Jɔn In Fɔs Lɛta 5:16 - Krio Fɔs Oli Baybul

¹⁶ If ɛni bɔdi si in kɔmpin sin ɛn da sin de nɔto sin we go tap am mek i nɔ gɛt layf we go de sote go, i fɔ pre fɔ am ɛn Gɔd go gi am di tru layf. Bɔt di pre we i de pre nɔ go ɛp dɛn pipul we sin da bad bad sin we de mek pɔsin nɔ gɛt layf we go de sote go, ɛn a nɔ se una fɔ pre to Gɔd fɔ dɛn kayn sin de.

Jɔn In Fɔs Lɛta 5:16 Referans Kwoze

Jɛrimaya 11:14

Fɔseka dat, nɔ pre fɔ dɛn pipul dɛn ya, ɔ kray to mi, ɔ pre fɔ beg fɔ dɛm, bikɔs a nɔ go lisin we dɛn kɔl mi we trɔbul mit dɛm.

1 Samiɛl 2:25

I mek lɛ dɛn no se if pɔsin ambɔg in kɔmpin mɔtalman, PAPA GƆD kin tɔk dɛn kes bɔt if na PAPA GƆD pɔsin ambɔg, nɔbɔdi nɔ go de fɔ tɔk fɔ am. Bɔt pan ɔl dat, dɛn nɔ yɛri in wɔd, bikɔs PAPA GƆD bin dɔn plan fɔ dɔnawe wit dɛn.

Lyuk 12:10

“Ɛnibɔdi we tɔk sɔntin bɔt Mɔtalman Pikin we nɔto tru, Gɔd go padin am, bɔt Gɔd nɔ go padin ɛnibɔdi we tɔk bad bɔt in Spirit.

Jɛrimaya 14:11

PAPA GƆD tɛl mi se: “Nɔ pre fɔ dɛn pipul dɛn ya.

Jɛrimaya 7:16

“As fɔ yu, nɔ pre fɔ dɛn pipul dɛn ya, ɔ kray ɔ ala de pre fɔ dɛm, ɛn nɔ tray fɔ chenj mi maynd, bikɔs a nɔ go lisin yu.

Di Nɔmba Dɛm 15:30

“Ɛnibɔdi we sin wɛda na fɔrina ɔ na bɔn Izrɛlayt, dɔn fityay PAPA GƆD ɛn so fɔ drɛb di pɔsin.

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Jɛnɛsis 20:17

Ebraam pre fɔ Abimɛlɛk, in wɛf ɛn ɔl di ɔda uman dɛn nain os we mek dɛn bigin bɔn pikin.

Jɛnɛsis 20:7

So naw, sɛn di uman go bak to in man. Na prɔfɛt, i go pre fɔ yu, ɛn yu nɔ go day. Mek a wɔn yu. If yu nɔ sɛn am go bak, no se yu wangren nɔ go day, yu ɛn ɔl yu pipul dɛn go day.”

Di Sam Dɛm 106:23

So i se if nɔto we Mozis, di man we i bin dɔn pik, beg fɔ dɛn, lɛk i de dɔnawe wit dɛn. Na Mozis tap am nɔ fɔ kil dɛn ɔl we i vɛks.

Jɔn 17:9

“A de pre fɔ di pipul dɛn we yu dɔn gi mi, bikɔs dɛn na yu yon pipul dɛn. A nɔ de pre fɔ di ɔda pipul dɛn na di wɔl we nɔto yu yon.

Izikɛl 22:30

Ɛn a bin luk fɔ wan man pan dɛn, we go bil di wɔl ɛn tinap na di gap bifo mi fɔ di land, so a nɔ go nyakanyaka am; bɔt a nɔ fɛn nɔbɔdi.

Di Nɔmba Dɛm 12:13

So Mozis insɛf beg PAPA GƆD lɛ i mek Miriam wɛl.

Sɛkɛn Lɛta To Timoti 4:14

Alɛgzanda we na blaksmit du mi bad bad tin. Gɔd go pe am fɔ wetin i du.

1 Samiɛl 12:19

Di pipul dɛn tɛl Samiɛl fɔ pre to PAPA GƆD we nain PAPA GƆD fɔ dɛn mek dɛn nɔ day as dɛn dɔn ad pan dɛn ɔda sin dɛn we dɛn aks fɔ kiŋ.

Jɔn In Fɔs Lɛta 5:17

Ɛni bad tin we pɔsin de du na sin, bɔt sin de we nɔ go tap pɔsin mek i nɔ gɛt layf we go de sote go.