Jɔn In Fɔs Lɛta 5:4 - Krio Fɔs Oli Baybul

⁴ bikɔs ɛni bɔdi we na Gɔd pikin ebul fɔ win di wɔl. Wi ebul fɔ win di wɔl bikɔs wi biliv pan Jizɔs.

Jɔn In Fɔs Lɛta 5:4 Referans Kwoze

1 Kɔrint 15:57

Bɔt una mek wi tɛl Gɔd tɛnki. Na Gɔd de mek wi Masta Jizɔs Krays nɔ mek sin ɛn day ebul wi.

Jɔn In Fɔs Lɛta 4:4

Mi pikin dɛn, una na Gɔd yon ɛn di lay prɔfɛt dɛn nɔ ebul una, una dɔn win dɛn, bikɔs Gɔd in Spirit we de insay una gɛt pawa pas di spirit we de insay dɛn pipul we na di wɔl yon pipul.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Jɔn In Fɔs Lɛta 3:9

Ɛni bɔdi we kɔmɔt to Gɔd nɔto pɔsin we go jɛs de sin ɛn nɔ gri fɔ tap, bikɔs i gɛt Gɔd nain at, ɛn we Gɔd nain Papa, i nɔ go jɛs de sin, i nɔ gri fɔ tap.

Jɔn In Fɔs Lɛta 5:5

Udat go ebul win di wɔl? Na dɛn pipul nɔmɔ we biliv se Jizɔs na Gɔd in Pikin.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Rɛvɛleshɔn 12:11

Wi kɔmpin Kristiɛn dɛn tek di Ship in blɔd ɛn di tru wɔd we dɛn bin de tɛl pipul bɔt Gɔd win am, we i bin de fɛt dɛn; ɛn pantap dat, dɛn gri fɔ wok fɔ Gɔd ɛn day fɔ am.

Rɛvɛleshɔn 3:5

Dɛn pipul we go stil tinap traŋa afta Setan dɔn tray dɛn, dɛnsɛf go wɛr wayt klos. Ɛn a nɔ go pul dɛn nem kɔmɔt na di buk we dɛn pipul we gɛt layf, dɛn nem rayt. A go tɔk bifo mi Papa ɛn bifo in enjɛl dɛn se dɛn pipul de na mi yon.

Rɛvɛleshɔn 2:11

“Ɛnibɔdi we gɛt yes mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Ɛnibɔdi we stil tinap traŋa afta Setan dɔn tray am, di sɛkɛn day nɔ go mit am.

Rɛvɛleshɔn 3:12

Ɛnibɔdi we go stil tinap traŋa afta Setan dɔn tray am, a go mek i bi lɛkɛ post we go mek Gɔd in Os tinap, i go tinap de sote go. A go rayt mi Gɔd in nem pan am, ɛn di tɔŋ we i bil, in sɛf yon nem pan am, dat na ‘di Nyu Jerusɛlɛm’, we go kɔmɔt to Gɔd na ɛvin kam dɔŋ. Ɛn a go rayt mi yon nyu nem pan am.

Rɛvɛleshɔn 2:26

Dɛn pipul we stil tinap traŋa afta Setan dɔn tray dɛn, ɛn we stil de du dɛn tin we a tɛl dɛn fɔ du, te a kam bak, a go gi dɛn pawa oba ɔl dɛn neshɔn na dis wɔl,

Jɔn In Fɔs Lɛta 5:1

Ɛni bɔdi we biliv se Jizɔs na di Mɛsaya na Gɔd pikin. Ɛni bɔdi we lɛk di Papa, go lɛk in Pikin.

Rɛvɛleshɔn 15:2

Dɛn a si sɔntin we fiba big wata we tan lɛkɛ se dɛn tek glas mek am, faya bin de bɔn insay am. Pantap dat, a si dɛn pipul we bin dɔn win di wayl bif, we na nɔmba tinap fɔ in nem, ɛn di tin we pipul bin mek fɔ tek de mɛmba ɛn rɛspɛkt am. Dɛn bin tinap klos di big glas wata ɛn dɛn bin ol ap fɔ tek ple myuzik, we Gɔd bin dɔn gi dɛn.

Rɛvɛleshɔn 2:7

“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Jɔn 1:13

Dɛn nɔ bi Gɔd in pikin dɛn lɛkɛ aw dɛn pikin de bɔn na wɔl, dɛn nɔ bi Gɔd in pikin dɛn bikɔs na dat dɛn want ɔ bikɔs na dat ɔda pipul want, bɔt na Gɔd insɛf mek dɛn bi in pikin dɛn bikɔs na dat i want.

Jɔn 3:3

Jizɔs tɛl am se, “A de tɛl yu fɔ tru se, nɔbɔdi nɔ go kam ɔnda Gɔd in rul pas i bɔn sɛkɛn tɛm.”

Jɔn In Fɔs Lɛta 2:29

Una no se Krays de du wetin rayt ɔltɛm, so una fɔ no se ɛni bɔdi we de du wetin rayt na Gɔd pikin.

Jɔn In Fɔs Lɛta 5:18

Wi no se ɛni bɔdi we de waka wit Gɔd nɔ de sin, bikɔs Gɔd in Pikin de gyad am ɛn Setan nɔ ebul am.