Jɔn In Fɔs Lɛta 4:4 - Krio Fɔs Oli Baybul

⁴ Mi pikin dɛn, una na Gɔd yon ɛn di lay prɔfɛt dɛn nɔ ebul una, una dɔn win dɛn, bikɔs Gɔd in Spirit we de insay una gɛt pawa pas di spirit we de insay dɛn pipul we na di wɔl yon pipul.

Jɔn In Fɔs Lɛta 4:4 Referans Kwoze

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Jɔn In Fɔs Lɛta 5:4

bikɔs ɛni bɔdi we na Gɔd pikin ebul fɔ win di wɔl. Wi ebul fɔ win di wɔl bikɔs wi biliv pan Jizɔs.

Lɛta Fɔ Rom 8:37

Bɔt insay ɔl dɛn tin ya, we de bi to wi, di wan we lɛk wi de mek wi ebul win ɔltɛm.

Jɔn In Fɔs Lɛta 4:16

So wisɛf biliv se Gɔd lɛk wi, ɛn wi dɔn fil di lɛk na wi layf. Gɔd na di wan we nɔ de tap fɔ lɛk ɔltɛm ɛn nain lɛk aw pɔsin fɔ lɛk fɔ tru, ɛn ɛni bɔdi we lɛk Gɔd ɛn mɔtalman, na pɔsin we de waka wit Gɔd ɛn Gɔd de insay am.

1 Kɔrint 2:12

Nɔto di wɔl yon spirit wi gɛt, na Gɔd in yon Spirit wi gɛt; nain go mek wi no wetin Gɔd de gi wi fri.

Jɔn In Fɔs Lɛta 5:19

Wi no se wi na Gɔd yon pipul, pan ɔl we Setan de rul di ol wɔl.

Jɔn In Fɔs Lɛta 4:13

Di tin we mek wi no gud wan se wi de waka wit Gɔd ɛn Gɔd de insay wi, na bikɔs i dɔn put in Spirit insay wi.

Lɛta Fɔ Ɛfisɔs 6:10

Mek a tɛl una dis las wɔd bifo a dɔn wetin a de tɔk: Di wanwɔd we una gɛt wit Krays fɔ mek una abop pan di Masta in trɛnk ɛn di pawa we i gɛt.

Lɛta Fɔ Ɛfisɔs 3:17

A de pre mek di biliv we una biliv mek Krays de na una at; ɛn mek di lɛk we una lɛk Gɔd ɛn una kɔmpin mɔtalman tan lɛkɛ aw rut kin go dɔŋ na grɔn ɛn grip di grɔn tayt, ɛn lɛkɛ aw fawndeshɔn kin trɔŋ,

Rɛvɛleshɔn 12:11

Wi kɔmpin Kristiɛn dɛn tek di Ship in blɔd ɛn di tru wɔd we dɛn bin de tɛl pipul bɔt Gɔd win am, we i bin de fɛt dɛn; ɛn pantap dat, dɛn gri fɔ wok fɔ Gɔd ɛn day fɔ am.

Jɔn In Fɔs Lɛta 3:24

Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de nain at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

Jɔn 12:31

Na di tɛm dis we Gɔd go jɔj mɔtalman, ɛn na di tɛm dis we i go pul di wan we de rul dis wɔl kɔmɔt nain chia.

Jɔn 17:23

A de insay dɛn, yu de insay mi; a de pre mek dɛn de lɛkɛ wan pɔsin, so dat dɛn ɔda pipul na wɔl go no se na yu sɛn mi, ɛn yu lɛk dɛn lɛkɛ aw yu lɛk mi.

Jɔn In Fɔs Lɛta 4:6

Bɔt wi na Gɔd yon pipul ɛn ɛni bɔdi we no Gɔd go lisin to wi, bɔt ɛni bɔdi we nɔ no Gɔd nɔ go lisin to wi. Na di we dis we wi go no Gɔd in Spirit we tru ɛn di spirit we de lay.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Jɔn In Fɔs Lɛta 2:13

Mi papa dɛn, a de rayt una bikɔs una no di wan we bin dɔn de frɔm we di wɔl bigin. Mi yɔŋ man dɛn, a de rayt una bikɔs una dɔn win Setan.

1 Kɔrint 6:13

Ɔda pɔsin go se, “It na fɔ bɛlɛ, bɛlɛ na fɔ it.” Na so i bi, bɔt Gɔd kin mek it dɔn ɛn i kin mek bɛlɛ pwɛl. Gɔd nɔ mek mɔtalman bɔdi fɔ mek i liv fri layf, i mek mɔtalman fɔ du wetin in want wit in bɔdi; Gɔd insɛf de du ɔl wetin gud fɔ di bɔdi.

Lɛta Fɔ Ɛfisɔs 2:2

Da tɛm de una bin de du ɔl dɛn bad tin we di pipul dɛn na di wɔl de du. Una bin de du wetin di dɛbul dɛn edman we de ɔlɔbɔt tɛl una fɔ du, nain de rul dɛn pipul we nɔ de du wetin Gɔd tɛl dɛn fɔ du.

Jɔn 16:11

Ɛn i go mek pipul no se Gɔd go jɔj ɔlman, bikɔs Gɔd dɔn kɔndɛm di dɛbul we de rul di wɔl.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

Jɔn 14:30

I nɔ lɛf lɔŋ igen we a go ebul tɔk to una, bikɔs Setan we de rul dis wɔl de kam, bɔt i nɔ gɛt pawa oba mi.

Jɔn In Fɔs Lɛta 2:1

Mi pikin dɛn, a de rayt una dis lɛta ya fɔ mek una tap fɔ sin; bɔt if ɛni wan pan una sin, Jizɔs Krays we nɔ gɛt sin, de tɔk to in Papa fɔ wi.

Jɔn In Fɔs Lɛta 3:20

If wi at tɛl wi se wi nɔ du rayt, wi no se Gɔd pas wi at ɛn i no ɔltin.