Pita In Fɔs Lɛta 2:1 - Krio Fɔs Oli Baybul

¹ So una fɔ lɛf ɔl dɛn bad tin we de na una layf: una fɔ lɛf fɔ lay, una fɔ lɛf fɔ mek ipokrit, una fɔ lɛf fɔ jɛlɔs una kɔmpin ɛn una fɔ lɛf fɔ tɔk bad bɔt dɛn.

Pita In Fɔs Lɛta 2:1 Referans Kwoze

Lɛta Fɔ Ɛfisɔs 4:31

Una nɔ fɔ gɛt bad at fɔ una kɔmpin, una nɔ fɔ gɛt wam at, una nɔ fɔ ala pan ɛnibɔdi, ɛn una nɔ fɔ kɔs. Una nɔ fɔ et ɛnibɔdi ɛn una nɔ fɔ tɔk bad bɔt una kɔmpin.

Jems 1:21

Na dat mek a de tɛl una se, mek una pul ɔltin we bad kɔmɔt na una layf. Una put unasɛf ɔnda Gɔd ɛn mek di wɔd we i dɔn put na una at sidɔm, bikɔs in wɔd gɛt pawa fɔ sev una.

Jems 4:11

Mi Kristiɛn pipul dɛn, una lɛf fɔ tɔk bad bɔt una kɔmpin mɔtalman. Ɛnibɔdi we tɔk bad bɔt in kɔmpin ɔ jɔj am, da pɔsin de de tɔk bad bɔt Gɔd in Lɔ, ɛn i de jɔj Gɔd in Lɔ. If una jɔj Gɔd in Lɔ, dat min se una nɔ de fala Gɔd in Lɔ.

Pita In Fɔs Lɛta 3:10

Dɛn rayt na Gɔd in Buk se, “Ɛnibɔdi we want mek in layf swit ɛn mek bɛtɛ fala am bambay fɔ lɛf fɔ de tɔk bad bɔt in kɔmpin ɛn i nɔ fɔ de lay.

Pita In Fɔs Lɛta 4:4

Dɛn pipul we nɔ no Gɔd, we una ɔl bin kia fri, de wɔnda naw bikɔs una nɔ de jɔyn dɛn igen fɔ liv bad layf; so dɛn de tɛl una tin we fɔ mek una fil bad.

Pita In Fɔs Lɛta 4:2

So, frɔm naw sote una day, nɔto una at una fɔ de fala, bɔt na wetin Gɔd want una fɔ du.

Jems 5:9

Mi kɔmpin Kristiɛn dɛn, una nɔ fɔ kɔmplen bɔt una kɔmpin, so dat wɛn Gɔd jɔj una, i nɔ go kɔndɛm una. Di Jɔj we go jɔj wi dɔn kam klos, i tinap na domɔt.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Fɔs Lɛta To Timoti 3:11

Dɛn wɛf sɛf fɔ siriɔs, dɛn nɔ fɔ de koŋosa; dɛn fɔ soba, dɛn fɔ ebul kɔntrol dɛnsɛf, ɛn dɛn fɔ de waka tret ɔltɛm.

Di Sam Dɛm 34:13

I fɔ lɛf fɔ tɔk bad tɔk ɛn lɛf lay ɛn koŋosa.

Pita In Fɔs Lɛta 2:22

Wande Krays nɔ sin, ɛn i nɔ lay.

Taytɔs 2:3

Semwe so, tɛl di big uman dɛn se dɛn fɔ de du lɛkɛ aw dɛn uman we de waka wit Gɔd fɔ du. Dɛn nɔ fɔ tɔk bad bɔt pipul, dɛn nɔ fɔ drink sote dɛn nɔ ebul lɛf wayn igen. Dɛn fɔ de lan pipul dɛn tin we gud fɔ dɛn,

Di Sam Dɛm 32:2

I fayn fɔ da pɔsin we nɔ miks pan bɛnbɛn PAPA GƆD nɔ de kip natin nain at fɔ am.

1 Kɔrint 14:20

Mi kɔmpin Kristiɛn dɛn, una nɔ fɔ de tink lɛkɛ pikin, una fɔ tan lɛkɛ pikin wɛn i kam pan bad, bɔt una fɔ tink lɛkɛ bigman.

Lɛta Fɔ Rom 1:29

Dɛn at ful wit ɔl kayn bad tin: dɛn want wetin ɔda pipul gɛt, dɛn de du dɛn kɔmpin mɔtalman bad bad, dɛn de jɛlɔs dɛn kɔmpin mɔtalman, dɛn de kil dɛn kɔmpin mɔtalman, dɛn de fɛt dɛn kɔmpin mɔtalman, dɛn de mek dɛn kɔmpin mɔtalman ful, ɛn dɛn de mɛmba bad bad tin fɔ dɛn kɔmpin mɔtalman. Dɛn de koŋosa dɛn kɔmpin mɔtalman,

Lyuk 6:42

Aw yu go tɛl yu kɔmpin se, ‘Padi, kam mek a pul da smɔl tik de na yu yay’ we yusɛf nɔ de si di big tik na yu yon yay? Yu ipokrit! Go pul di big tik we de na yu yon yay fɔs, so dat yu go ebul si klia wan fɔ pul di smɔl tik we de na yu kɔmpin in yay.

Matyu 23:28

Na so una tan, wɛn ɛnibɔdi si una, i tan lɛkɛ se una de du wetin Gɔd in lɔ tɛl una fɔ du, bɔt una at ful wit ipokrit ɛn sin.

Matyu 7:5

Yu ipokrit! Yu pul da big tik we de insay yu yon yay fɔs, da tɛm de yu go si klia wan fɔ pul di smɔl tik we de insay yu brɔda in yay.

