Jɔn In Fɔs Lɛta 5:9 - Krio Fɔs Oli Baybul

⁹ If wi kin biliv wetin mɔtalman tɔk, wi fɔ biliv wetin Gɔd tɔk mɔ; Gɔd tɔk bɔt Jizɔs we nain Pikin.

Jɔn In Fɔs Lɛta 5:9 Referans Kwoze

Apɔsul Dɛn Wok 17:31

Gɔd dɔn put tɛm we i go jɔj ɔlman ɛn nɔbɔdi nɔ go kɔmplen se Gɔd nɔ jɔj am tret. Gɔd dɔn pik di wan we go jɔj ɔlman. Gɔd dɔn mek wi shɔ bɔt dis tin, we i mek di wan we i pik, rayz frɔm di grev, fɔ mek nɔbɔdi nɔ go dawt.”

Matyu 17:5

Wɛn Pita dɔn tɔk dɔn, wan klawd we bin de shayn, kɔba dɛn, dɔn dɛn yɛri wan vɔys de tɔk na di klawd se, “Dis na mi Pikin we a lɛk bad, a gladi fɔ am, una lisin wetin i de tɛl una.”

Jɔn In Fɔs Lɛta 5:10

Ɛni bɔdi we biliv se Jizɔs na Gɔd in Pikin, di tin we Gɔd tɔk de nain at, bɔt if ɛni bɔdi se in nɔ biliv wetin Gɔd tɔk bɔt in Pikin, da pɔsin de de se Gɔd de lay.

Di Ibru Pipul Dɛn 2:4

Gɔd insɛf pruv se in mɛsej bɔt di wɔndaful we we i go sev pipul, na tru, bay di wɔndaful tin we i du we sho wetin gɛt fɔ bi bambay; we i du ɔl kayn big wok we mek pipul wɔnda; ɛn we i mek in Spirit gi pipul dɛn pawa fɔ du difrɛn difrɛn tin lɛkɛ aw in want.

Apɔsul Dɛn Wok 5:32

Wi, we nain apɔsul dɛn, ɛn Gɔd in Spirit, de mek pipul no bɔt dɛn tin ya. Gɔd dɔn gi dɛn pipul we de du wetin i tɛl dɛn fɔ du, in Spirit.”

Jɔn 10:38

Bɔt if a de du di tin dɛn we mi Papa want mek a du, pan ɔl we una nɔ biliv mi naw, una fɔ biliv se na wɔndaful wok dɛn a de du, so dat una go no ɛn una nɔ go dawt igen se mi Papa de insay mi ɛn misɛf de insay mi Papa.”

Jɔn 5:39

Una de luk gud insay di wɔd dɛn we rayt na Gɔd in Buk, bikɔs una min se una go gɛt layf we go de sote go insay dɛn buk de. Bɔt na mi dɛn de tɔk bɔt na Gɔd in Buk.

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Jɔn In Fɔs Lɛta 5:8

Gɔd in Spirit, wata ɛn blɔd; dɛn ɔl tri de tɔk di sem tin.