Jɔn In Fɔs Lɛta 4:9 - Krio Fɔs Oli Baybul

⁹ Na di we dis we Gɔd sho wi se in lɛk wi: I sɛn in wangren Pikin kam na wɔl, so dat in Pikin kin mek wi gɛt layf.

Jɔn In Fɔs Lɛta 4:9 Referans Kwoze

Jɔn 3:16

Gɔd so lɛk mɔtalman dat i gi in wangren Pikin we i lɛk; so dat ɛnibɔdi we biliv pan am nɔ go day, bɔt i go gɛt layf we go de sote go.

Jɔn In Fɔs Lɛta 5:11

Di tin we Gɔd tɔk, nain dis: Gɔd dɔn gi wi di tru layf we go de sote go, ɛn dis layf ya de wit in Pikin.

Lɛta Fɔ Rom 8:32

Gɔd nɔ kip in Pikin mek i nɔ sɔfa, i sakrifays am fɔ wi ɔl! Gɔd we sakrifays in Pikin fɔ wi ɔl, i nɔ go gi wi ɔltin fri?

Jɔn 6:57

Na mi Papa we de gi layf sɛn mi kam na wɔl, ɛn nain mek misɛf gɛt layf. Semwe so, a go mek ɛnibɔdi we it mi bɔdi, gɛt layf.

Jɔn In Fɔs Lɛta 4:10

Wetin na lɛk? Nain dis: Nɔto fɔ se wi lɛk Gɔd, bɔt in lɛk wi ɛn i sɛn in Pikin kam na wɔl fɔ sakrifays insɛf fɔ wi mek i go padin wi sin dɛn.

Jɔn In Fɔs Lɛta 3:16

Na dis mek wi no wetin lɛk min: Krays sakrifays in layf fɔseka wi. Semwe so, wisɛf fɔ sakrifays wi layf fɔseka wi kɔmpin mɔtalman!

Jɔn 10:10

Tifman jɛs de kam fɔ tif, kil ɛn pwɛl. Bɔt mi kam fɔ mek una gɛt di kayn layf we gɛt ɔltin we layf fɔ gɛt.

Jɔn 6:51

Mi na di bred we kɔmɔt na ɛvin we de gi layf, if ɛnibɔdi it am, di pɔsin go gɛt layf we go de sote go. Di bred we a go gi na mi bɔdi we a go sakrifays, so dat ɔlman na wɔl kin gɛt layf.”

Jɔn 3:18

If ɛnibɔdi biliv pan Gɔd in Pikin, Gɔd nɔ go kɔndɛm da pɔsin de. Bɔt Gɔd go kɔndɛm ɛnibɔdi we nɔ gri biliv pan in Pikin; we i nɔ biliv pan Gɔd in Pikin na di rizin dat nɔmɔ we go mek Gɔd kɔndɛm di pɔsin.

Di Ibru Pipul Dɛn 1:5

Wan enjɛl nɔ de we Gɔd dɔn tɛl se, “Yu na mi Pikin; a dɔn bi yu Papa tide.” Ɔ Gɔd nɔ tɔk bɔt ɛni enjɛl se, “A go bi in Papa, ɛn in go bi mi Pikin.”

Jɔn 8:42

Jizɔs se, “If Gɔd na bin una Papa fɔ tru, una bin fɔ lɛk mi, bikɔs na Gɔd a kɔmɔt to kam na ya. A nɔ jɛs kam bay misɛf, na mi Papa sɛn mi.

Lyuk 4:18

“Gɔd in Spirit de wit mi, bikɔs Gɔd dɔn pik mi fɔ mek a tɛl dɛn po pipul di Gud Nyuz. I sɛn mi fɔ mek a tɛl dɛn slev se dɛn go fri ɛn dɛn blɛnyay pipul se dɛn go si. I sɛn mi fɔ fri dɛn wan we de lɛkɛ slev,

Mak 12:6

Di las pɔsin we di man sɛn nain bɔy pikin we i lɛk. I mɛmba se we di pipul dɛn si in pikin, dɛn go rɛspɛkt am.

Jɔn In Fɔs Lɛta 4:16

So wisɛf biliv se Gɔd lɛk wi, ɛn wi dɔn fil di lɛk na wi layf. Gɔd na di wan we nɔ de tap fɔ lɛk ɔltɛm ɛn nain lɛk aw pɔsin fɔ lɛk fɔ tru, ɛn ɛni bɔdi we lɛk Gɔd ɛn mɔtalman, na pɔsin we de waka wit Gɔd ɛn Gɔd de insay am.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Jɔn 6:29

Jizɔs ansa dɛn se, “Di tin we Gɔd want una fɔ du nain dis: una fɔ biliv pan di wan we Gɔd sɛn kam na wɔl.”

Jɔn 8:29

Ɛn di wan we sɛn mi de wit mi, i nɔ lɛf mi to misɛf bikɔs ɔltɛm a de du dɛn tin we i lɛk.”

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Di Sam Dɛm 2:7

Di kiŋ go tɔk wetin PAPA GƆD dɔn tɛl am. I se, PAPA GƆD tɛl am se in nain bɔypikin ɛn dat tide insɛf dɔn bi in papa.

Jɛnɛsis 22:2

Nain PAPA GƆD tɛl am se, “Tek yu pikin, yu wangren bɔypikin, Ayzak, we yu lɛk, lɛkɛ yu bɔlyay, kɛr am go na Mɔria, yu fɔ tek am mek sakrifays to mi. Bɔn am pantap wan pan dɛn mawnten we a go sho yu.”

Jɔn 9:3

Jizɔs se, “Di blɛn we dis man ya blɛn nɔ gɛt natin fɔ du wit in yon sin dɛn, ɔ in mami ɛn dadi yon. I blɛn so dat pipul kin si di wɔndaful wok we Gɔd go du.

Jɔn In Fɔs Lɛta 5:13

A de rayt dis lɛta ya to una we biliv pan Gɔd in Pikin fɔ mek una no se una gɛt di tru layf we go de sote go.