Di Sam Dɛm 37:1

Nɔ mek wetin bad pipul de du wɔri yu ɛn nɔ jɛlɔs dɛn ɔ pre fɔ tan lɛkɛ dɛn!

2 Kɔrint 12:20

A de fred se wɛn a rich de a go si se una difrɛn frɔm aw a go lɛk fɔ mek una tan ɛn unasɛf go si se misɛf difrɛn frɔm aw una want mi fɔ tan. A de fred se a go kam mit plaba, wam at, kɔs, kɔnfyushɔn, pipul we de jɛlɔs dɛn kɔmpin, dɛn wan we de koŋosa dɛn kɔmpin, dɛn wan we want ɔltin fɔ dɛnsɛf, ɛn pipul we prawd.

Prɔvabs 24:1

Nɔ jɛlɔs bad mɔtalman, ɛn nɔ jɔyn kɔmpin wit am.

Prɔvabs 3:31

Nɔ jɛlɔs ɛni bad pɔsin ɛn nɔ falamakata ɛni wan pan wetin i de du.

Rɛvɛleshɔn 14:5

Wande nɔbɔdi nɔ yɛri dɛn lay; dɛn nɔba du ɛnitin we go mek pipul blem dɛn.

Pita In Fɔs Lɛta 2:16

Una fɔ de lɛkɛ pipul we fri, bɔt nɔto dat mek una fri fɔ de du ɛni bad tin. Una fɔ de du lɛkɛ pipul we de wok fɔ Gɔd.

Jems 4:5

Una min se na fɔ natin Gɔd in Buk se, “Gɔd in Spirit we i put insay wi, want wi fɔ insɛf nɔmɔ?”

Jems 3:14

If una de jɛlɔs ɔda pipul ɛn una gɛt bad at fɔ dɛn ɛn una jɛs de mɛmba unasɛf nɔmɔ, una nɔ fɔ bost se una gud ɛn una gɛt sɛns, bikɔs if una du so, una nɔ de tɔk tru.

Fɔs Lɛta Fɔ Tɛsalonayka 2:3

Di Gud Nyuz we wi tɛl una nɔto bay mistek, ɛn nɔto bad wi mɛmba wɛn wi tɛl una, wi nɔ bin jɛs want mek una ful nɔmɔ.

1 Kɔrint 5:8

So lɛ wi ɔl gladi fɔ dis Pasova ya. Wɛn wi de gladi, wi nɔ fɔ it bred we gɛt bad yist, da yist de na sin ɛn bad layf, wi fɔ it bred we nɔ gɛt yist, da bred de na klin ɛn tret layf.

Jɔn 1:47

Wɛn Jizɔs si Natanyɛl de kam, i se, “Luk man we kɔmɔt Izrɛl fɔ tru, i nɔ gɛt nɔ bɛnbɛn, i nɔ de mek pɔsin ful.”

Lyuk 11:44

I go bad fɔ una dɛn Faresi! Una tan lɛkɛ grev we pipul nɔ de si so dɛn de waka pan am ɛn dɛn nɔ no sɛf se na grev dɛn de mas.”

Ayzaya 30:22

Datɛnde, una go dɔti una laylay gɔd dɛm we kɔba wit silva ɛn di wan dɛn we kɔba wit gold, na mi yay. Una go skata dɛm lɛk tin dɛm we nɔ klin na mi yay; una go tɛl dɛn se, “kɔmɔt bifo mi!”

Prɔvabs 24:19

Nɔ wɔri yusɛf bikɔs ɔf bad mɔtalman; nɔ jɛlɔs dɛn,

Prɔvabs 14:30

Udat gɛt kolat de gɛt wɛl bɔdi, bɔt jɛlɔs krab nɔba fat.

Job 36:13

“Na pɔsin we nɔ no PAPA GƆD lɛk fɔ de vɛks ɔltɛm; i lɛk i pɔnish dɛn, dɛn nɔ de ripɛnt.

Lyuk 12:1

Di pipul dɛn we bin gɛda bin plɛnti te nɔbɔdi nɔ ebul kɔnt dɛn, dɛn bin so plɛnti dat dɛn bin de mas mas dɛn kɔmpin, ples nɔ bin de fɔ put fut. Jizɔs tɔk to in lanin bɔy dɛn, i se, “Una tek tɛm mek unasɛf nɔ go ipokrit lɛkɛ dɛn Faresi; di ipokrit we dɛn ipokrit tan lɛkɛ aw yist kin prɛd insay flawa.

Mak 12:15

Jizɔs no wantɛm se dɛn na ipokrit pipul, ɛn dɛn bin de sɛt trap fɔ kech am, so i se, “Wetin du una de tray fɔ tek wetin a tɔk kech mi? Una briŋ wan Roman kɔpɔ kam mek wi luk am.”

Matyu 24:51

Di masta go pɔnish am bad wan, ɛn i go put am na di ples we dɛn ipokrit pipul de kray bita wan ɛn bɛt dɛn tɔŋ; insɛf go kray bita wan ɛn bɛt in tɔŋ.

Matyu 15:7

Una na ipokrit! Na tru da prɔfɛt we nem Ayzaya bin tɔk bɔt una we i se,

Ayzaya 2:20

Da tɛm de, pipul dɛn go trowe dɛn silva laylay gɔd ɛn gold laylay gɔd we dɛn mek fɔ dɛnsɛf fɔ wɔship, to dɛn grɔmpig ɛn dɛn bat,

Di Sam Dɛm 73:3

we a si aw bɛtɛ de fala bad pipul dɔn a bigin jɛlɔs dɛn wan we de kak.