Pita In Fɔs Lɛta 1:13 - Krio Fɔs Oli Baybul

¹³ Na dat mek una fɔ mekɔp una maynd fɔ du wetin una gɛt fɔ du, una fɔ kɔntrol unasɛf ɛn una fɔ put ɔl una at pan di blɛsin we Jizɔs Krays go gi una di tɛm we i go sho insɛf to ɔlman.

Pita In Fɔs Lɛta 1:13 Referans Kwoze

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Lyuk 12:35

“Una fɔ rɛdi fɔ wetin de kam, una tay una bɛlt tayt, layt una lamp, ɛn nɔ mek dɛn ɔt.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Pita In Fɔs Lɛta 3:15

Una fɔ rɛspɛkt Krays ɛn tɔk insay una at se in na di Masta. Una fɔ rɛdi ɔltɛm fɔ ansa dɛn pipul we de aks una wetin una abop pan,

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

Jɔn In Fɔs Lɛta 3:3

Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

Sɛkɛn Lɛta To Timoti 4:8

Bikɔs a dɔn rich di say we a fɔ tap, di prayz we a wok fɔ de wet mi, na di prayz dat we ɛnibɔdi we de waka tret wit Gɔd go gɛt, di Masta we de jɔj rayt go gi mi di prayz di de we i go kam bak; ɛn nɔto mi nɔmɔ i go gi, i go gi ɔl dɛn wan we go gladi fɔ si am wɛn i kam.

Lɛta Fɔ Ɛfisɔs 6:14

So una fɔ tinap traŋa: mek ɔl wetin tru bi di bɛlt we una fɔ tay; mek di rayt we bi di ayɛn plet we una go wɛr fɔ kɔba una chɛst wɛn una de fɛt.

1 Kɔrint 1:7

dat una dɔn gɛt ɔl dɛn blɛsin we Gɔd de gi naw, we una de wet mek Jizɔs Krays kam bak.

Lyuk 17:30

Na so i go bi di de we Mɔtalman Pikin go kam bak na wɔl.

Di Ibru Pipul Dɛn 10:35

Na dat mek una nɔ fɔ dawt, bikɔs if una biliv Gɔd sote go, i go gi una big blɛsin.

Di Ibru Pipul Dɛn 6:19

Wetin wi de put ɔl wi at pan tan lɛkɛ anka fɔ wi layf, we de mek wi tinap traŋa. Na fɔseka dat, wi go go insay insay di ples we Gɔd de na ɛvin, ɛn wi go pas di big tik kɔtin we ɛŋ ɛn kɔba di ples we Gɔd de.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Sɛkɛn Lɛta To Timoti 4:5

Bɔt yu fɔ kɔntrol yusɛf ɔltɛm; yu fɔ bia wɛn yu de sɔfa, yu fɔ de tɛl pipul di Gud Nyuz, ɛn yu fɔ du ɔl wetin pɔsin we de wok fɔ Gɔd fɔ du.

1 Kɔrint 13:13

Na dɛn tri tin ya pɔsin go de du sote go: biliv, abop, ɛn lɛk, bɔt di wan we pas dɛn ɔl na lɛk.

Lɛta Fɔ Rom 13:13

Una lɛ wi de du ɔl wetin wi fɔ du lɛkɛ pipul we de na di tru layt; wi nɔ fɔ liv fri layf, wi nɔ fɔ de drɔnk, wi nɔ fɔ liv bad layf, wi nɔ fɔ de fɛt ɔ jɛlɔs wi kɔmpin.

Job 40:7

“Tinap lɛk man; a go aks yu sɔm kwɛshɔn dɛn we yu go ansa.

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

Jɛrimaya 1:17

Bɔt yu, tay yu trɔsis tayt, grap go tɛl dɛn ɔltin we a dɔn tɛl yu traŋa wan se yu fɔ du. Nɔ mek dɛn pwɛl yu at o. If nɔto so, a go pwɛl yu at bifo dɛm.

Ayzaya 11:5

Na wetin rayt na PAPA GƆD in yay, i go tek tay in wes, ɛn na fɔ waka tret wit PAPA GƆD i go tek tay in trɔsis.

1 Kiŋ 18:46

PAPA GƆD in pawa kam pan Ilayja ɛn dat mek i bɛlt in klos ɛn rɔn go bifo Eab te rich Jɛzril.

Ɛksodɔs 12:11

Dɛn fɔ it dis it ya kwik kwik wan. We dɛn de it am dɛn fɔ dɔn drɛs lɛkɛ udat dɔn rɛdi fɔ go patrol. Dɛn fɔ wɛr dɛn sandals na dɛn fut ɛn ol dɛn wɔkinstik. Dis pasova fɛstival na fɔ ɔna mi.

Job 38:3

Rɛdi lɛk man, a de kam aks yu sɔm kwɛshɔn we a go lɛk lɛ yu ansa.

2 Kiŋ 4:29

Ilaɛlsha tɛl Gɛazi se lɛ i rɛdi wantɛm fɔ go dɔŋ wit in wɔkinstik. I se if i mit ɛnibɔdi na rod, lɛ i nɔ tɛl am adu, ɛn if ɛnibɔdi tɛl am adu lɛ i nɔ ansa; lɛ i put in wɔkinstik pan di pikin in fes.

Lyuk 17:8

I go tɛl di lebra se, ‘Go kuk fɔ mi, wɛr di klos we yu fɔ wɛr fɔ sav, put di it na tebul ɛn wet sote a dɔn it dɔn bifo yusɛf go it.’

Lɛta Fɔ Rom 8:19

Ɔltin we Gɔd mek de wet ɛn dɛn want bad bad mek Gɔd sho dɛn in pikin dɛn.

Lɛta Fɔ Kɔlɔse 3:4

Krays na una tru layf. Wɛn i kam bak na wɔl, una go de wit am ɛn jɛs lɛkɛ aw dɛn ɔna am, na so dɛn go ɔna unasɛf.

Pita In Fɔs Lɛta 1:10

Dɛn prɔfɛt we bin dɔn tɔk bɔt dis gud tin ya we Gɔd dɔn gi una, bifo i gi una, bin tek tɛm fɔ dig fɔ no bɔt dis layf ya we go de sote go na ɛvin, we Gɔd de gi dɛn wan we biliv pan Krays.

Pita In Fɔs Lɛta 5:12

Na Saylas, we a luk se na Kristiɛn brɔda we a kin trɔs, ɛp mi fɔ rayt dis shɔt lɛta to una. A want kɔrej una ɛn a want tɛl una se ɔl wetin Gɔd dɔn du fɔ una sho se i lɛk una, fɔ tru; una nɔ fɔ mek ɛnitin mek una dawt dat.

Matyu 20:4

So i kɔl dɛn, i se, ‘Unasɛf kam go wok na mi fam, a go pe una wetin una fɔ gɛt.’