Pita In Fɔs Lɛta 1:23 - Krio Fɔs Oli Baybul

²³ Gɔd in wɔd we de gi layf ɛn we de sote go dɔn mek una gɛt nyu layf; i tan lɛkɛ se, una dɔn bɔn bak, ɛn di wan we mek una bɔn bak go de sote go; i nɔ tan lɛkɛ di wan we bɔn una di fɔs tɛm, we mɔs day.

Pita In Fɔs Lɛta 1:23 Referans Kwoze

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Di Ibru Pipul Dɛn 4:12

Wi no se Gɔd in wɔd gɛt layf ɛn i gɛt pawa. In wɔd shap pas sɔd we gɛt tu ɛj. I de go insay insay pɔsin sote i rich di say we in at ɛn in spirit dɛn mit togɛda, lɛkɛ aw sɔd de kɔt bon midul. Na so Gɔd in wɔd dɛn de go insay insay pɔsin in at ɛn sho ɔl wetin lib de.

Jɔn 3:3

Jizɔs tɛl am se, “A de tɛl yu fɔ tru se, nɔbɔdi nɔ go kam ɔnda Gɔd in rul pas i bɔn sɛkɛn tɛm.”

Jɔn 1:13

Dɛn nɔ bi Gɔd in pikin dɛn lɛkɛ aw dɛn pikin de bɔn na wɔl, dɛn nɔ bi Gɔd in pikin dɛn bikɔs na dat dɛn want ɔ bikɔs na dat ɔda pipul want, bɔt na Gɔd insɛf mek dɛn bi in pikin dɛn bikɔs na dat i want.

Jɔn 6:63

Na Gɔd in Spirit de gi pipul layf. Mɔtalman nɔ gɛt di pawa fɔ gi layf. Di wɔd dɛn we a dɔn tɛl una de mek Gɔd in Spirit we de gi layf kam to una.

Jɔn In Fɔs Lɛta 5:18

Wi no se ɛni bɔdi we de waka wit Gɔd nɔ de sin, bikɔs Gɔd in Pikin de gyad am ɛn Setan nɔ ebul am.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Jɔn 3:5

Jizɔs se, “A de tɛl yu se, nɔbɔdi nɔ go kam ɔnda Gɔd in rul pas di pɔsin bɔn wit wata ɛn wit Gɔd in Spirit.

Matyu 24:35

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.

Jɔn In Fɔs Lɛta 3:9

Ɛni bɔdi we kɔmɔt to Gɔd nɔto pɔsin we go jɛs de sin ɛn nɔ gri fɔ tap, bikɔs i gɛt Gɔd nain at, ɛn we Gɔd nain Papa, i nɔ go jɛs de sin, i nɔ gri fɔ tap.

Pita In Fɔs Lɛta 1:25

bɔt di Masta in wɔd go de sote go.” Dis wɔd ya na di Gud Nyuz bɔt Jizɔs we dɛn bin tɛl una.

Jɔn 1:3

Tru di Wɔd, Gɔd mek ɔltin; natin nɔ de na wɔl we Gɔd mek we in an nɔ de pan.

Jɛrimaya 23:28

PAPA GƆD se, Lɛ di prɔfɛt we drim, tɔk bɔt di drim, bɔt lɛ di wan we gɛt mi wɔd, prich mi wɔd wit ɔl in at. Ɛnitin de pan strɔ we mek in ɛn wit fiba?

Lɛta Fɔ Rom 1:23

Bifo dɛn pre to Gɔd, dɛn de pre to dɛn tin we dɛnsɛf mek we fiba mɔtalman, bɔd, bif na bush, ɔ snek. Gɔd gɛt layf, bɔt dɛn tin ya nɔ gɛt layf.

Malakay 2:3

I se, in go ala pan dɛn pikin dɛn dɔn di shit we di animal dɛn de pul na dɛn wes, we dɛn de gi am, nain i go put na dɛn fes so dat dɛn nɔ go go bifo am.

Lyuk 8:11

“Na di parebul in minin dis: Di sid dɛn na Gɔd in wɔd.

Lɛvitikɔs 11:37

Ɛn if di day wan fɔdɔm pan sid we na fɔ plant, ɛn dɛn plant am, i klin na PAPA GƆD yay.