Jɔn In Fɔs Lɛta 4:19 - Krio Fɔs Oli Baybul

¹⁹ Wi lɛk Gɔd ɛn wi kɔmpin bikɔs na Gɔd fɔs lɛk wi.

Jɔn In Fɔs Lɛta 4:19 Referans Kwoze

Jɔn In Fɔs Lɛta 4:10

Wetin na lɛk? Nain dis: Nɔto fɔ se wi lɛk Gɔd, bɔt in lɛk wi ɛn i sɛn in Pikin kam na wɔl fɔ sakrifays insɛf fɔ wi mek i go padin wi sin dɛn.

Jɔn 15:16

Nɔto una pik mi, na mi pik una; ɛn a pik una fɔ du plɛnti big wok we go mek ɔda pipul gɛt blɛsin sote go. Da tɛm de, mi Papa go gi una ɛnitin we una tek mi nem pre fɔ.

Jɔn 3:16

Gɔd so lɛk mɔtalman dat i gi in wangren Pikin we i lɛk; so dat ɛnibɔdi we biliv pan am nɔ go day, bɔt i go gɛt layf we go de sote go.

Lyuk 7:47

A de tɛl yu se, di tin we dis uman du we sho se i lɛk mi bad pruv se Gɔd dɔn padin in plɛnti sin dɛn. Pɔsin we nɔ sin plɛnti, we Gɔd dɔn padin, nɔ go lɛk mi bɛtɛ.”

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Jɔn In Fɔs Lɛta 4:20

If ɛni bɔdi se in lɛk Gɔd, bɔt i nɔ lɛk in kɔmpin, da pɔsin de de lay. Bikɔs if pɔsin nɔ lɛk in kɔmpin we i de si, aw i go lɛk Gɔd we i nɔ de si?