Pita In Fɔs Lɛta 1:6 - Krio Fɔs Oli Baybul

⁶ Dis fɔ mek una gladi pan ɔl we ɔl kayn waala de mek una sɔfa naw; bɔt i nɔ go te igen we una go sɔfa.

Pita In Fɔs Lɛta 1:6 Referans Kwoze

Jems 1:2

Mi Kristiɛn pipul dɛn, una fɔ gladi wɛn ɛni waala mit una,

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Lɛta Fɔ Rom 12:12

Una fɔ gladi ɔltɛm bikɔs una abop pan Gɔd, una fɔ bia wɛn trɔbul mit una; ɛn una fɔ de pre ɔltɛm.

Lɛta Fɔ Rom 5:2

Bikɔs wi biliv pan Krays, i dɔn mek wi no aw Gɔd lɛk wi pan ɔl we wi nɔ fit fɔ mek i lɛk wi, ɛn Gɔd de sho wi aw i lɛk wi naw. So wi gladi, bikɔs wi no se Gɔd go mek wi bi jɛs lɛkɛ aw i want wi fɔ bi.

Matyu 5:12

Una fɔ gladi bad, bikɔs Gɔd kip gud tin fɔ una na ɛvin. Na so pipul bin mek dɛn prɔfɛt we bin de bifo una, sɔfa.

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Jɔn 16:22

Semwe so, una sɔri naw, bɔt tɛm de kam we a go si una bak, ɛn dat go mek una gladi bad bad ɛn nɔbɔdi kin pwɛl da gladi de.

Di Sam Dɛm 34:19

Pɔsin we de fala PAPA GƆD kin gɛt bɔku waala, bɔt na so PAPA GƆD de pul in ed pan dɛn ɔl;

Di Sam Dɛm 119:28

Mi bɔdi ɔl brok lɛ di tin dɛn we yu tɔk na yu wɔd gi mi trɛnk.

Matyu 11:28

“Una kam to mi, una ɔl we dɔn taya fɔ tot ebi lod, a go pul di lod kɔmɔt pan una ed, mek una go blo.

Lɛta Fɔ Rom 5:11

Nɔto dat nɔmɔ, wi gladi bikɔs Gɔd dɔn mek Jizɔs Krays briŋ wi kam bak to insɛf.

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Lyuk 10:20

Una nɔ fɔ gladi bikɔs dɛn dɛbul du wetin una tɛl dɛn fɔ du, bɔt una fɔ gladi bikɔs una nem dɔn rayt na ɛvin.”

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Di Sam Dɛm 95:1

Una kam mek wi gladi ɛn siŋ to PAPA GƆD lɛ wi ala ɛn mek nɔys to am nain na di wan we de kɔba wi ɛn pul wi pan trɔbul.

Jems 4:9

Una fɔ mɛmba dɛn bad we una dɔn du; ɛn una fɔ sɔri ɛn kray fɔ dɛn. Una fɔ lɛf fɔ laf, una fɔ sɔri ɛn kray; una nɔ fɔ gladi, una fɔ sɔri.

2 Kɔrint 4:17

Di lili sɔfa we wi de sɔfa fɔ dis shɔt tɛm go mek wi gɛt blɛsin ɛn ɔna sote go, ɛn di blɛsin ɛn ɔna go pas di sɔfa we wi de sɔfa naw, fawe.

Jems 1:9

Mek di Kristiɛn we po gladi bikɔs Gɔd dɔn tek am lɛkɛ sɔmbɔdi.

1 Samiɛl 2:1

Ana bin pre to PAPA GƆD bak se, “Mi at go es PAPA GƆD ɔp; a gladi we PAPA GƆD gi mi trɛnk. A de laf mi ɛnimi dɛn bikɔs a de gladi we yu fri mi.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.

Fɔs Lɛta Fɔ Tɛsalonayka 1:6

Una bin de du dɛn tin we una si wi ɛn di Masta de du. Una bin biliv di Gud Nyuz bɔt Jizɔs Krays pan ɔl we pipul bin de mek una sɔfa, ɛn Gɔd in Spirit bin de mek una gladi ɔltɛm.

Lɛta Fɔ Filipay 4:4

Una fɔ gladi ɔltɛm bikɔs una gɛt wanwɔd wit di Masta. A de tɛl una igen se una fɔ gladi!

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Rom 9:2

A sɔri bad bad fɔ mi pipul dɛn ɛn di pen we a de fil na mi at fɔ dɛn, nɔ go dɔn;

Di Sam Dɛm 119:75

A no se yu lɔ dɛn na fɔ jɔj tin dɛn di rayt we, ɛn na bikɔs yu de du tin dɛn di rayt we ɔltɛm lɛ yu pɔnish mi.

Di Sam Dɛm 69:20

Dɛn dɔn provok mi te, a dɔn brok at ɛn giv ɔp. A luk fɔ udat a go go kray to, bɔt nɔbɔdi nɔ de, pɔsin nɔ de sɛf fɔ tɛl mi “Ɔsh.”

Di Sam Dɛm 35:10

Wit ɔl mi at, a go tɔk se “Nɔbɔdi nɔ tan lɛk yu, PAPA GƆD.” Yu de pul pipul we nɔ ebul fɛt fɔ dɛnsɛf kɔmɔt na di wan dɛn we gɛt pawa dɛn an, yu nɔ de gri mek pipul tek advantej pan dɛn.

Di Sam Dɛm 9:14

Mek a nɔ day so dat a go tɔk bɔt yu gudnɛs to ɔl udat de na Jerusɛlɛm. Dɔn a go gladi bikɔs yu sev mi.

Lɛta Fɔ Filipay 2:26

Ɛpafrodaytɔs want fɔ si una bad wan; i wɔri bad bikɔs una bin dɔn yɛri se i bin sik.

Lyuk 2:10

Di enjɛl se, “Una nɔ fred! A briŋ gud nyuz fɔ una we go mek pipul gladi bad ɛn ɔl di Izrɛl pipul dɛn go gladi.

Lyuk 1:47

Gɔd we sev mi dɔn mek mi at gladi.

Matyu 26:37

Wɛn i de go, i kɛr Pita ɛn Zɛbidi in tu pikin dɛn go wit am. I bigin fil sɔri ɛn in at ebi.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Pita In Fɔs Lɛta 3:17

I bɛtɛ fɔ mek una sɔfa bikɔs una de du wetin rayt, if na dat Gɔd want, pas fɔ mek una sɔfa bikɔs una de du tin we nɔ rayt.