Jɔn In Fɔs Lɛta 4:6 - Krio Fɔs Oli Baybul

⁶ Bɔt wi na Gɔd yon pipul ɛn ɛni bɔdi we no Gɔd go lisin to wi, bɔt ɛni bɔdi we nɔ no Gɔd nɔ go lisin to wi. Na di we dis we wi go no Gɔd in Spirit we tru ɛn di spirit we de lay.

Jɔn In Fɔs Lɛta 4:6 Referans Kwoze

Jɔn 14:17

Di wan we go de ɛp una fɔ du wetin Gɔd want, na di Spirit we go mek pipul no ɔltin we tru bɔt Gɔd. Di pipul dɛn na di wɔl nɔ go mek di Spirit kam na dɛn layf, bikɔs dɛn nɔ de si am ɛn dɛn nɔ no am. Bɔt una no am, bikɔs i de wit una ɛn i go de insay una.

Jɔn 10:27

Mi ship dɛn de lisin wetin a se, ɛn dɛn de fala mi. A no dɛn ɔl.

Jɔn 15:26

“Wɛn di wan we de ɛp pipul fɔ du wetin Gɔd want, kam, dat na di Spirit we kɔmɔt to mi Papa, i go mek pipul no di tru tin bɔt Gɔd. A go mek mi Papa sɛn am kam to una ɛn i go tɛl una bɔt mi.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Jɔn In Fɔs Lɛta 4:4

Mi pikin dɛn, una na Gɔd yon ɛn di lay prɔfɛt dɛn nɔ ebul una, una dɔn win dɛn, bikɔs Gɔd in Spirit we de insay una gɛt pawa pas di spirit we de insay dɛn pipul we na di wɔl yon pipul.

Jɔn 18:37

Paylet aks am se, “Wɛl, yu na Kiŋ?” Jizɔs se, “Na yu se mi na Kiŋ. A bɔn kam na wɔl fɔ tɔk wetin tru. Ɛnibɔdi we lɛk wetin tru de yɛri mi wɔd.”

1 Kɔrint 14:37

If ɛnibɔdi tink se in de tɔk mɛsej we Gɔd gi am, ɛn if Gɔd in Spirit mek i ebul du sɔm ɔda tin dɛn, da pɔsin de fɔ no se wetin a de rayt so na Gɔd tɛl mi fɔ rayt am.

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Jɔn 16:13

Bɔt wɛn Gɔd in Spirit we de mek pipul no wetin tru bɔt Gɔd kam, i go mek una no ɔltin we tru. Gɔd in Spirit nɔ go tɔk wetin in want tɔk, i go tɔk wetin di Papa yɛri ɛn i go tɛl una bɔt dɛn tin we go kam bambay.

Mayka 3:8

Mayka tɛl dɛn se na PAPA GƆD in spirit nɔmɔ we de pan am de gi am pawa. I se i de gi am sɛns ɛn mek i ebul fɔ tɛl Jekɔb in jɛnareshɔn bɔt di bad we dɛn de du ɛn fɔ tɛl Izrɛl bɔt di sin dɛn we dɛn de kɔmit.

Jɔn In Fɔs Lɛta 4:8

Ɛni bɔdi we nɔ lɛk in kɔmpin, na pɔsin we nɔ no Gɔd bikɔs Gɔd na di wan we nɔ de tap fɔ lɛk ɔltɛm ɛn nain de lɛk aw pɔsin fɔ lɛk fɔ tru.

Fɔs Lɛta To Timoti 4:1

Gɔd in Spirit dɔn tɔk plen wan se tɛm go kam we sɔm pipul go lɛf fɔ biliv Gɔd; dɛn go de du wetin dɛn spirit we de lay tɛl dɛn fɔ du, ɛn dɛn go de fala wetin dɛbul lan dɛn.

Jɔn 13:20

A de tɛl una se, ɛnibɔdi we gri fɔ mek pɔsin we a sɛn, kam nain layf, dɔn gri fɔ mek misɛf kam nain layf; ɛn ɛnibɔdi we gri fɔ mek a kam nain layf, dɔn gri fɔ mek di wan we sɛn mi, kam nain layf.”

