Pita In Fɔs Lɛta 2:17 - Krio Fɔs Oli Baybul

¹⁷ Una fɔ rɛspɛkt ɔlman, lɛk una kɔmpin Kristiɛn dɛn, fred Gɔd, ɛn rɛspɛkt di man we de rul oba ɔl dɛn ɔda rula dɛn.

Pita In Fɔs Lɛta 2:17 Referans Kwoze

Prɔvabs 24:21

Mi pikin, ɔna ɛn rɛspɛkt PAPA GƆD ɛn di kiŋ, nɔ fala nɔbɔdi fɔ biev lɛkɛ rebɛl pan dɛn,

Lɛta Fɔ Rom 12:10

Una fɔ lɛk una kɔmpin gud, lɛkɛ aw Kristiɛn brɔda dɛn fɔ lɛk dɛnsɛf; una fɔ want fɔ rɛspɛkt una kɔmpin.

Lɛta Fɔ Rom 13:7

Una fɔ pe dɛn ɔl wetin una gɛt fɔ pe dɛn; una fɔ pe ɛni taks we di gɔvmɛnt se una fɔ pe, ɛn una fɔ rɛspɛkt ɔl una rula dɛn.

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

Di Ibru Pipul Dɛn 13:1

Una we na brɔda bikɔs una ɔl na Krays in pikin dɛn, una fɔ lɛk una kɔmpin dɛn ɔltɛm.

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Ɛksodɔs 20:12

“Una fɔ rɛspɛkt una papa ɛn una mama fɔ lɛ una go gɛt lɔŋ layf na di land we PAPA GƆD we una PAPA GƆD go gi una.

Fɔs Lɛta To Timoti 6:1

Ɔl dɛn Kristiɛn pipul we na slev fɔ luk se dɛn masta dɛn na pipul we dɛn fɔ rɛspɛkt, so dat nɔbɔdi nɔ go tɔk bad bɔt Gɔd in nem ɔ tɔk bad bɔt dɛn tin we wi de lan dɛn.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Lɛvitikɔs 19:32

I se fɔ sho se pɔsin de rɛspɛkt old pipul ɛn fred PAPA GƆD so fɔ du wetin i se: nain na PAPA GƆD.

Matyu 22:21

Dɛn se, “Na di kiŋ na Rom in yon.” Nain Jizɔs se, “Una gi di kiŋ na Rom wetin blant am, ɛn gi Gɔd wetin blant Gɔd.”

Ɛkliziastis 8:2

Du wetin di kiŋ se bikɔs na dat yu bin dɔn prɔmis PAPA GƆD.

Lɛta Fɔ Ɛfisɔs 5:21

Una fɔ put unasɛf ɔnda una kɔmpin bikɔs una rɛspɛkt Krays.

Prɔvabs 23:17

Nɔ jɛlɔs nɔn bad mɔtalman, liv yu layf fɔ de ɔna ɛn rɛspɛkt PAPA GƆD.

Prɔvabs 1:7

If yu want fɔ gɛt sɛns na layf, di fɔs tin we yu fɔ du na fɔ biliv PAPA GƆD ɛn fred am; fulman nɔ de tek advays ɛn kɔrɛkshɔn.

Di Sam Dɛm 111:10

Wɛn yu gɛt fred fɔ PAPA GƆD, yu jɛs de bigin fɔ gɛt di sɛns we i de gi fɔ du wetin rayt; ɔl udat de fala PAPA GƆD go de du wetin rayt. Na PAPA GƆD gɛt prez ɔltɛm.

1 Kronikuls 29:20

Nain Devid tɛl dɛn ɔl we gɛda de se, “Blɛs PAPA GƆD we na una Gɔd.” Nain dɛn ɔl we gɛda de blɛs PAPA GƆD we na dɛn papa dɛn Gɔd, ɛn butu dɛn ed na grɔn ɛn wɔship PAPA GƆD, ɛn baw to di kiŋ.

Jɔn 13:35

If una lɛk una kɔmpin, ɔlman go no se una na mi lanin bɔy dɛn.”

1 Samiɛl 15:30

Sɔl ansa se i no se i dɔn sin bɔt beg Samiɛl lɛ i go bak wit am fɔ wɔship PAPA GƆD ɔ nɔ so i go shem pan di bigman dɛn we de na Izrɛl.

Jɛnɛsis 42:18

Di de we mek tri, nain Josɛf tɛl dɛn se in na man we de fred PAPA GƆD, if dɛn du wetin in tɛl dɛn, dɛn nɔ go day.

Jɛnɛsis 22:12

Nain di enjɛl se, “Nɔ du natin to da po pikin, nɔ tɔch am! A dɔn no naw se, yu de fred PAPA GƆD, bikɔs yu gri fɔ sakrifays yu wangren bɔypikin to am. Dat dɔn sho se yu rɛdi fɔ obe PAPA GƆD pan ɔltin.”

Jɛnɛsis 20:11

Ebraam ansa se, “A bin fil se nɔbɔdi nɔ de ya we de fred PAPA GƆD, ɛn sɔntɛm dɛn bin fɔ kil mi ɛn tek mi wɛf na mi an.

Zɛkaraya 11:14

Dɔn i brok di sɛkɛn wɔkinstik we nem Wanwɔd. Dat sho se i dɔn pwɛl di brɔda biznɛs we bin de bitwin Juda ɛn Izrɛl.

Pita In Fɔs Lɛta 2:13

Fɔ di Masta in sek, una fɔ put unasɛf ɔnda ɛnibɔdi we de oba una na dis wɔl ɛn du ɔl wetin dɛn want una fɔ du, dat na di pɔsin we de oba ɔl dɛn ɔda rula,