Jɔn In Fɔs Lɛta 5:10 - Krio Fɔs Oli Baybul

¹⁰ Ɛni bɔdi we biliv se Jizɔs na Gɔd in Pikin, di tin we Gɔd tɔk de nain at, bɔt if ɛni bɔdi se in nɔ biliv wetin Gɔd tɔk bɔt in Pikin, da pɔsin de de se Gɔd de lay.

Jɔn In Fɔs Lɛta 5:10 Referans Kwoze

Lɛta Fɔ Rom 8:16

Gɔd in Spirit wit wi yon spirit de tɔk di sem tin se wi na Gɔd in pikin dɛn.

Lɛta Fɔ Galeshya 4:6

Fɔ sho se wi na Gɔd in pikin dɛn, Gɔd dɔn put Jizɔs Krays in Spirit na wi at, ɛn di Spirit de pre to Gɔd lawd wan se, “Papa, mi Papa!”

Jɔn 3:33

Ɛnibɔdi we put at pan wetin i se, dɔn sho se na tru Gɔd tɔk.

Jɔn 5:38

Ɛn una nɔ de kip in wɔd na una at bikɔs una nɔ biliv pan di wan we i sɛn kam na wɔl.

Di Ibru Pipul Dɛn 3:12

Mi Kristiɛn brɔda dɛn, una fɔ tek tɛm, so dat nɔn pan una nɔ go gɛt bad at ɛn so nɔ biliv pan Gɔd dat i go tɔn in bak pan Gɔd we gɛt layf sote go.

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Jɔn In Fɔs Lɛta 5:1

Ɛni bɔdi we biliv se Jizɔs na di Mɛsaya na Gɔd pikin. Ɛni bɔdi we lɛk di Papa, go lɛk in Pikin.

Jɔn In Fɔs Lɛta 1:10

If wi se wi nɔ sin wande, wi de se Gɔd de lay, ɛn in wɔd nɔ gɛt ples na wi layf.

Di Sam Dɛm 25:14

Na udat gɛt rɛspɛkt fɔ PAPA GƆD i de tɛl in sikrit, ɛn mek dɛn no se i nɔ gɛt fɔ chenj in Kɔvinant.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Lɛta Fɔ Kɔlɔse 3:3

Wɛn i kam pan dis wɔl yon biznɛs, una dɔn day, ɛn di tru layf we Gɔd dɔn gi una ayd insay Krays bikɔs una de waka klos Gɔd.

Prɔvabs 3:32

PAPA GƆD et udat de du bad bɔt i lɛk pɔsin we de waka tret na PAPA GƆD in yay ɛn de mek am in padi.

Rɛvɛleshɔn 12:17

Fɔseka dat, di dragɔn bin vɛks pan di uman, so i go fɔ go fɛt in ɔda pikin dɛn, dat na ɔl di wan dɛn we de du wetin Gɔd tɛl dɛn fɔ du, ɛn we biliv di tru tin dɛn we Jizɔs sho dɛn ɛn dɛn de fala dɛn.

Rɛvɛleshɔn 2:28

Dɛn a go gi dɛn di mɔnin sta.

Pita In Sɛkɛn Lɛta 1:19

Dat mek wi biliv mɔ ɛn mɔ ɔl wetin dɛn prɔfɛt bin dɔn tɔk. I go gud if una tek dɛn wɔd ya lɛkɛ se dɛn na layt we de shayn na dak ples, ɛn mek da layt de shayn insay una at we bin dak, sote di big de kam, ɛn sote di mɔnin sta kam shayn insay una at.

Jɔn 3:16

Gɔd so lɛk mɔtalman dat i gi in wangren Pikin we i lɛk; so dat ɛnibɔdi we biliv pan am nɔ go day, bɔt i go gɛt layf we go de sote go.

Ayzaya 53:1

Udat dɔn biliv wetin we dɔn yɛri? Ɛn to udat PAPA GƆD dɔn sho in an?

Job 24:25

If nɔto tru a tɔk, lɛ sɔmbɔdi tɛl mi se na lay a lay; lɛ i pruv se na nɔnsɛns tɔk a tɔk.

Jɛrimaya 15:18

Wetin mek mi pen nɔ de tap, mi wund nɔ de wɛl, i nɔ de gri wɛl? Yuwan tan lɛk watasay we de disiv pipul, lɛkɛ watasay we kin tap fɔ rɔn ɛnitɛm?

Jɔn 3:18

If ɛnibɔdi biliv pan Gɔd in Pikin, Gɔd nɔ go kɔndɛm da pɔsin de. Bɔt Gɔd go kɔndɛm ɛnibɔdi we nɔ gri biliv pan in Pikin; we i nɔ biliv pan Gɔd in Pikin na di rizin dat nɔmɔ we go mek Gɔd kɔndɛm di pɔsin.

Lɛta Fɔ Galeshya 4:1

Una fɔ no se, wɛn pɔsin lili fɔs, i nɔ go gɛt di prɔpati we in papa dɔn prɔmis am sote di tɛm rich. Ɛn we na pikin, dɛn go trit am lɛkɛ se na savant, pan ɔl we nain gɛt di prɔpati.

Apɔsul Dɛn Wok 8:37

Filip ansa am se, “A go baptayz yu if yu biliv pan Jizɔs wit ɔl yu at.” Di bigman ansa am se, “A biliv; a biliv se Jizɔs Krays na Gɔd in Pikin.”]