Jɔn In Fɔs Lɛta 5:8 - Krio Fɔs Oli Baybul

⁸ Gɔd in Spirit, wata ɛn blɔd; dɛn ɔl tri de tɔk di sem tin.

Jɔn In Fɔs Lɛta 5:8 Referans Kwoze

Jɔn 15:26

“Wɛn di wan we de ɛp pipul fɔ du wetin Gɔd want, kam, dat na di Spirit we kɔmɔt to mi Papa, i go mek pipul no di tru tin bɔt Gɔd. A go mek mi Papa sɛn am kam to una ɛn i go tɛl una bɔt mi.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Lɛta Fɔ Rom 8:16

Gɔd in Spirit wit wi yon spirit de tɔk di sem tin se wi na Gɔd in pikin dɛn.

Mak 14:56

Plɛnti pipul go lay pan Jizɔs, bɔt dɛn ɔl nɔ tɔk di sem tin.

2 Kɔrint 1:22

Nain dɔn put in mak pan wi fɔ sho se wi nain yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm.

Apɔsul Dɛn Wok 15:15

Wetin di prɔfɛt dɛn bin tɔk, nain de bi so; dɛn bin se,

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Di Ibru Pipul Dɛn 13:12

Na dat mek Jizɔs insɛf nɔ mek dɛn kɛr am go insay di tɔŋ fɔ kil am, bɔt dɛn bin kɛr am go na ples we pipul nɔ tap, so dat i go tek in yon blɔd pul di pipul dɛn sin kɔmɔt na dɛn layf.

Di Ibru Pipul Dɛn 6:4

Wi fɔ go bifo, bikɔs pɔsin nɔ go briŋ dɛn pipul we dɔn tɔn dɛn bak pan Gɔd, kam bak to Gɔd, bikɔs dɛn pipul de bin dɔn no wetin tru bɔt Gɔd, dɛn bin dɔn gɛt dɛn blɛsin we Gɔd de gi, dɛn bin dɔn gɛt dɛn yon pat pan Gɔd in Spirit,

Jɔn 19:34

Wan pan di soja man dɛn tek lɔŋ nɛf ɛn chuk Jizɔs in sayd, blɔd ɛn wata bɔs kɔmɔt de wantɛm.

Jɔn In Fɔs Lɛta 5:9

If wi kin biliv wetin mɔtalman tɔk, wi fɔ biliv wetin Gɔd tɔk mɔ; Gɔd tɔk bɔt Jizɔs we nain Pikin.