Pita In Fɔs Lɛta 2:11 - Krio Fɔs Oli Baybul

¹¹ Mi padi dɛn, una we de lɛkɛ trenja na dis wɔl ɛn lɛkɛ pipul we nɔ kam fɔ tap lɔŋ na ya, a de beg una mek una nɔ jɛs de fala una at fɔ satisfay una bɔdi bikɔs wetin una bɔdi want nɔto dat una spirit want.

Pita In Fɔs Lɛta 2:11 Referans Kwoze

Lɛta Fɔ Galeshya 5:24

Ɛn dɛn pipul we na Krays Jizɔs yon nɔ de du dɛn bad tin we dɛn at gi dɛn fɔ du. Ɔlman gɛt dɛn kayn bad tin dɛn ya na dɛn at ɛn dɛn lɛk fɔ du dɛn.

Pita In Fɔs Lɛta 4:2

So, frɔm naw sote una day, nɔto una at una fɔ de fala, bɔt na wetin Gɔd want una fɔ du.

Di Ibru Pipul Dɛn 11:13

Ɔl dɛn lɔntɛm pipul ya, we a tɔk bɔt so, bin biliv Gɔd sote dɛn day. Dɛn nɔ bin gɛt ɔl dɛn tin we Gɔd prɔmis dɛn bifo dɛn day, bɔt dɛn bin dɔn si wetin Gɔd go gi dɛn, fawe, ɛn dɛn bin gladi fɔ wetin dɛn si. Dɛn bin no se dɛn na trenja na dis wɔl.

Lɛta Fɔ Rom 8:13

Bikɔs if una jɛs de du wetin una at tɛl una nɔmɔ, una go day, bɔt if una mek Gɔd in Spirit ɛp una fɔ kil dɛn tin we de mek una sin, una go gɛt di tru layf.

1 Kronikuls 29:15

Bikɔs win na trenja dɛn to yu; pipul dɛn we kam tap jɛs lɛk wi fɔstɛm-papa dɛn; wi tɛm na dis wɔl na lɛk shado ɛn nɔbɔdi nɔ go tap ya sote go.

Jems 4:1

Wetin mek una de fɛt ɛn mek plaba ɔltɛm? Dɛn tin we de insay una at we de fɛt fɔ mek una nɔ de wit Gɔd, na dɛn de mek una fɛt ɛn mek plaba ɔltɛm.

Sɛkɛn Lɛta To Timoti 2:22

Nɔ du dɛn tin we dɛn yɔŋ pipul dɛn at kin gi dɛn fɔ du we dɛn nɔba ebul kɔntrol; tray fɔ de du wetin rayt na Gɔd yay, tray fɔ abop pan Gɔd, fɔ lɛk ɔlman ɛn fɔ mek kol at de; yu fɔ tray fɔ de du ɔl dɛn tin ya wit ɔl dɛn pipul we gɛt klin at ɛn we de pre mek di Masta ɛp dɛn.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

Lɛta Fɔ Ɛfisɔs 4:1

Mi, Pɔl, we dɛn jel bikɔs a de wok fɔ di Masta, de beg una fɔ mek una liv ɛn du wetin Gɔd tɛl una fɔ du.

Lɛta Fɔ Rom 7:23

Bɔt di lɔ we mi bɔdi de fala difrɛn frɔm di lɔ we mi at tɛl mi se na di rayt wan. Na dat mek a tan lɛkɛ jelman to di lɔ we mi bɔdi de fala, we de mek a sin.

Apɔsul Dɛn Wok 15:29

una nɔ fɔ it ɛni bif we dɛn dɔn sakrifays to dɛn yon gɔd, una nɔ fɔ it bif we gɛt blɔd pan am, una nɔ fɔ it blɔd, ɛn una nɔ fɔ liv fri layf. I go gud if una nɔ du dɛn tin ya we wi dɔn rayt to una. Una mekes, o!”

Lyuk 21:34

“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.

Di Sam Dɛm 119:19

Mi layf na dis wɔl shɔt ɛp mi fɔ ɔndastand wetin yu want mi fɔ no.

