Jɔn In Fɔs Lɛta 4:2 - Krio Fɔs Oli Baybul

² Una lisin aw una go no if na to Gɔd di Spirit kɔmɔt. If ɛni bɔdi tɔk se Jizɔs Krays bin kam lɛkɛ mɔtalman, Gɔd in Spirit de insay am.

Jɔn In Fɔs Lɛta 4:2 Referans Kwoze

1 Kɔrint 12:3

Una fɔ no se ɛnibɔdi we Gɔd in Spirit de kɔntrol nɔ go tɔk bad bɔt Jizɔs! Ɛn nɔbɔdi nɔ go ebul tɔk se Jizɔs na di Masta pas Gɔd in Spirit de insay am.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Jɔn In Fɔs Lɛta 5:1

Ɛni bɔdi we biliv se Jizɔs na di Mɛsaya na Gɔd pikin. Ɛni bɔdi we lɛk di Papa, go lɛk in Pikin.

Jɔn In Fɔs Lɛta 4:3

Bɔt ɛni bɔdi we nɔ tɔk so bɔt Jizɔs Krays, nɔto Gɔd in Spirit de insay am, na di spirit we nɔ lɛk Krays. Una bin dɔn yɛri se dis spirit ya gɛt fɔ kam na wɔl ɛn i de na di wɔl naw naw.

Jɔn In Fɔs Lɛta 2:23

Ɛni bɔdi we nɔ want fɔ gɛt ɛnitin fɔ du wit Gɔd in Pikin, nɔ want fɔ gɛt ɛnitin fɔ du wit Gɔd we na di Papa; bɔt ɛni bɔdi we gri fɔ waka wit Gɔd in Pikin, dɔn gri fɔ waka wit Gɔd we na di Papa.

Jɔn In Fɔs Lɛta 1:2

Dis layf ya kam na wɔl ɛn wi si am; na dat mek wi de tɔk bɔt am ɛn wi de tɛl una se dis layf ya we go de sote go bin de wit di Papa ɛn na di Papa sɛn am to wi.

Jɔn In Fɔs Lɛta 4:15

Ɛni bɔdi we tɔk se Jizɔs na Gɔd in Pikin, Gɔd de insay da pɔsin de ɛn da pɔsin de de waka wit Gɔd.

Jɔn In Sɛkɛn Lɛta 1:7

Plɛnti pipul we de mek dɛn kɔmpin ful de ɔlɔbɔt na wɔl, dɛn nɔ de tɔk se Jizɔs Krays kam na wɔl lɛkɛ mɔtalman; dɛn de lay ɛn dɛn nɔ lɛk Krays.