Jɔn In Fɔs Lɛta 4:15 - Krio Fɔs Oli Baybul

¹⁵ Ɛni bɔdi we tɔk se Jizɔs na Gɔd in Pikin, Gɔd de insay da pɔsin de ɛn da pɔsin de de waka wit Gɔd.

Jɔn In Fɔs Lɛta 4:15 Referans Kwoze

Jɔn In Fɔs Lɛta 5:5

Udat go ebul win di wɔl? Na dɛn pipul nɔmɔ we biliv se Jizɔs na Gɔd in Pikin.

Lɛta Fɔ Rom 10:9

If unasɛf tɔk se, “Jizɔs na di Masta,” ɛn una biliv gud gud se Gɔd mek i rayz frɔm di grev, Gɔd go sev una.

Matyu 10:32

“If ɛnibɔdi tɔk mek ɔlman yɛri se in blant mi, misɛf go tɛl Gɔd we na mi Papa we de na ɛvin se insɛf blant mi.

Jɔn In Fɔs Lɛta 4:2

Una lisin aw una go no if na to Gɔd di Spirit kɔmɔt. If ɛni bɔdi tɔk se Jizɔs Krays bin kam lɛkɛ mɔtalman, Gɔd in Spirit de insay am.

Jɔn In Fɔs Lɛta 3:24

Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de nain at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

Lɛta Fɔ Filipay 2:11

ɛn tɔk se Jizɔs na di Masta, ɛn ɔlman go prez Gɔd we na wi Papa.

Jɔn In Fɔs Lɛta 4:12

Nɔbɔdi nɔ si Gɔd yet, bɔt if wi lɛk wi kɔmpin, Gɔd de insay wi ɛn di lɛk we Gɔd lɛk wi de mek wi lɛk wi kɔmpin mɔ ɛn mɔ.

Jɔn In Fɔs Lɛta 5:1

Ɛni bɔdi we biliv se Jizɔs na di Mɛsaya na Gɔd pikin. Ɛni bɔdi we lɛk di Papa, go lɛk in Pikin.

Lyuk 12:8

“Mek a tɛl una sɔntin; ɛnibɔdi we tɛl ɔda pipul se dɛn biliv mi, Mɔtalman Pikin go tɛl Gɔd in enjɛl dɛn bɔt da pɔsin de.

Jɔn In Sɛkɛn Lɛta 1:7

Plɛnti pipul we de mek dɛn kɔmpin ful de ɔlɔbɔt na wɔl, dɛn nɔ de tɔk se Jizɔs Krays kam na wɔl lɛkɛ mɔtalman; dɛn de lay ɛn dɛn nɔ lɛk Krays.

Jɔn 6:56

Ɛnibɔdi we it mi bɔdi ɛn drink mi blɔd, di pɔsin go de na mi at ɛn misɛf go liv insay di pɔsin in at.

Jɔn In Fɔs Lɛta 2:23

Ɛni bɔdi we nɔ want fɔ gɛt ɛnitin fɔ du wit Gɔd in Pikin, nɔ want fɔ gɛt ɛnitin fɔ du wit Gɔd we na di Papa; bɔt ɛni bɔdi we gri fɔ waka wit Gɔd in Pikin, dɔn gri fɔ waka wit Gɔd we na di Papa.

Jɔn In Fɔs Lɛta 2:24

Di tɛm we una bin jɛs bi Kristiɛn a bin tɛl una sɔntin. Una fɔ kip am na una at. If di tin we una bin dɔn yɛri fɔs tɛm de na una at, dat go mek una gɛt wanwɔd wit Gɔd we na di Papa, ɛn in Pikin.

Jɔn In Fɔs Lɛta 3:23

Na di tin dis we Gɔd tɛl wi fɔ du: Wi fɔ biliv pan in Pikin, Jizɔs Krays, ɛn wi fɔ lɛk wi kɔmpin mɔtalman, lɛkɛ aw Krays dɔn tɛl wi fɔ du.

Apɔsul Dɛn Wok 8:37

Filip ansa am se, “A go baptayz yu if yu biliv pan Jizɔs wit ɔl yu at.” Di bigman ansa am se, “A biliv; a biliv se Jizɔs Krays na Gɔd in Pikin.”]