɛn dɛn bɛr wi wit am, so dat jɛs lɛkɛ aw wi Papa yus in wɔndaful pawa mek Jizɔs Krays rayz frɔm di grev, semwe so i go yus in pawa fɔ mek wi liv di nyu kayn layf.

Ozie 6:3

Lɛ wi du ɔl wetin wi ebul du fɔ mek wi no PAPA GƆD; natin nɔ gɛt fɔ tap am fɔ du wetin i wan du. I go kam lɛk ren lɛk we ren de kam kam amatan tɛm.

Pita In Fɔs Lɛta 1:23

Gɔd in wɔd we de gi layf ɛn we de sote go dɔn mek una gɛt nyu layf; i tan lɛkɛ se, una dɔn bɔn bak, ɛn di wan we mek una bɔn bak go de sote go; i nɔ tan lɛkɛ di wan we bɔn una di fɔs tɛm, we mɔs day.

2 Samiɛl 23:5

Na tru se PAPA GƆD dɔn blɛs mi ɛn mi pipul. Nain bin dɔn mek Kɔvinant we go kip sote go wit mi ɛn i de kip in wɔd sote go. Na dat nɔmɔ a want as i go mɔs du wetin i se.

Ozie 14:7

I se di pipul go go bak to am dɛn in go mek dɛn frɛsh lɛk gadin; dɛn go bɔn bɔku pikin, ɛn go de pul fayn sɛnt lɛk di wayn na Libanɔn.

Ozie 14:5

I se in go tan lɛk dyu to di pipul we go mek dɛn de frɛsh ɛn prɛd lɛk ren sizin bɔlɔgi. Dɛn rut go tan lɛk kɔtintri.

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

Matyu 19:14

Jizɔs se, “Una lɛf di pikin dɛn fɔ kam to mi; una nɔ tap dɛn, na pipul lɛkɛ dɛn pikin ya go kam ɔnda Gɔd in rul.”

Lyuk 18:17

Fɔ tru, a de tɛl una se, ɛnibɔdi we nɔ gri fɔ mek Gɔd rul am lɛkɛ lili pikin, nɔ go kam ɔnda Gɔd in rul.”