Biblia Todo Logo
Bib sou entènèt

- Piblisite -




Pita In Fɔs Lɛta 1:25 - Krio Fɔs Oli Baybul

25 bɔt di Masta in wɔd go de sote go.” Dis wɔd ya na di Gud Nyuz bɔt Jizɔs we dɛn bin tɛl una.

Gade chapit la Kopi




Pita In Fɔs Lɛta 1:25
23 Referans Kwoze  

Di gras de wida, ɛn di flawa de fed; bɔt PAPA GƆD in wɔd go tinap sote go.


Una fɔ mɛmba se, wans ɛvin ɛn dis wɔl de, natin nɔ go kɔmɔt pan di Lɔ te ɔl wetin di Lɔ tɔk bɔt, dɔn bi.


Di tin dɛn we yu dɔn tɔk, tru ɛn dɛn go bi tru ɔltɛm, ivin na ɛvin sɛf.


Wi de rayt to una bɔt di Wɔd we gɛt layf, we bin dɔn de frɔm we Gɔd mek di wɔl. Wi dɔn yɛri am, wi dɔn si am wit wi yon yay, ɛn wi dɔn tɔch am wit wi an.


Dat mek wi biliv mɔ ɛn mɔ ɔl wetin dɛn prɔfɛt bin dɔn tɔk. I go gud if una tek dɛn wɔd ya lɛkɛ se dɛn na layt we de shayn na dak ples, ɛn mek da layt de shayn insay una at we bin dak, sote di big de kam, ɛn sote di mɔnin sta kam shayn insay una at.


Bɔt PAPA GƆD yu na PAPA GƆD we go bi kiŋ sote go; ɔl di jɛnareshɔn dɛn go tɔk bɔt yu.


Bɔt i go izi fɔ mek ɛvin ɛn dis wɔl pwɛl, pas fɔ mek di wɔd we lili pas ɔl na di Lɔ, lɔs in minin.


Krays kam fɔ tɛl ɔlman bɔt di Gud Nyuz we de gi kol at. Dis Gud Nyuz ya de fɔ dɛn Ju pipul we bin de klos Gɔd ɛn dɛn pipul we nɔto Ju we nɔ bin de klos Gɔd.


Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.


Bifo Gɔd mek di wɔl, di wan we dɛn kɔl di Wɔd bin dɔn de, i bin de wit Gɔd, in ɛn Gɔd na wan.


Dɛn ɔl go dɔn wande, bɔt yu go de sote go. Dɛn go fiba klos we yu go chenj sote yu taya ɛn we yu taya, yu trowe ɔ yu giwe.


Wi de tɛl una bɔt wetin wi dɔn si ɛn yɛri, so dat wi ɔl go jɔyn an togɛda. We wi jɔyn an togɛda na wit di Papa ɛn in Pikin, Jizɔs Krays.


Una fɔ tan lɛkɛ bebi we jɛs bɔn, we want milk ɔltɛm; na so unasɛf fɔ want fɔ yɛri Gɔd in wɔd, ɔltɛm; i go mek una gro if una drink am ɔltɛm, dat min se una go no mɔ ɛn mɔ bɔt Gɔd ɛn una go gɛt layf ya we go de sote go na ɛvin.


Gɔd in wɔd we de gi layf ɛn we de sote go dɔn mek una gɛt nyu layf; i tan lɛkɛ se, una dɔn bɔn bak, ɛn di wan we mek una bɔn bak go de sote go; i nɔ tan lɛkɛ di wan we bɔn una di fɔs tɛm, we mɔs day.


Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.


ɛn i mek pipul no bɔt di prɔmis wɛn di rayt tɛm rich bay di mɛsej we i sɛn. Na mi Gɔd fil se go du wetin i want so i gi mi di mɛsej fɔ tɛl pipul; ɛn bikɔs in we de sev wi tɛl mi fɔ tɛl pipul di mɛsej, na dat mek a de tɛl dɛn.


A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔtalman nɔ ebul ɔndastand.


Ɔl di tɛm we a bin de wit una, a bin mekɔp fɔ jɛs de tɔk nɔmɔ bɔt Jizɔs Krays we dɛn kil na di krɔs.


Wan vɔys de se “Ala!” Nain a se “wetin a go ala se?” Ɔl mɔtalman na gras, ɛn ɔl in fayn we i fayn, na lɛk flawa na fil.


dɛn bin dɔn si se Gɔd in mɛsej gud, ɛn dɛn bin dɔn no bɔt dɛn pawa we gɛt fɔ kam.


Dɛn a si wan ɔda enjɛl de flay ɔp ɔp, i bin de tɛl pipul di Gud Nyuz we go de sote go, dɛn pipul ya kɔmɔt na ɔl dɛn trayb, ɔl dɛn neshɔn ɛn dɛn de tɔk ɔl dɛn difrɛn laŋwej, blakman o, wetman o, ɔl de pan dɛn.


Swiv nou:

Piblisite


Piblisite