Jɔn In Fɔs Lɛta 4:17 - Krio Fɔs Oli Baybul

¹⁷ As wi de insay Krays, di lɛk we wi lɛk Krays go de gro mɔ ɛn mɔ, ɛn wi nɔ go wɔri fɔ tinap bifo Gɔd di de we i de jɔj ɔlman na wɔl, bikɔs wi no se na Krays we de insay wi de mek wi liv lɛkɛ aw wi liv na dis wɔl.

Jɔn In Fɔs Lɛta 4:17 Referans Kwoze

Jɔn In Fɔs Lɛta 4:12

Nɔbɔdi nɔ si Gɔd yet, bɔt if wi lɛk wi kɔmpin, Gɔd de insay wi ɛn di lɛk we Gɔd lɛk wi de mek wi lɛk wi kɔmpin mɔ ɛn mɔ.

Jɔn In Fɔs Lɛta 2:28

Mi pikin dɛn, una fɔ de wit Krays ɔltɛm, so dat wɛn i kam bak, wi nɔ go shem fɔ go mit am.

Jɔn In Fɔs Lɛta 3:3

Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

Jɔn In Fɔs Lɛta 2:5

Bɔt ɛni bɔdi we de du wetin Gɔd tɛl am fɔ du dɔn sho se in lɛk Gɔd, fɔ tru; na dat wi go tek no fɔ tru se wi na Gɔd yon pipul.

Lɛta Fɔ Rom 8:29

Gɔd bin dɔn pik dɛn pipul we i bin dɔn mak fɔ tan lɛkɛ in Pikin, so dat in Pikin go bi di fɔs pikin pan in plɛnti brɔda dɛn.

Jɔn 15:20

Una fɔ mɛmba wetin a bin tɛl una we a se: ‘Slev nɔ pas in masta’. If pipul dɔn mek a sɔfa, dɛn go mek unasɛf sɔfa; if dɛn du wetin a lan dɛn, dɛn go du wetin unasɛf lan dɛn.

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Pita In Sɛkɛn Lɛta 3:7

Bɔt Gɔd in wɔd we bin mek ɔl di wɔl we de naw, kip am fɔ mek i bɔn na faya di de we Gɔd go jɔj dɛn pipul we kin de du dɛn tin we i nɔ lɛk ɛn mek dɛn go na ɛl.

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,

Jems 2:22

Una nɔ si se wetin Ebraam du sho se i bin biliv Gɔd? Una nɔ si se Ebraam bin biliv Gɔd bikɔs i du wetin Gɔd tɛl am fɔ du?

Matyu 12:36

“A de tɛl una se, di de we Gɔd go jɔj di wɔl, ɔlman go tɛl Gɔd di kyalɛs wɔd dɛn we i bin dɔn tɔk.

Matyu 11:24

A de tɛl una fɔ tru se, di de we Gɔd go jɔj ɔlman na di wɔl, i go sɔri fɔ Sɔdɔm pas una.”

Matyu 11:22

A de tɛl una fɔ tru se, di de we Gɔd go jɔj ɔlman na wɔl, i go sɔri fɔ Taya ɛn Saydɔn pas una.

Matyu 10:25

Pɔsin we de lan fɔ no se wetin go bi to di wan we lan am, nain go bi to insɛf; ɛn slev fɔ no se wetin go bi to in masta, nain go bi to insɛf. If pipul dɔn kɔl di edman na os Biɛlzibɔb, dɛn go gi di ɔda pipul dɛn na di os nem we bad pas dat.

Matyu 10:15

A de tɛl una fɔ tru se, di tɛm we Gɔd go jɔj di pipul dɛn na di wɔl, i go bad fɔ da ples de pas aw i bin bad fɔ dɛn pipul na Sɔdɔm ɛn Gomɔra.

Jems 2:13

If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Jɔn 17:22

A dɔn mek dɛnsɛf wɔndaful lɛkɛ aw yu mek misɛf wɔndaful, so dat dɛn ɔl go gɛt wan at lɛkɛ aw mi ɛn yu gɛt wan at.

Di Ibru Pipul Dɛn 9:27

Na wan tɛm ɔlman gɛt fɔ day, ɛn afta dɛn dɔn day Gɔd go jɔj dɛn fɔ ɔl wetin dɛn bin du.

Jɔn In Fɔs Lɛta 2:6

Ɛni bɔdi we se in de waka wit Gɔd, fɔ liv lɛkɛ aw Jizɔs Krays bin liv.

Jɔn In Fɔs Lɛta 3:7

Mi pikin dɛn, mek nɔbɔdi nɔ mek una ful. Pɔsin we de waka tret, na pɔsin we de du di rayt tin, jɛs lɛkɛ aw Krays de du di rayt tin, i nɔ gɛt sin nain layf.