Di Sam Dɛm 39:12

“PAPA GƆD, yɛri mi prea, nɔ mek dɛfyes we a de kray to yu fɔ ɛp mi. Mi na yu trenja lɛkɛ aw mi fɔstɛm pipul bin bi trenja.

Lɛvitikɔs 25:23

Nɔ fɔ sɛl pan di land lɛkɛ se dɛn nɔ gɛt fɔ gɛt am bak, bikɔs na PAPA GƆD gɛt di land bay rayt; dɛn na trenja ɛn tɛnant dɛn nɔmɔ.

Pita In Fɔs Lɛta 1:17

Wɛn una de pre ɛn una se, “Papa,” una de kɔl Gɔd, we de jɔj ɔlman di sem we, bay di wok we ɔlman de du, so ɔl di tɛm we lɛf fɔ una na dis wɔl, una fɔ ɔna am, pan ɔl wetin una de du.

2 Kɔrint 6:1

So, wi we de wok wit Gɔd de beg una mek una nɔ mek di gud we Gɔd gud to una go fɔ natin.

2 Kɔrint 5:20

So na di mɛsej dis we Krays gi wi fɔ una, lɛkɛ se Gɔd insɛf de tɔk to una; na fɔseka Krays, wi de beg una: una alaw Gɔd mek i mek una tap fɔ bi pipul we nɔ lɛk am, ɛn bi in padi dɛn.

Apɔsul Dɛn Wok 15:20

Bɔt una lɛ wi rayt tɛl dɛn se dɛn nɔ fɔ it ɛnitin we pipul dɔn sakrifays to dɛn gɔd, dɛn nɔ fɔ liv fri layf, dɛn nɔ fɔ it bif we gɛt blɔd pan am, ɛn dɛn nɔ fɔ it blɔd.

Jɛnɛsis 47:9

in dɔn de fɔ wan ɔndrɛd ɛn tati ia ɛn di tin dɛn we in yay dɔn si, i nɔ smɔl. Ɛn i nɔ rich in pipul dɛn ej yet.

Pita In Fɔs Lɛta 1:1

Mi Pita, we na Krays in apɔsul, de rayt to una we Gɔd dɔn pik, we skata ɔlɔbɔt na Pɔnchɔs, Galeshya, Kapadoshia, Eshya ɛn Bitinya, we de lɛkɛ trenja na ɔl dɛn kɔntri ya.

Di Sam Dɛm 119:54

Na wetin yu lɔ se a de tek mek siŋ dis shɔt tɛm we a de ya.

Jɛnɛsis 23:4

I beg dɛn fɔ sɛl ples gi am fɔ bɛr in wɛf as in na fɔrina.

Lɛta Fɔ Ɛfisɔs 2:19

Wi ɔl na wan pipul bifo Gɔd ɛn wi gɛt di sem rayt lɛkɛ di wan we ɔl Gɔd in pipul dɛn gɛt, una na Gɔd in pikin dɛn.

Di Ibru Pipul Dɛn 6:9

Mi padi dɛn we a lɛk, bɔt pan ɔl we wi tɔk lɛkɛ aw wi tɔk so sɛf, wi shɔ se una go du bɛtɛ, pas fɔstɛm, so dat Gɔd go sev una.

Pita In Fɔs Lɛta 4:12

Mi padi dɛn we a lɛk, una nɔ fɔ wɔnda we big big waala de mit una lɛkɛ na tin dat we nɔba bi,

Pita In Sɛkɛn Lɛta 3:1

Mi padi dɛn we a lɛk, dis na di sɛkɛn tɛm we a de rayt una. Dɛn tu lɛta ya we a dɔn rayt una na fɔ mɛmba una bɔt dɛn tin we a bin dɔn tɛl una, so dat una go ebul tink bɔt dɛn tin we dɛn rayt.

Jɛnɛsis 21:34

Ebraam bin tap na Filistia fɔ lɔŋ.

Lɛvitikɔs 15:18

We di man lidɔm wit uman dɔn, in ɛn di uman fɔ go was ɛn dɛn nɔ go klin na PAPA GƆD yay te ivintɛm.