Pita In Fɔs Lɛta 1:24 - Krio Fɔs Oli Baybul

²⁴ Dɛn rayt na Gɔd in Buk se, “Mɔtalman na lɛkɛ gras, ɛn ɔl wetin fayn pan am jɛs tan lɛkɛ dɛn flawa we de gro pan gras. Di gras go wida ɛn di dray flawa dɛn go fɔdɔm na grɔn,

Pita In Fɔs Lɛta 1:24 Referans Kwoze

Di Sam Dɛm 103:15

Wi mɔtalman, wi layf shɔt lɛkɛ gras, wi kin fiba wayl flawa we fayn fɔ luk na bush;

Jems 4:14

Bɔt una nɔ no wetin go bi to una tumara. Una layf tan lɛkɛ fɔg we kin de wan minit, di ɔda minit i dɔn lɔs.

Di Sam Dɛm 37:2

Bikɔs dɛn go wida lɛk gras jisnɔ, ɛn lɛk dɛn grin plant.

2 Kiŋ 19:26

Di pipul dɛn nɔ ebul shek; dɛn bin jɛs damu ɛn mumu. Dɛn bin tan lɛk gras we de gro na bush, ɔ dɛn gras we de gro pantap ruf we san kin bɔn am bifo i de bigin fɔ gro.

Jɔn In Fɔs Lɛta 2:17

Di wɔl ɛn ɔltin we lib de we pipul want bad bad go dɔn wande, bɔt di pɔsin we du wetin Gɔd want go de sote go.

Di Sam Dɛm 129:6

Lɛ dɛn fiba gras pantap ruf we bifo i wan fɔ gro, i dɔn day.

Di Sam Dɛm 92:7

se i lɛk usay pɔsin we de du bad dɔn rich, PAPA GƆD mɔs briŋ am kam dɔŋ we i nɔ go ɛva go ɔp,

Di Sam Dɛm 102:4

Mi at ɔl dɔn pwɛl a fiba dray gras we ɔlman de mas pas. Mi it ɔl nɔ gɛt bɛtɛ tes na mi mɔt.

Di Sam Dɛm 90:5

Yu mek mɔtalman layf shɔt lɛk drim: i fiba lɛkɛ gras we de grap na mɔnin,

Job 14:2

I kin bigin layf frɛsh wan lɛk flawa, bɔt kin wida leta; I kin jɛs lɔs lɛk shado ɛn yu nɔ si am igen

Di Sam Dɛm 39:6

Mɔtalman in layf jɛs tan lɛkɛ shado, we san de ɔp, yu de si am, as san go dɔŋ so, i lɔs, ɔl in gbiŋbin na fɔ natin; di jɛntri sɛf we i de gɛda, i nɔ no udat go gɛt am we i day.

Ayzaya 51:12

“Mi, na Mi na di wan we de kɔnfɔt yu; udat na yu, we yu de fred mɔtalman we gɛt fɔ day, we de fred mɔtalman we dɛn mek lɛk gras,

Matyu 6:30

Na Gɔd de mek flawa gro pan gras lɛkɛ we pɔsin go wɛr klos, da gras we de tide, ɛn tumara, dɛn go ib am na faya fɔ bɔn. Gɔd nɔ go du pas dat fɔ gi una klos fɔ wɛr? Una nɔ biliv Gɔd lɛkɛ aw una fɔ biliv am!