Jɔn 8:19

Dɛn se, “Usay yu papa de?” Jizɔs ansa se, “Una nɔ no mi ɛn una nɔ no mi Papa. If una bin no mi, una bin go no mi Papa we sɛn mi.”

Lyuk 10:22

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.”

Ozie 4:12

I se in pipul go aks tik bɔt tin we dɛn wan no, ɛn fil se waka tik fɔ tɛl dɛn wetin fɔ du. Na waka waka spirit dɔn pul dɛn kɔmɔt to PAPA GƆD ɛn dɛn lɛf dɛn Gɔd go wɔship dɛn ɔda gɔd dɛn.

Ayzaya 29:10

Bikɔs PAPA GƆD dɔn put, spirit we de mek pɔsin slip dip dip wan, pan una, ɛn i dɔn lɔk una yay, una di prɔfɛt dɛm, ɛn i dɔn kɔba una ed, una di lukgrɔn man dɛm.

Ayzaya 8:20

Fɔ di wan dɛn we dɔn yɛri mi tichin ɛn mi mɛsej fɔ no wetin fɔ du! Fɔ tru, di wan dɛn we de tink fɔ tɔk to dayman, nɔ go si do klin.

Jud In Lɛta 1:17

Mi padi dɛn, una fɔ mɛmba wetin wi Masta Jizɔs Krays in apɔsul dɛn bin dɔn tɛl una.

Pita In Sɛkɛn Lɛta 3:2

A want mek una mɛmba dɛn tin we Gɔd in prɔfɛt dɛn bin dɔn tɔk lɔntɛm se go bi, bifo dɛn bi, ɛn dɛn tin we wi Masta we sev wi mek in apɔsul dɛn tɛl wi fɔ du.

2 Kɔrint 10:7

Na wetin pɔsin de si nɔmɔ, una de luk. If pɔsin de we tink se in blant Krays, mek i no se aw in blant Krays, na so wisɛf blant Krays.

Lɛta Fɔ Rom 11:8

Lɛkɛ aw dɛn rayt na Gɔd in Buk se, “Gɔd mek dɛn nɔ ebul fil ɛn tink; te tide dɛn yay nɔ de si ɛn dɛn yes nɔ de yɛri.”

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

Jɔn 20:21

Jizɔs tɔk bak se, “Mek Gɔd gi una kol at. Jɛs lɛkɛ aw mi Papa sɛn mi kam na dis wɔl, na so a de sɛn unasɛf fɔ go du mi wok.”

Jɔn 10:16

Ɔda ship dɛn de we blant mi, bɔt dɛn nɔ de wit dɛn wan ya, a fɔ briŋ dɛnsɛf kam; dɛnsɛf go lisin wɛn a de tɔk, dɛn go miks wit dɛn wan ya, so dɛn go gɛt wan shɛpad fɔ mɛn dɛn ɔl.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Jɔn 8:23

Jizɔs se, “Na dis wɔl ya una blant, bɔt mi kɔmɔt ɔp na ɛvin. Na dis wɔl una kɔmɔt, bɔt nɔto dis wɔl mi kɔmɔt.

Jɔn 10:3

Di wachman kin opin di get fɔ di shɛpad, di shɛpad kin kɔl in ship dɛn nem wan bay wan, wɛn di ship dɛn yɛri in vɔys, dɛn kin kam ɛn i kin waka bifo dɛn fɔ kɛr dɛn go na do.

Jɔn In Fɔs Lɛta 5:19

Wi no se wi na Gɔd yon pipul, pan ɔl we Setan de rul di ol wɔl.

2 Kronikuls 18:21

in go kɔnvins am. So PAPA GƆD aks am aw i go du am. So i ansa se in go go dɔŋ ɛn put laylay mɛsej na di prɔfɛt dɛn mɔt. So PAPA GƆD tɛl am se yɛs, dat go kɔnvins am, so lɛ i go.