Jɔn In Fɔs Lɛta 4:21 - Krio Fɔs Oli Baybul

²¹ Na di tin dis we Krays tɛl wi fɔ du: pɔsin we lɛk Gɔd fɔ lɛk in kɔmpin insɛf.

Jɔn In Fɔs Lɛta 4:21 Referans Kwoze

Lɛvitikɔs 19:18

Pɔsin nɔ fɔ du bad to udat du am bad ɛn i nɔ fɔ kip in kɔmpin na at bɔt i fɔ lɛk in kɔmpin lɛk aw i lɛk insɛf: i se nain na PAPA GƆD.

Jɔn In Fɔs Lɛta 3:11

Di mɛsej we una bin dɔn yɛri di tɛm we una fɔs bi Kristiɛn nain dis: wi fɔ lɛk wi kɔmpin mɔtalman.

Fɔs Lɛta Fɔ Tɛsalonayka 4:9

Nid nɔ de fɔ rayt tɛl una aw una fɔ lɛk una kɔmpin Kristiɛn dɛn, bikɔs Gɔd insɛf dɔn lan una dat.

Pita In Fɔs Lɛta 3:8

Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin.

Lɛta Fɔ Galeshya 5:14

Ɔl di Ju Lɔ tay insay wan lɔ we se: “Pɔsin fɔ lɛk in kɔmpin mɔtalman lɛkɛ aw i lɛk insɛf.”

Jɔn 15:12

Di tin we a de tɛl una fɔ du nain dis: Una fɔ lɛk una kɔmpin lɛkɛ aw a lɛk una.

Jɔn In Fɔs Lɛta 3:23

Na di tin dis we Gɔd tɛl wi fɔ du: Wi fɔ biliv pan in Pikin, Jizɔs Krays, ɛn wi fɔ lɛk wi kɔmpin mɔtalman, lɛkɛ aw Krays dɔn tɛl wi fɔ du.

Jɔn In Fɔs Lɛta 3:14

Wi no se wi dɔn lɛf di tin we bin de kil wi, wi dɔn gɛt layf; wi no dat bikɔs wi lɛk wi kɔmpin dɛn. Ɛni bɔdi we nɔ lɛk in kɔmpin, nɔ kɔmɔt na day rod yet.

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Lyuk 10:37

Di Ju Lɔ ticha ansa Jizɔs se, “Na di man we sɔri fɔ am.” Jizɔs se, “Yusɛf go ɛn du lɛkɛ am.”

Jɔn In Fɔs Lɛta 4:11

Mi padi dɛn we a lɛk, if na so Gɔd lɛk wi, wi fɔ lɛk wi kɔmpin.

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Jɔn In Fɔs Lɛta 3:18

Mi pikin dɛn, wi nɔ fɔ jɛs de tɔk se wi lɛk wi kɔmpin, bɔt wi fɔ de du dɛn tin we go sho se wi lɛk dɛn fɔ tru.

Matyu 5:43

“Una yɛri we dɛn bin se, ‘Una fɔ lɛk una padi dɛn, ɛn et dɛn wan we nɔ lɛk una.’

Jɔn In Fɔs Lɛta 2:7

Mi padi dɛn we a lɛk, di lɔ we a de rayt tɛl una fɔ kip, nɔto nyu lɔ, na di sem ol lɔ we una bin dɔn gɛt frɔm tɛm. Una bin dɔn yɛri bɔt dis ol Ju lɔ ya.