Pita In Fɔs Lɛta 1:8 - Krio Fɔs Oli Baybul

⁸ Pan ɔl we una nɔ si Jizɔs yet, una lɛk am. Pan ɔl we una nɔ de si am naw, una biliv pan am; so una gladi bad ɛn una nɔ ebul tɔk sɛf bɔt di gladi we una gladi, bikɔs

Pita In Fɔs Lɛta 1:8 Referans Kwoze

Jɔn 20:29

Jizɔs aks am se, “Yu dɔn biliv pan mi bikɔs yu dɔn si mi? Gɔd go blɛs dɛn wan we biliv pan ɔl we dɛn nɔ si mi.”

2 Kɔrint 5:7

Na so i bi, bikɔs wi liv bay wetin wi biliv, wi nɔ liv bay wetin wi de si.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Di Ibru Pipul Dɛn 11:1

Wetin dɛn min we dɛn se pɔsin biliv? If pɔsin biliv, dat min se di pɔsin no se in go gɛt di tin we i put in at pan, ɛn i no se, dɛn tin we wi nɔ de si, de, fɔ tru.

Jɔn 16:22

Semwe so, una sɔri naw, bɔt tɛm de kam we a go si una bak, ɛn dat go mek una gladi bad bad ɛn nɔbɔdi kin pwɛl da gladi de.

2 Kɔrint 4:18

Dat bi bikɔs wi dɔn put wi at pan dɛn tin we wi nɔ de si, wi nɔ put am pan dɛn tin we wi de si. Dɛn tin we wi de si nɔ de las, bɔt dɛn tin we wi nɔ de si go de sote go.

Pita In Fɔs Lɛta 1:6

Dis fɔ mek una gladi pan ɔl we ɔl kayn waala de mek una sɔfa naw; bɔt i nɔ go te igen we una go sɔfa.

Di Ibru Pipul Dɛn 11:27

Na bikɔs Mozis bin biliv Gɔd mek i kɔmɔt na Ijipt, ɛn i nɔ fred, pan ɔl we di kiŋ bin vɛks bad. I nɔ bin gri fɔ tɔn bak, i bin de go lɛkɛ pɔsin we de si Gɔd we mɔtalman nɔ de si.

Pita In Fɔs Lɛta 2:7

Dis ston ya de ɛp una we biliv am gud gud wan, bɔt fɔ dɛn wan we nɔ biliv am, dɛn rayt na Gɔd in Buk se, “Di ston we dɛn pipul we de bil nɔ tek mek natin, nain dɔn kam bi di wan we impɔtant pas ɔl di ɔda wan dɛn.”

Lɛta Fɔ Filipay 4:4

Una fɔ gladi ɔltɛm bikɔs una gɛt wanwɔd wit di Masta. A de tɛl una igen se una fɔ gladi!

Pita In Fɔs Lɛta 5:4

If una du so, wɛn dɛn shɛpad dɛn edman we na Krays, kam, una go gɛt wɔndaful krawn we nɔ de pwɛl ɛn we de shayn ɔltɛm.

Lɛta Fɔ Ɛfisɔs 6:24

Mek Gɔd blɛs dɛn pipul we lɛk wi Masta, Jizɔs Krays fɔ tru.

Lɛta Fɔ Filipay 1:25

A shɔ se i go bɛtɛ fɔ una if a de na dis wɔl, na dat mek a no se a nɔ go day yet, a go de wit una fɔ ɛp una fɔ biliv pan Jizɔs Krays mɔ ɛn mɔ, ɛn fɔ mek una gladi mɔ bikɔs una biliv pan Krays.

Lɛta Fɔ Rom 14:17

Wɛn pɔsin de tɔk bɔt di rul we Gɔd de rul, i nɔ de tɔk bɔt tin fɔ it ɛn tin fɔ drink, bɔt i de tɔk bɔt aw Gɔd de mek ɔltin rayt bitwin in ɛn mɔtalman, di kol at we Gɔd de gi, ɛn di gladi we Gɔd in Spirit de put na pɔsin in at.

Jɔn 14:24

Ɛnibɔdi we nɔ lɛk mi nɔ go du wetin a lan am fɔ du. Dɛn tin ya we a de lan una, nɔto tin dɛn we misɛf mekɔp fɔ lan una, na tin dɛn we mi Papa sɛn mi fɔ lan una.

Jɔn 8:42

Jizɔs se, “If Gɔd na bin una Papa fɔ tru, una bin fɔ lɛk mi, bikɔs na Gɔd a kɔmɔt to kam na ya. A nɔ jɛs kam bay misɛf, na mi Papa sɛn mi.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

2 Kɔrint 12:4

Na de i yɛri dɛn tin we mɔtalman nɔ ebul tɔk na dɛn yon laŋwej ɛn we dɛn nɔ fɔ tɔk bɔt.

2 Kɔrint 9:15

Lɛ wi tɛl Gɔd tɛnki fɔ in Pikin we i dɔn gi wi fɔ natin, we wɔndaful pas ɔl.

2 Kɔrint 1:22

Nain dɔn put in mak pan wi fɔ sho se wi nain yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm.

Apɔsul Dɛn Wok 16:34

I kɛr Pɔl ɛn Saylas go nain os ɛn gi dɛn it. Ɔl di pipul dɛn na di os bin gladi bad bikɔs dɛn bin biliv pan Gɔd.

Jɔn 14:21

“Ɛnibɔdi we du wetin a tɛl am fɔ du, na pɔsin we lɛk mi bad. Mi Papa go lɛk am ɛn misɛf go lɛk am; ɛn a go mek i no mi gud.”

Jɔn 14:15

“If una lɛk mi, una go de du ɔl wetin a tɛl una fɔ du.

Matyu 10:37

“Ɛnibɔdi we lɛk in papa ɔ mama pas mi, nɔ fit fɔ bi mi lanin bɔy, ɛn ɛnibɔdi we lɛk in pikin dɛn pas mi, nɔ fit fɔ bi mi lanin bɔy.

Sɔlɔmɔn In Siŋ Dɛm 5:16

In tɔk swit bad, ɛn insɛf yu mɔs want am. Na mi bilɔvɛd dat ɛn na mi padi dat, Jerusɛlɛm in gyal pikin dɛn.

1 Kɔrint 16:22

Ɛnibɔdi we nɔ lɛk di Masta, kɔs de pan am. Wi Masta de kam!

Sɔlɔmɔn In Siŋ Dɛm 5:9

Wetin na yu lɔva pas ɛni ɔda lɔva, uman we fayn pas ɔl uman dɛn? Wetin na yu lɔva pas ɛni ɔda lɔva, we mek yu de put wɔd pan wi so?

Sɔlɔmɔn In Siŋ Dɛm 1:7

Tɛl mi, yu we mi sol lɛk, usay yu de fid yu ship dɛn, usay yu de mek dɛn lidɔm santɛm; a nɔ si wetin mek a fɔ tan lɛk udat de waka waka nia yu kɔmpin dɛn ship dɛn.

Lɛta Fɔ Ɛfisɔs 3:19

A de pre igen mek una no aw Krays lɛk mɔtalman, pan ɔl we mɔtalman nɔ ebul fɔ ɔndastand dis kayn lɛk, ɛn mek Gɔd de insay una gud gud, so dat ples nɔ lɛf fɔ ɔda tin.