Pita In Fɔs Lɛta 1:20 - Krio Fɔs Oli Baybul

²⁰ Bifo Gɔd mek di wɔl, i bin dɔn pik Krays fɔ du di wok we i fɔ du na wɔl, ɛn naw, we plɛnti tɛm nɔ lɛf igen, Krays dɔn kam fɔ ɛp una.

Pita In Fɔs Lɛta 1:20 Referans Kwoze

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Di Ibru Pipul Dɛn 9:26

If nɔto bin so, Krays bin fɔ sɔfa plɛnti tɛm frɔm di tɛm we Gɔd mek di wɔl. Bɔt i dɔn kam di fɔs ɛn las tɛm, naw we di wɔl de dɔn, fɔ sakrifays insɛf, so dat i go pul sin kɔmɔt na wi layf, wan tɛm fɔ ɔl.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Di Ibru Pipul Dɛn 1:2

Bɔt dis tɛm we di wɔl de dɔn, nain Pikin i sɛn fɔ tɛl wi in wɔd. Na bay dis Pikin ya, i mek ɔl di wɔl, ɛn nain i pik fɔ gɛt ɔltin we i gɛt.

Lɛta Fɔ Kɔlɔse 1:26

Bifo naw, ɔl di tɛm, Gɔd nɔ bin mek ɛnibɔdi na wɔl no dis mɛsej ya, bɔt i dɔn tɛl in yon pipul dɛn naw.

Lɛta Fɔ Ɛfisɔs 3:11

Na di tin dis we Gɔd bin dɔn mekɔp fɔ du, Gɔd mek Jizɔs Krays du wetin i bin dɔn mekɔp.

Lɛta Fɔ Ɛfisɔs 3:9

Ɛn Gɔd dɔn pik mi ɛn gi mi di chans fɔ tɛl ɔlman bɔt di tin we i dɔn mekɔp fɔ du we i nɔ mek wi no yet, we go bi. Gɔd we mek ɔl di wɔl nɔ bin mek wi no di tin we i mekɔp fɔ du ɔl dis tɛm ya we dɔn pas,

Lɛta Fɔ Galeshya 4:4

Bɔt wɛn di rayt tɛm rich, Gɔd sɛn in Pikin, we na Jizɔs Krays, kam na wɔl. Gɔd mek uman bɔn Jizɔs Krays ɛn Jizɔs Krays du ɔl wetin di Ju lɔ se,

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Jɔn In Fɔs Lɛta 1:2

Dis layf ya kam na wɔl ɛn wi si am; na dat mek wi de tɔk bɔt am ɛn wi de tɛl una se dis layf ya we go de sote go bin de wit di Papa ɛn na di Papa sɛn am to wi.

Lɛta Fɔ Ɛfisɔs 1:10

Gɔd bin dɔn plan se: Wɛn di tɛm rich, i go briŋ ɔltin we gɛt layf wan ples: ɔltin we de na di klawd ɛn ɔl dɛn wan we de na di wɔl, Krays go bi edman fɔ dɛn ɔl.

Prɔvabs 8:23

I dɔn te we a de, na mi fɔs de bifo di wɔl bigin.

Lɛta Fɔ Rom 3:25

Gɔd sakrifays Jizɔs Krays fɔ padin mɔtalman sin bay di day we Jizɔs Krays day, ɛn if mɔtalman biliv pan am. Gɔd du dat fɔ sho se in de du rayt ɔltɛm. Fɔs tɛm, i bin de bia wit mɔtalman ɛn i nɔ bin de pɔnish dɛn fɔ ɛni bad we dɛn du;

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Jɔn In Fɔs Lɛta 3:8

Ɛni bɔdi we nɔ de tap fɔ sin blant Setan, bikɔs Setan dɔn de sin frɔm we di wɔl bigin; na dat mek Gɔd in Pikin kam fɔ pwɛl Setan in wok.

Jɔn In Fɔs Lɛta 3:5

Una no se Krays kam fɔ pul mɔtalman kɔmɔt pan sin ɛn Krays nɔ gɛt sin nain layf.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Apɔsul Dɛn Wok 2:23

Una sɛl Jizɔs gi dɛn wikɛd pipul. Gɔd bin dɔn no bɔt dat ɛn i bin dɔn gri fɔ mek dat bi. Una gi dɛn wikɛd pipul pawa fɔ nel Jizɔs na di krɔs.

Lɛta Fɔ Rom 8:29

Gɔd bin dɔn pik dɛn pipul we i bin dɔn mak fɔ tan lɛkɛ in Pikin, so dat in Pikin go bi di fɔs pikin pan in plɛnti brɔda dɛn.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Di Ibru Pipul Dɛn 2:14

We dɛn pikin ya na mɔtalman, na dat mek Jizɔs insɛf kam na wɔl lɛkɛ mɔtalman, so dat di day we i day go pwɛl Setan, we gɛt pawa fɔ kil, ɔltogɛda.

Pita In Fɔs Lɛta 1:2

Na Gɔd, we na wi Papa, dɔn pik una, lɛkɛ aw i bin dɔn plan, ɛn Gɔd in Spirit dɔn mek una bi Gɔd yon pipul, so dat una go du wetin Jizɔs Krays tɛl una fɔ du, ɛn di day we Jizɔs Krays day na di krɔs go mek una klin na Gɔd yay. A de pre mek Gɔd sho una aw i gud ɛn mek i gi una kol at mɔ ɛn mɔ.