Pita In Fɔs Lɛta 2:16 - Krio Fɔs Oli Baybul

¹⁶ Una fɔ de lɛkɛ pipul we fri, bɔt nɔto dat mek una fri fɔ de du ɛni bad tin. Una fɔ de du lɛkɛ pipul we de wok fɔ Gɔd.

Pita In Fɔs Lɛta 2:16 Referans Kwoze

Lɛta Fɔ Galeshya 5:13

Mi kɔmpin Kristiɛn dɛn, Krays dɔn kɔl una fɔ mek una fri. Una tek tɛm mek una nɔ bigin du wetin una at tɛl una fɔ du, bikɔs una dɔn fri naw. Bifo dat, una fɔ de ɛp una kɔmpin bikɔs una lɛk dɛn.

Lɛta Fɔ Rom 6:22

Bɔt naw Gɔd dɔn fri una, mek sin nɔ gɛt pawa fɔ rul una igen; una de lɛkɛ slev to Gɔd naw, so una dɔn gi Gɔd ɔl una layf ɛn una dɔn gɛt layf we go de sote go.

1 Kɔrint 7:22

Ɛnibɔdi we na bin slev wɛn di Masta kɔl am fɔ du in wok, di Masta dɔn fri am; semwe so, ɛnibɔdi we Krays dɔn kɔl fɔ du in wok, we i dɔn fri, dɔn bi Krays in slev.

Lɛta Fɔ Rom 6:18

Gɔd dɔn pul una kɔmɔt ɔnda sin in pawa, so naw una dɔn bi slev fɔ Gɔd fɔ du wetin rayt.

Lɛta Fɔ Galeshya 5:1

Wi fri bikɔs Krays dɔn mek wi fri; so lɛ wi tray fɔ sho se wi na pipul we fri we Krays dɔn sev. Una nɔ put unasɛf pan slev layf igen.

Jems 1:25

Gɔd in wɔd na di rayt tin fɔ mɔtalman ɛn i de mek mɔtalman fri; ɛnibɔdi we put ɔl in at pan am, we nɔ jɛs lisin am nɔmɔ ɛn fɔgɛt, bɔt i de du wetin i se, Gɔd go blɛs ɔl wetin da pɔsin de put in an pan.

Jems 2:12

Una tek tɛm wetin una de tɔk ɛn wetin una de du, bikɔs wande Gɔd go tek di lɔ, dat nain wɔd, we de fri ɔlman, jɔj wi.

Lɛta Fɔ Ɛfisɔs 6:6

Nɔto wɛn una masta de luk una nɔmɔ una fɔ du una wok gud, so dat dɛn go prez una; bɔt una fɔ de du una wok lɛkɛ se na Krays una de du am fɔ, ɛn una fɔ du wetin Gɔd want wit ɔl una at.

Pita In Sɛkɛn Lɛta 2:19

Dɛn de tɛl di pipul dɛn we dɛn de drɔ fɔ fala dɛn, se dɛn go fri, bɔt dɛnsɛf nɔ fri yet, dɛnsɛf na lɛkɛ slev to dɛn bad tin we de pwɛl layf; bikɔs if pɔsin nɔ ebul lɛf fɔ du sɔntin, da pɔsin de dɔn bi slev to da tin de.

Lɛta Fɔ Kɔlɔse 3:24

Una fɔ mɛmba se di Masta go gi una di gud tin we i dɔn prɔmis in pipul dɛn. Krays na di tru Masta we una de wok fɔ.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Jud In Lɛta 1:4

A de tɛl una dat bikɔs sɔm pipul we nɔ gɛt Gɔd na dɛn at dɔn kam miks wit una sikrit wan; dɛn se bikɔs Gɔd gud, dɛn kin du ɛni kayn tin, ɛn Gɔd nɔ go kɔndɛm dɛn; dɛn tɔn dɛn bak pan wi wangren Masta Jizɔs Krays. Na lɔn, lɔntɛm, Gɔd in Buk bin dɔn tɔk se Gɔd go kɔndɛm dɛn pipul ya.

Fɔs Lɛta Fɔ Tɛsalonayka 2:5

Unasɛf no se wɛn wi bin de tɔk to una, wi nɔ bin de tɛl una dɛn tin we go mek una ed big, wi nɔ bin de abop na wi at se una go gi wi sɔntin, ɛn Gɔd no wetin de na wi at.

Jɔn 15:22

Dɛn nɔ bin fɔ no se Gɔd go mak dɛn fɔ dɛn sin, if a nɔ bin kam tɔk to dɛn, bɔt naw we a dɔn kam, dɛn nɔ go se dɛn nɔ bin no se dɛn sin.